1 MULINA 20:28 - Boy Lonana

²⁸ Sa ma jok vun Lona ɦuɗ tam ay eg mul ma Israelna olo dam ana, «Gola, Yawe di ana, suu Sirina di ay ana Yawe ni Lo ma kolo kay ɦinirana, ka lo ma ga kay ndaŋgaraɗi. An hin ɦaŋ suu bolow coco wanna ki ni hu duk koŋ halaŋ. Agi hin wi ki ana an gasi ni Yawe daŋ may.»

1 MULINA 20:28 ပူးပေါင်းရင်းမြစ်များ

1 MULINA 20:13

Sa ma jok vun Lona dew ɦuɗ tam ay eg Akab dam ana, «Gola, Yawe di ana, suu moli bolow coco wanna ni aŋ wasiɗi su? An hin ɦaŋsina ki karam hu duk koŋu. Aŋ hin wi ki ana an ni Yawe daŋ may.»

1 MULINA 17:18

Cara di Eli ana, «Va ma ndolon u aŋŋa ni mege? Aŋ mbay varan a gan u coonda ki can goona ki wanni kay mege?»

EZEKIYEL 12:16

An hin suɗ suu taa dukusi ɦiw, suu may suu suɗ ha fun duunana u suu suɗ ki ko mayra, ko tuguɗirana, a asi tuɗ cuɗ boy namma ha ki hu mbassa asi tuɗ ha hu wandara duk njaf suu daŋŋa dla cora li ay egesi wanda. Ni suuna hin wi ki ana anni Yawe.»

SOOLLA 79:10

Ka hin suu ka waŋ aŋ Lonaɗina joɓomi ana, «Loosina arage» ɗi. A njaf suu ɦawana wi dlara ni umiya sa sukul suu maŋ suu asi casi kina.

EZEKIYEL 39:7

An hin tak sen ma teteɗna ki duk suu man suu Israelna. An ka hin sen ma teteɗna a yi ki ɦawa oloɗi. Ni njaf suu ɦawana halaŋ hin wi ki ana anni Yawe, ma Teteɗna, ka duk suu Israelna.

EZEKIYEL 36:32

An li dla ndaɗta na ni ka kay jivi magiraɗi. Di ni Bu Suuna Yawe. Dla ndaɗta ni agi vaɗ ki kagi jiviya, mbuɗugi zolona na ɗow kay poy magira ay co ndaɗta, agi suu Israelna.

EZEKIYEL 20:14

Na may ni an hin li ka naɗi, ni kay sen anu, kay ana asi ka mbuɗ ki lalas ii njaf suu ɦawana suu an cukusi ay ki dukusi wannaɗi.

EZEKIYEL 20:9

Na may an hin li ka naɗi ni kay sen anu. Kay ana asi ka mbuɗ ki lalas ii njaf suu ɦawana suu asi cuki dukusi wannaɗi. An tak tan ki irisiya, ki duk njaf suu daŋŋa halaŋ. An cukusi ay ki hu mbassa Egiptera.

EZEKIYEL 11:12

Agi hin wi ki ana anni Yawe, an ma agi hum ka u gaɗ mandaɗina, lagi ka u neendaɗi lay. Kay agi li ni u nera vi suu ŋguyugi zina wanna.»

EZEKIYEL 6:14

An hin tak saɓakan ki egesiya. Mbassa asi cuki kaɗta halaŋ an hin ɓalakaɗ kiyo, col ha ŋgoo bagi hu fulla ndalira day, tuɗ tew ay ki hu Ribla, hu mbayawi. Asi hin wi ki ana anni Yawe.»

JEREMI 14:7

Lini suluk mamina ka kaami ɓakŋa kamiya, kay seŋ aŋ Yawe a fi ŋgara ni aŋ li ko aŋ minda na. Gasi ami ka bay hin tinda tin vunumi kaŋga ki tuwa, ami ki suluk fokoŋu.

1 MULINA 13:1

Sa ma jok vun Lona col ay hu Yuda, Yawe sunum ay hu Betel, mba fi ni Jeroboam ŋgal ɓivunna hu kay givin ma togolla may.

GA 8ATAMBARA 32:27

Va ma an li ndaana dew ni kay suu babali mansina hin ŋga tasi ana, ami su kasi ni u saɓak tamira, ka hin a di ana Yawe li dla ndaɗta ni namuraɗi.

GA 8ATAMBARA 29:6

Olo cemi agi mba wa hu li ma wanna, Sihon mul ma Hesbonna u Og mul ma Basanna cuk ay ki a duu u aygira, aygi hin su kasiya.

KALKIRA 8:22

Moiz di ana, «Ka ndak a li tani naɗi, kay ɓivun ma ami lam maŋ Yawe, Loominana, ka ii suu Egiptena jiviɗi. Ami ndak a li ɓivun ma ka irisi jiviɗina irisi tani su? Ni asi ka cami kiɗi su?

KALKIRA 7:5

Suu Egiptena hin wi ki ana anni Yawe, hu li ma an tin kon kasi wa a cuk suu mansina ay ki dukusiya ni suu Israelna.»

KALKIRA 6:7

«An hin mbuɗugi ki ni a suu mansina, an hin li ni a Loogina may. Agi hin wi ki ana, anni Yawe, ni Loogina, ni sa ma buɗugi ay ki ko lassa Egiptera.

KALKIRA 16:12

«An hum gurnira vi suu Israelna ha wa. Aŋ dasi ana, fiɗigi goona gege ni agi hin kommi tliwna, maɗiira ni agi hin hoɓ u funa may. Agi hin wi ki ana anni Yawe, Loogina.»

1 MULINA 20:29

Asi pi kaŋ masina vok tasi na ca ta ta buuna kiɗisiya, hu buu ma kiɗisiyana ni asi gijaŋ duuna may. Suu Israelna ci suu duu suu Sirina suu nam varasi ayna na buɓ buɓ kis hu buu ma dewna.

EZAYI 36:20

Loogi suu hu mbas ndaɗtana halaŋ ma hin doo kay mbas mambana ni manage? A Yawe hin doo kay Yerusalem konda ni nanage?»

2 SAMUEL 10:13

Na ɗaŋŋi Joab u suu mamsina tuɗ a duu u suu Sirina. Suu asina yow liŋŋa komu.

1 MULINA 18:36

Tew hu li ma taa tlena a ɦalla may, sa ma jok vun Lona Eli ɦuɗ tam ay di ana, «Yawe, Loŋ Abrahamma, Loŋ Isaakŋa, Lo ma vi suu Israelna, li dlara asi wi ki karam ana aŋŋi Lona daŋ mayra anni saaŋ ma sunuŋŋa an li dlara ni u boy maŋŋa.

1 MULINA 18:37

Hoŋon dira aya, Yawe, honoŋ dira, a suuna halaŋ wi ki ana aŋ Yawe ni Lona daŋ may, aŋ hoŋ huu suu maŋsina ay egeŋ ni aŋu.»

2 DLAŊ MULINARA 32:19

Asi ɓak kay Lo ma Yerusalemma ni ko ndal asi ɓak ay kay loogi suu vi njaf suu daŋŋara na may, asina ni tlesuu suuna yoorosi u bik kosina ɦawaa.

SOOLLA 46:11

Cukugi ɓagina kiyo, wagi ki ana anni Lona, an su kay njaf suuna halaŋ, su kay ndaŋgara lay.