1 MULINA 2:33 - Boy Lonana

³³ Ko busuusi hoŋ ha ni kay Joab u njafam halaŋ ha fok na gak gak. May kay David u njafam halaŋ u dlam mamba mulla lay, jivira ha kasi fok Yawe ni na gak gak a fafaɗta.»

1 MULINA 2:33 ပူးပေါင်းရင်းမြစ်များ

MATIYE 27:25

Asi suu moli halaŋŋa dam ana, «Busuummi kami u goryomiya.»

1 MULINA 2:32

Yawe hoŋom busuɗummi kay duu duu yamu, nam sa ma ci suu ɗegee suu mbana kina. Nam casi ki u ŋgewna bay bun David wi duku. Ni Abner ma goŋ Nerna sa ma ŋgol asgaa suu Israelna u Amasa ma goŋ Yeterna sa ma ŋgol asgaa suu Yudana.

Boy Ma Ayra Ma LUK Ɓiirimma 2:14

«Geleɗey Lo ma kolona. Nam ɦal heɓ mamba ay kay ndaŋgara maŋ suu nam minisina.»

VUN ŊGOLNA 25:5

Lini aŋ dik suu co suu ɓalak mulnana ki wa ni, nam hin ti mul mamba ni saɓak u ɗegeera may.

SOOLLA 132:12

Lini goryoŋ li u galamba an vaɗ u agira, li u gaɗta an ɦagirara may ni, goryosi lay hin lak ka hu dlam maŋga mulla a fafaɗta.»

SOOLLA 101:8

Hu buuna halaŋŋi an seŋ vun suu co suu hu mbas mandana kiyo, an bulumusi ki hu zi ma vi Yawena, asi suu li dla cora halaŋ.

SOOLLA 89:29

«Ɗegee manda ka u nam tew tew, galam manda u namba ka bulum kiɗi.

2 MULINA 5:27

Kay ndaɗta busu ma vi Naamanna hin jokŋi kaŋu, ha kay njafaŋŋi na halaŋ halaŋ.» Hu li ma Gehazi gi tam hin Elize kana may ni, tam mbuɗ ki haɓpa ko fuɗ barawra na, busuna cukummi na gaw.

SUNDA 18:6

Ni asi suu Juifna min a vam boy mammaɗi, ŋgulummi ŋguli na ɗow ɗow, nam kisik gugum baraw mamma ki irisi dasi ana, «Lini agi ba ki wa coogira ni kay yagira eŋga, ndolon ka duk oloɗi. An hin cecemi tuɗ ni eg njaf suu daŋŋa.»

2 SAMUEL 14:9

Cara Tekoara di mulna ana, «Cora ni kanu, malanna mulna, kay suu varanna lay. Mulna u mul mamba dla ka kasiɗi.»

URA TIN AYRA 42:22

Ruben ɓakasi ana, «An dagi ana li va co eg goo nammaɗi naɗi su? Agi humun vunun kaɗi. Gola busuɗum joɓ dla tam wanna.»

NDUMBA 32:23

Na may lini agi li ka naɗi ni, agi li cora ni eg Yawe. Ni agi wi ki ana coogi ndaɗta hin cuɗugi ugi may.

SUU KAƁAKŊA 9:24

Lini kay Abimelek ci gorsem suu vi bumma goryoŋ Yerubaalna ki na dok-kiɗisiya u suu ŋgolo suu Sekemma suu zuɗum um a nam li suluk nammana, asi hin fi kaɓak ma cona kay coosi ndaɗta.

1 MULINA 2:44

Mulna hin di Simey ana, «Aŋ wi lay huruŋ ka takaŋ dla cora aŋ laɗ eg bun Davidta. Yawe hoŋoŋ cooŋ ndaɗta ni kay duu duu yaŋu.

1 MULINA 8:32

aŋ ha kolo huulona day ni hum haa, gi ii dlara ay duk suu sun maŋsina. Sa ma dlara vamma coomba hin do ni kay duu duu yamu. Sa ma ɗegeena hin li ni u ɗegee mam ndaɗta may.

1 DLAŊ MULINARA 17:27

Cecem wanda ɗaŋŋi paɗ vunuŋ ki kay ziŋ saaŋ ma sundana, a nam li fokoŋ tew tew kay ana aŋ, Yawe, aŋ paɗ vunuŋ kiyo, va ma aŋ paɗ vunuŋ ki kamma vunna ki paɗi ni a fafaɗta.»

SOOLLA 21:4

Aŋ ɦam heɓpa, paɗ vunuŋ ki kamu, aŋ kuluɓum jum lorra kamu.

EZEKIYEL 17:19

«Kay ndaɗta Bu Suuna, Yawe, di ana, An suu u iiri manda, suura asi suu tasi ki kay ɗegeera nam hin li ka uɗɗi, galamba nam bulumuɗ ki ndaɗta, dla ndaɗta an hoŋomba ni kamu.