1 MULINA 20:13 - Boy Lonana

¹³ Sa ma jok vun Lona dew ɦuɗ tam ay eg Akab dam ana, «Gola, Yawe di ana, suu moli bolow coco wanna ni aŋ wasiɗi su? An hin ɦaŋsina ki karam hu duk koŋu. Aŋ hin wi ki ana an ni Yawe daŋ may.»

1 MULINA 20:13 ပူးပေါင်းရင်းမြစ်များ

1 MULINA 20:28

Sa ma jok vun Lona ɦuɗ tam ay eg mul ma Israelna olo dam ana, «Gola, Yawe di ana, suu Sirina di ay ana Yawe ni Lo ma kolo kay ɦinirana, ka lo ma ga kay ndaŋgaraɗi. An hin ɦaŋ suu bolow coco wanna ki ni hu duk koŋ halaŋ. Agi hin wi ki ana an gasi ni Yawe daŋ may.»

EZEKIYEL 20:22

Na may an hin li ka naɗi ni kay sen anu, kay ana asi ka mbuɗ ki lalas duk njaf suu ɦawanaɗi, ii suu may suu an cukusi ay ki dukusinaɗi lay.

EZEKIYEL 20:14

Na may ni an hin li ka naɗi, ni kay sen anu, kay ana asi ka mbuɗ ki lalas ii njaf suu ɦawana suu an cukusi ay ki dukusi wannaɗi.

EZAYI 37:20

Na may ni aŋ, Yawe, Loomina, suɗumi ki ko sa namma kay a mulla kay yam mbassa halaŋ wi ki ana aŋ dew ni Yawe.»

2 MULINA 7:1

Elize hoŋ dira ana, «Humugi boy ma vi Yawena haa. Yawe di ana, vini ko ndal wanda na, vun grek ma Samarina ni suuna hin gus fuɗta kelewna doogo yam mba' ni gursu dew ɦawaa, ɗowba kelew fuɗ jeɗeŋga dok-mba' u suk ma Samarina.»

KALKIRA 16:12

«An hum gurnira vi suu Israelna ha wa. Aŋ dasi ana, fiɗigi goona gege ni agi hin kommi tliwna, maɗiira ni agi hin hoɓ u funa may. Agi hin wi ki ana anni Yawe, Loogina.»

KALKIRA 14:18

Suu Egiptena hin wi ki gasi ana anni Yawe, ni hu li ma an hin ŋga tan kay kulumi suu pus pusna vi Faraw u suu mam suu duunana.»

EZEKIYEL 6:7

Maɗna hin ci dukugiya. Agi hin wi ki ana anni Yawe.

SOOLLA 83:18

Asi mbuɗ ki zolona li ndaana tew tew, asi ba ha ki hu zolo masi namma.

2 MULINA 13:23

Na may Yawe hin wi hahaw suu Israelna. Nam takasi oo mamba, mbuɗ irim ay egesiya, ni kay galam mamba nam vaɗ ay u Abraham u Isaak u Yakobpa. Nam ka min a gasi njafasi kiɗi. Kay ndaɗta nam dikisi ha ka ki egem dayɗi.

2 SAMUEL 10:13

Na ɗaŋŋi Joab u suu mamsina tuɗ a duu u suu Sirina. Suu asina yow liŋŋa komu.

1 MULINA 20:14

Akab hin joɓ ana, «Aŋ hin ɦansina ki u saɓakŋa vi ge ma a col fokŋa ni ge?» Nam hoŋom dira ana, «Yawe di ana, ni u gorzoŋii suu asi manasi ay hu ɦoŋzi ma ŋgolonana.» Akab hin joɓ olo ana, «Sa ma hin gijaŋ duuna jewna ni gege?» Nam hoŋom dira ana, «Ni aŋ taŋga.»

1 MULINA 20:22

Sa ma jok vun Lona ɦuɗ tam ay eg mul ma Israelna dam ana, «Tuɗ iriŋ ha fok na ɗow ɗow. May ni aŋ saa ki jivi kay dlara fokka, kay hu basara daara ni mul ma Sirina hin col duuna u aŋu.»

JOSUWE 10:8

Yawe di Josuwe ana, «Li ndaaɗi, an hiniŋsina ki ni koŋu. Dukusi halaŋŋi sa ma col fokoŋ dew kaɗi.»

1 MULINA 18:39

Suuna halaŋ wi na ni, goɓ ki kaŋga u vun givisi halaŋ halaŋ di ana, «Yawe ni Lona, Yawe ni Lona.»

2 MULINA 3:18

Ni dlara ewra ii Yawe ɦawaa. Nam hin ɦagi mbassa Moabba ki hu duk kogiya.

2 DLAŊ MULINARA 20:15

Yaziyel oo um kolo di ana, «Humugi ha jiviya, agi halaŋ agi suu Yerusalemma, suu Yudana, aŋ taŋga mulna Josafatta may. Gola ni dlara Yawe dagirara, lagi ndaaɗi, lagi ndaa ko suu duu suu bolow asinaɗi. Duu namma ni ka magi agiɗi, ni man an Loogina.

2 DLAŊ MULINARA 20:17

Agi ka tuɗ duu ni agiɗi. Tuɗ takagi ni tagi ɦawaa. Tuɗ cologi na ca. Agi hin wi saɓak ma vi Yawena a su kasira. Yuda, Yerusalem, lagi ndaaɗi. Ɓik vun dikigiɗi. Vin agi cukugi ki ŋgafasiya. Yawe hin tuɗ u agiya.»