1 MULINA 2:5 - Boy Lonana

⁵ «Aŋ lay ni wi dlara Joab landa egenda, goryoŋ Seruyana, dlara nam laɗ eg suu ŋgolo suu mba' suu may suu fok suu asgaa suu Israelnana, eg Abner, ma goŋ Nerna, u Amassa, ma goŋ Yeterna. Nam casi kiyo, vo busuna ki hu li ma heɓpa ka duk suunana, ko hu li ma duuna na. Nam tin busu ma duu namma eg gandi mam ma hurumma, eg tuɓuru ma semma lay.

1 MULINA 2:5 ပူးပေါင်းရင်းမြစ်များ

2 SAMUEL 17:25

Fok suu asgaana Absalom tin Amasa balam Joab. Doli ɗini Amasa ni goŋ sa ma yam ana Yita ma Israelna, ma ɗum Abigal ta goŋ Nahas wayaŋ Seruyara su Joab.

2 SAMUEL 18:12

Sana di Joab ana, «Lini an kaw gin gursu sikle ma buɓ namma kon lay ni an hin ka tin kon eg goŋ mulnanaɗi. Kay ana ami hum gaɗta mulna gaɗaŋga ki ni u humumiya, Abisay may, Itay may ana, lagi jiviya ka sa ŋgen kom eg goozoŋŋa, Absalombi.

2 SAMUEL 18:14

Joab di ana, «An hin ka juɓ fokoŋ ko wanda naɗi.» Nam yow ɓagiina kom hindi, ɓalam kay mugul Absalom ma gin iiri tu duk hum ŋgusnana.

2 SAMUEL 18:5

Mulna gaɗ Joab, Abisay, u Itay ana, «U ŋgara agi ŋgaanda lagi u goo zoŋŋa Absalom na lam lam.» Suuna halaŋ hum vun mulna a gaɗ suu ŋgolo suu fokosina kay Absalom.

2 SAMUEL 2:13

Joab, ma goŋ Seruyana, u suu li sunda vi Davidna busuk ay ki may. Hu li ma asi ŋgaf tasi hu ɦuɗugumba Gabaonda may ni asi min tasi kak ka ii ko ma hiŋŋa may, ko ma hiŋŋa may.

2 SAMUEL 2:18

Ay hu li namma ni goryoŋ Seruya suu hindina kaa, Joab, Abisay, Azael. Azael sem um feɗta ko ndal dukka bagi duk senenara na.

2 SAMUEL 20:10

Amasa wi ŋgew ma ko Joabma ka ki jiviɗi. Sa namma cokom hayam selem yoroɗom ki kaŋgaa. Nam miɗ ki ni bay Joab tew a cokom a yamba mbara. Joab asi u wayamma Abisay cuk tasi a cuɗ u Seba ma goŋ Bikrina.

2 SAMUEL 3:27

Hu li ma Abner hoŋ ay ki hu Hebronna Joab yam ha ki fun kaana hu vun ziimba ko ndal ɓakam boyna u heɓpa na. Hu li namma nam waɗam ki cora kay hayam na pum gaw, a sa sugul busu wayamma Azael.

2 SAMUEL 3:39

An karam ki maŋiya, u fuura fuurun tinin a mulnara lay, suu asina, goryoŋ Seruyana asi saɓak suunu. May Yawe warak sa ma cona ni u coomba may.»

1 MULINA 1:7

Nam vi vunummi u Joab ma goŋ Seruyana u mul ma li ɓivunna, Abiyatar may. Asi ni suu soom um hana.

1 MULINA 2:32

Yawe hoŋom busuɗummi kay duu duu yamu, nam sa ma ci suu ɗegee suu mbana kina. Nam casi ki u ŋgewna bay bun David wi duku. Ni Abner ma goŋ Nerna sa ma ŋgol asgaa suu Israelna u Amasa ma goŋ Yeterna sa ma ŋgol asgaa suu Yudana.

JEREMI 2:34

Busu suu hahawra, suu li va kaɗina ka tini eg vun barawi maksina. Ni gasi eg tle asina an famu, ka ni eg gulumun ma irim ki cooynaɗi.

JEREMI 6:15

Asi ki viɗiya kay ana asi li dla cora. Na may asi ka min wi dla coosiraɗi. Asi ka saa kay dlara mbuɗusi ki zolonaraɗi. Na ɗaŋŋi asi hin puk ki kaŋga ko suu hiŋŋa na. Asi hin daɓ pukka kaŋga hu li ma an hin kaasi ɓakŋa kasina. Yawe di na.

MATIYE 3:4

Jaŋ baraw mamma cili ni u tlimiɗ jamballa, gandina njuni hurumu. Tlesuu nam tasina ni baarina u mbul yumma ki ŋgoo bagiya.

GA 8ATAMBARA 27:24

«Sa ma ci ndaramma ha ki ŋgay gumun cina, sa namma ba ki wa. Suu halaŋŋa hoŋ dira ana, Amin.