1 MULINA 19:11 - Boy Lonana

¹¹ Yawe dam ana, «Kal ay kiyo. Mbay col ki kolo kay ɦinira fok Yawe. Gol iriŋu, Yawe hin jaka.» Babaa ma ŋgolna mbay coco fok Yawe, wak ɦinira ki lay, to ɦinira ay ki ga coco fok Yawe. Na may Yawe ay ka duk babaa namma gawɗi, ŋgoo babaana ni ndaŋgara ŋgeŋeɗ cocoo, Yawe ay ka duk ŋgeŋeɗta ndaŋgara ŋgeŋeɗ ndaɗtaɗi lay.

1 MULINA 19:11 ပူးပေါင်းရင်းမြစ်များ

JOB 38:1

Yawe hoŋ dira ay maŋ Job duk babaa ma ŋgolna di ana,

SOOLLA 50:3

Looygina ka mbaya, nam ka seŋ tambi. Kura ŋgolla ay ka fokomu, babaa ma ŋgolna ŋguyum yamu.

SOOLLA 68:8

Lona, hu li ma aŋ kal ki fok suu maŋsina, hu li ma aŋ ka tuɗ ŋgoo hu fulla,

SOOLLA 68:9

ndaŋgara geŋeɗa, lona si lay, fok Lona, Lo ma vi suu Israelna, fok Lona, Lo ma kay ɦinira Sinayra.

KALKIRA 19:16

Hu buu ma hindina maɗiira a fo kira ni, della ɓak may, welera li may, ɗugulla doɓorokka kuluɓ ki kay ɦinira, del diffa bu ay saɓak cocoo, suuna hu ɦoŋzina halaŋŋi dlak ki na jik jik.

KALKIRA 19:20

Yawe cuk ay ga kay Ҥinira Sinayra. Ay kolo kay yam ɦinira ni Yawe yi Moiz ay kolo kay yam ɦinira. Moiz ɗiŋ ha kolo may.

KALKIRA 20:18

Suuna hum della, wi welera, hum diffa bura, wi ɦinira ɗus ndoosna may, asi vi tasiya, lak ha ki na day.

KALKIRA 24:12

Yawe di Moiz ana, «Ɗiŋ ay kolo egen kay ɦinira tani mbay kak tani, kay an min ɦaŋ ɦinira ceɗira ta gaɗ manda halaŋ ka ɓiiri hura, a aŋ haɗaɗu.»

KALKIRA 24:18

Moiz kal ha duk ɗugulla, ɗiŋ ha kolo kay ɦinira, Moiz kak kolo kay ɦinira buuna dok-fiɗi.

KALKIRA 34:2

Aŋ ceɗeɗ ki ni vin maɗii gaw. Maɗii feɗet ni aŋ ɗiŋ kolo kay Ҥinira Sinayra aŋ col fokonu, ni kolo kay yam ɦinira.

KALKIRA 34:6

Yawe jak fokom na ni nam yiya, «Yawe, Yawe, Lo ma oora, ma hurum oy u jivirana, ma ka mbuɗ ya zakgina, ma hurum oy u ɗegeerana.

EZAYI 30:30

Yawe hin tak delemba saɓakŋa kiyo. Asi hin wam kom ma ci suuna hu yaambana duk sin kura vi cocora, duk babaa ma mbo lona u dlaŋmagina.

EZEKIYEL 1:4

Gola ni dlara an waɗta, babaa ma ŋgolna col ay ii mbayaw na, ɗugulla ŋgolla ay um may, ɗugulla yaɗ ki ŋguy u kura, duk gayra ni vana weleɗ ay hu cocora ko ndal kawi ma haɓma welera na.

EZEKIYEL 37:7

An gijaŋ di boy namma ko an fam ayra na may ni, soora gijaŋŋa ni hu li ma an ka ɓak boy nammana gaw. Tlena gijaŋ gasira, an gola ni sokŋa gijaŋ tok eg tam na zeɗ zeɗ gaw.

NAHUM 1:3

Gasi, Yawe, hurum ka mbuɗ ya zakgi, u saɓakam ma ŋgolna nam ka hin va jak ki kambi. Hu li ma nam tuɗ huna, babaa ma ŋgolna li umu. Ɗugulla ni gugum ma tum kolo u semma.

ZAKARI 14:5

Agi hin pii ki hu ɦuɗugum ndaɗta, kay ana ɦuɗugum ɦinira hin tew ha ki hu Azal. Agi hin pii ko agi pii ki hu cokira ndaŋgara dlak hu li ma Oziyas a mulna hu Yudara na. Olo, Yawe, Loonna, hin mbay u suu mam suu teteɗna umu.

MATIYE 24:7

Njaf suu dewna hin tuɗ duu u suu hiŋŋa may, mulna tuɗ duu u mul hiŋŋa may. Bakdarra ŋgolla ndiya, ndaŋgara hin gijaŋ geŋeɗta may.

MATIYE 28:2

Na wanni ndaŋgara gijaŋ dlak cocoo. Sa sunda huulona col ay kolo, mba lagaɗ ɦinira fun zullara kiyo, kak kaɗu.

HEBRENA 12:26

Delemba ɓakŋa dlak ndaŋgara kiyo, ni cecemi nam vi vunum u aygi anaba, «An hin ka ŋgeŋeɗ ni ndaŋgara doy holɗi, huulona lay, ni sem dew olo.»

WIRA ŊGAYRA 11:19

Vun Ziŋ Lonara ha kolo huulona mal ki wa, Zandukka Galamba hu Ziŋ Lonara suuna waɗ ha kiyo. Weleɗta liya, soora tumma, lo ma bayra baya, ndaŋgara wii na gizik gizik, dlaŋmagina cuk ki kaŋgaa.

WIRA ŊGAYRA 16:18

Hu li namma ni weleɗta liya, soora soo may, Lona bay may ndaŋgara wii coco may, ay hu li ma Lona gi sana kay ndaŋgara dayna ni ndaŋgara ka bay wii ko ndaɗta na tuwa. Kay ndaɗ wii ki saɓaki coco ɦay.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.

1 SAMUEL 14:15

Suuna mbuɗ ki ndaana hu kaŋŋa, ki ɦoŋzi ma bagina lay, duk suuna halaŋ. Kaŋŋa u suu li dla cora mbuɗ ki ndaana lay. Ndaŋgara dlakka, ni ndaa ma vi Lonna.