1 MULINA 2:32 - Boy Lonana

³² Yawe hoŋom busuɗummi kay duu duu yamu, nam sa ma ci suu ɗegee suu mbana kina. Nam casi ki u ŋgewna bay bun David wi duku. Ni Abner ma goŋ Nerna sa ma ŋgol asgaa suu Israelna u Amasa ma goŋ Yeterna sa ma ŋgol asgaa suu Yudana.

1 MULINA 2:32 ပူးပေါင်းရင်းမြစ်များ

URA TIN AYRA 4:11

Lona gaŋ vuna wa, ndaŋga mayra aŋ vo busu wayaŋŋa ki kaɗta mbuɗ vunuɗ ki kaŋ wa.

URA TIN AYRA 42:22

Ruben ɓakasi ana, «An dagi ana li va co eg goo nammaɗi naɗi su? Agi humun vunun kaɗi. Gola busuɗum joɓ dla tam wanna.»

URA TIN AYRA 9:6

Sa ma vo busu sana kina, sa hin voom busuɗum kini voy may. Kay Lona li sana ko tamba na.

2 SAMUEL 1:16

David dam ana, «Ko busuɗuŋ li ni kay yaŋu, kay aŋ tin dlara egeŋ u taŋga ana, anni sa dog sa ma Yawe fuurumma kina.»

2 SAMUEL 17:25

Fok suu asgaana Absalom tin Amasa balam Joab. Doli ɗini Amasa ni goŋ sa ma yam ana Yita ma Israelna, ma ɗum Abigal ta goŋ Nahas wayaŋ Seruyara su Joab.

2 SAMUEL 3:29

Ko nam ɓaɗ ni kay Joab u suu mamsina halaŋ. Ko dlara vo busuna kira ura tum suuna ki ndo ndonara, ura mbuɗ suuna ki ko boyogina nara u ndira ndi fun ŋgewnara u ndira mayra ndira seŋ lira li vo hu ziŋ Joabbaɗi.»

2 SAMUEL 3:37

Suuna halaŋ, suu Israelna gegelay hum ki hu buu namma ana maɗ Abner ma goŋ Nerna ka ni dlara mulna laɗtaɗi.

2 SAMUEL 3:39

An karam ki maŋiya, u fuura fuurun tinin a mulnara lay, suu asina, goryoŋ Seruyana asi saɓak suunu. May Yawe warak sa ma cona ni u coomba may.»

2 SAMUEL 4:11

Ni kay ndaɗta suu dlasi co suu ci maɗna ci sa ma ɗegeena ki hu ziim kay lay mamma. Na ɗaŋŋi an ka ndak a joɓogina busuɗum ma vo ki kogina a gagi njafagi ki kay ndaŋgaraɗi su?»

1 MULINA 2:44

Mulna hin di Simey ana, «Aŋ wi lay huruŋ ka takaŋ dla cora aŋ laɗ eg bun Davidta. Yawe hoŋoŋ cooŋ ndaɗta ni kay duu duu yaŋu.

1 MULINA 2:5

«Aŋ lay ni wi dlara Joab landa egenda, goryoŋ Seruyana, dlara nam laɗ eg suu ŋgolo suu mba' suu may suu fok suu asgaa suu Israelnana, eg Abner, ma goŋ Nerna, u Amassa, ma goŋ Yeterna. Nam casi kiyo, vo busuna ki hu li ma heɓpa ka duk suunana, ko hu li ma duuna na. Nam tin busu ma duu namma eg gandi mam ma hurumma, eg tuɓuru ma semma lay.

1 MULINA 8:32

aŋ ha kolo huulona day ni hum haa, gi ii dlara ay duk suu sun maŋsina. Sa ma dlara vamma coomba hin do ni kay duu duu yamu. Sa ma ɗegeena hin li ni u ɗegee mam ndaɗta may.

2 DLAŊ MULINARA 21:13

Aŋ hin zaŋ tli ni dlara vi muli suu Israelna na ɗow. Aŋ zuɗ suu Yerusalemma u suu Yudana a pereɗ irisi u loogi suu ɦawana ko ndal suu vi Akabma lira na may. Aŋ tuɗ ta ta ci gorseŋŋa ki lay. Asi ni suu a li dlara jivira. Dlasi ŋgol suuŋŋa na ɗow.

2 DLAŊ MULINARA 21:14

Kay ndaɗta Yawe hin nda caŋ suu maŋsina ki u tuguɗiira cora, goryoŋu, boyogoŋu u tlesuu vo varaŋŋa halaŋ.

ESTER 1:19

Ko mulna vi kam kay ni ɦal gaɗta ɓiiriɗ ki kaŋga hu magaara gaɗta Pers u Medi sa hin ka mbuɗuɗ kiɗi, sa hin ka ɦal voɗta maŋ Vasti a ndaɗ hin mbay fok mulna Zersesɗi lay, nam hin ŋgol maɗta ca mulla ki maŋ ndaraɗta suuɗta.

SOOLLA 7:16

Nam ka vek zulla kaŋga day, nam tamba hin ndi hu zul ndaɗta, ni nam tok.

SOOLLA 7:17

Dla coomba hoŋŋi kay tamba, suluk mamma vam kaŋga wa.

EZEKIYEL 17:19

«Kay ndaɗta Bu Suuna, Yawe, di ana, An suu u iiri manda, suura asi suu tasi ki kay ɗegeera nam hin li ka uɗɗi, galamba nam bulumuɗ ki ndaɗta, dla ndaɗta an hoŋomba ni kamu.

NDUMBA 32:23

Na may lini agi li ka naɗi ni, agi li cora ni eg Yawe. Ni agi wi ki ana coogi ndaɗta hin cuɗugi ugi may.

SUU KAƁAKŊA 9:24

Lini kay Abimelek ci gorsem suu vi bumma goryoŋ Yerubaalna ki na dok-kiɗisiya u suu ŋgolo suu Sekemma suu zuɗum um a nam li suluk nammana, asi hin fi kaɓak ma cona kay coosi ndaɗta.

SUU KAƁAKŊA 9:57

Lona hoŋ dla cora vi suu ŋgolo suu hu Sekemma ta asi laɗta ni kasi may. Givun ma vi Yotam ma goŋ Yerubaalna vasi ni ko ndaɗta na.

1 SAMUEL 15:28

Samuel dam ana, «Yawe ɓaɗaŋ mulla Israella ki koŋ wa. Karam nam hin ɦaɗ ki maŋ sa daŋ ma jivi suuŋŋa.»