1 MULINA 20:21 - Boy Lonana

²¹ Mul ma Israelna li ni ko ndaɗta na. Nam ci kulumi suu Sirina ki halaŋ, to pus pus kulumina ki lay. Nam ɓalak ɦoŋzi ma Sirina ki cocoo.

1 MULINA 20:21 ပူးပေါင်းရင်းမြစ်များ

2 MULINA 3:24

Asi ɦuɗ tasi ha eg kaŋ ma vi suu Israelna. Suu Israelna dukusi ci suu Moabma. Asi yow liŋŋa fokosiya. Asi mba cuk vo hu Moab, casi cocoo.

2 MULINA 3:18

Ni dlara ewra ii Yawe ɦawaa. Nam hin ɦagi mbassa Moabba ki hu duk kogiya.

1 SAMUEL 17:52

Suu Israelna u suu Yudana tum kolo yi u delesira duuna, cuɗ u suu Filistinna ta ta tew ha ki hu vun li ma ɦuɗugumba ta ta fun grek ma vi Ekronna. Maɗ suu Filistinna ki cukira hu voɗta Saaraimba ta ta hu Gat u Ekron lay.

SUU KAƁAKŊA 3:28

Nam dasi ana, «Tuɗugi ay unu, kay Yawe ɦagi suu babali magisina, suu Moabma, ki kogi wa.» Asi tuɗ ga um halaŋ. Asi tuɗ buu ki fun voo lumma Yurdanna ma suu Moabma taɓa huna, ka hin sa a taɓa lum ma Yurdannaɗi.

1 MULINA 20:20

Gegelay ni ci saamma, saamma, suu Aramena halaŋ tum liŋŋa. Suu Israelna dikisi usi ha may. Ben-Hadad, mul ma Sirina, pii suɗ tam ki u kulumma u suu kulumi suu daŋŋa kay ceerem may.

1 MULINA 20:22

Sa ma jok vun Lona ɦuɗ tam ay eg mul ma Israelna dam ana, «Tuɗ iriŋ ha fok na ɗow ɗow. May ni aŋ saa ki jivi kay dlara fokka, kay hu basara daara ni mul ma Sirina hin col duuna u aŋu.»

JOSUWE 10:20

Josuwe u suu Israelna daɓ gin suu Amorna ki cira, suu pii ki suɗna ni na ew daŋ, asina tuɗ cuki vo hu ziisi ma ŋgayra may.

SUU KAƁAKŊA 11:33

Nam casi ta ta col ha Aroer tuɗ tew ay ki hu Minit, ɦoŋzi ŋgolona dok-mba' ta ta tew ay ki Abel Karamim. Ni duu ŋgolna ɓalak tlena cocoo. Suu Amonna yasi hom kaŋga fok suu Israelna wa.

1 SAMUEL 19:8

Duuna gijaŋŋa olo. David duu suu Filistinna. Nam casi cira ŋgolla na ni, asi njay ki liŋŋa fokom gaw.