1 MULINA 20:1 - Boy Lonana

¹ Ben-Hadad, mul ma Sirina, tok suu mam suu duuna na halaŋ halaŋ. Muli suu taɓ ay ki umma na dok-hindi yam mba', u kulumina cocoo, suu u pus pus ma kuluminana coco lay. Asi mbay ŋguf ɦoŋzi ma Samarina a duu u asira.

1 MULINA 20:1 ပူးပေါင်းရင်းမြစ်များ

1 MULINA 15:18

Aza yow gursura u lorra ta hin hu Ziŋ Yawera ura hin hu ziŋ mulnara. Sun saam ma sunda u asi maŋ Ben-Hadad, goŋ Tibmonna. Go ŋgolo Heziyonna, mul ma Sirina, ma ka cuki hu Damasna dam ana.

1 MULINA 15:20

Ben-Hadad hum vun mulna Aza. Nam sun suu mam suu duuna a duu u suu Israelna. Nam ci gi Yon, Dan, Abel-Bet-Maaka suu hu mbassa Kinerotta halaŋ u suu hu mbassa vi Neftalira lay.

1 MULINA 16:24

Ŋgoo dagan nam hin gus lina ko Semer. Nam gusum mbura Samarira ki komu u gursura buɓ buɓ karkiya. Nam min ɦoŋzi ŋgolna kay mbu ndaɗta tin sem ɦoŋzi namma ana Samari. Ni u sem Semer sa ma nam gus li namma komma.

1 MULINA 20:16

Asi cuk ay ki faali faɗta coli duk gayra, fiya ni Ben-Hadad guruɗ ki u summa may. Asi ka ci summa u muli mam suu taɓ ay um dok-hindi yam mbana ca may.

1 MULINA 20:2

Asi cuk suu vun sunda tuɗ di Akab, mul ma vi suu Israelna, ha ki ana,

1 MULINA 20:24

Cemi ni aŋ li ni ko ndal wanda na, hin mulina kiyo, varakasi muli suu gorina ki balamasiya.

1 MULINA 22:31

Mul ma Sirina gaɗ suu mam suu dok-hindi yam mba' suu u pus pus ma kulumina ana, «Cagi sa ŋgolɗi lay, gogooɗi lay, may halagi ni mul ma vi suu Israelna.»

2 MULINA 6:8

Mul ma Sirina duu u suu Israelna. Hu li ma nam ka li tokka ko tam u suu ŋgolo mamsina di ana, «Vin wanni an tuɗ vi kaŋ manna hu li ma wannana.»

2 MULINA 8:5

Gehazi di mulna kay colla Elize col suu miɗina ki kolo iirira. Hu li namma cara mba funusi ni na tok gaw may ni, cara nam coloɗ goroɗ ki kolo iirira, mbay a joɓ mulna kay sene maɗna u ziiɗna. Gehazi dam ana, «Sa ŋgol manna, mulna, gola ni ca ndaɗta. Ni goroɗ ma nam colom ki kolo iiri namma gaw may.»

EZDRAS 7:12

«Artazerzes, mulna vi mulina, maŋ mul ma li ɓivunna, Ezdras, ma wi gaɗta vi Lo ma kolo huulona ko heɓpa li u agiya.

KALKIRA 14:7

Nam yow kulumi suu pus pusna kis kis karkiya, kulumi suu pusna suu hu Egiptena halaŋ u suu duuna kasi bel bel.

EZAYI 10:8

Nam ɓii tam ana, «Suu ŋgolo man suu duuna kay tasi ni a mulina layɗi su?

EZAYI 37:24

Magaa maŋga aŋ ɓiiriɗ ayra aŋ ŋgul Bu Suuna, aŋ di ana kulumi suu pupusna zuli varaŋ cocoo. Aŋ ki fuli kolo kay ɦinira fiyekka, ha hu Liban zi ma dayna an ka gu ma saɓak coco ma huna kiyo, u tlesuu jivi suu huna. An tew hu liiɗ ma ŋgay cocona lay.

JEREMI 49:27

An hin gi kura ki eg gulumun ma Damasna ndaɗ hin ŋgal ɦoŋzi ma Ben-Hadadna kiyo.

EZEKIYEL 26:7

«Bu Suuna, Yawe, di ana, An hin mbaa mul ma ay mbayawna Nabukodonosor, mul ma saɓak suu mulina halaŋŋa, ay kagiya. Nam hin mbay ni u kulumina u pupus ma kulumina lay. Suu duuna ay dlaɓi um bolow cocoo.

DANYEL 2:37

Aŋu, aŋ mulna, mulna vi mulina, aŋ sa ma Lo ma kolo huulona ɦaŋ mulla koŋŋa, ɦaŋ eŋga, ɦaŋ saɓakŋa u bibiŋillana,

DLAŊ LEVIRA 26:25

An hin munugi duuna kagiya, kay a gagi daŋgayna kay agi bus galamba vaɗ u anda kira, hu li ma agi tok tagi hu ɦoŋzi ma ŋgolna a ŋgayra ni an hin gagi tuguɗira cora ay kagiya, agi hin ki ni ko suu babali magisina.

AMOS 1:4

An hin cuk kura kay ziŋ Hazaelna ndaɗ hin ŋgal zigini suu vi Ben Hadadna kiyo.

GA 8ATAMBARA 20:1

Hu li ma agi cuk ki a duu u suu babali magisina, lini agi wi kulumina u puspus ma kulumina bolow coco lay ni, lagi ndaa kosiɗi. Kay Yawe Loogina ka u agiya, nammi sa ma cukugi ay ki hu mbassa Egiptera.

GA 8ATAMBARA 28:52

Asi ŋguyugi yam ɦoŋzi magi ma agi huna ki u suu duuna halaŋ halaŋ hu ndaŋga mayra Yawe ɦagirara ta ta toogi ɦoŋziigi ma agi li saɓakŋa umma ki gaa, gulumun ma agi tin hurugi kamma, asi ŋguyugi yagi ki ni hu ɦoŋzina halaŋ.

SUU KAƁAKŊA 1:7

Adoni-Bezek yoo tam di ana, «Muli suu asi kaasi gogor kosi u gogor sesi kina na dok-kiɗisiya ay vaa tlesuu tira suu yakki kaŋgana ni u tabul manda, dlara an laɗta Lona hoŋonda kan wa may.» Asi mbaaram ay ki hu Yerusalem. Nam mba miɗ ki ni huwa.

SUU KAƁAKŊA 4:3

Suu Israelna yow tiina eg Yawe kay Sisera u pus pus kawina kom na kis kis dleeŋe. Nam las suu Israelna cocoo, basara na dok-mba'.

1 SAMUEL 13:5

Suu Filistinna yow ay a duu u suu Israelna. Asi ay u puspusna usi buɓ buɓ dok-hindi, suu kulumina buɓ buɓ karkiya. Suu semba bolowra ko ndal ŋgetlna vun lummana na. Asi tuɗ lak hu Mikmas, hu Bet-Awen u faɗ maɗiiya.