1 MULINA 19:10 - Boy Lonana

¹⁰ Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:10 ပူးပေါင်းရင်းမြစ်များ

1 MULINA 18:10

A gasira fok Yawe, Looŋŋa, ni mbassa hin ki dew bay mulna halaŋ ay ki huruɗ kaɗi. Suu di ana aŋ ka varasi taniɗina ni nam suu mul ndaɗta ha ki ni suuriya.

1 MULINA 18:17

Hu li ma Akab wi Eli na ni, nam dam ana, «Ni aŋ ma mbaa wihawra ay kay suu Israelnana ɗaŋ su?»

1 MULINA 18:20

Akab sun kay suu Israelna halaŋ halaŋ. Tok suu jok vun Lona halaŋ kolo kay ɦinira Karmella.

1 MULINA 18:22

Eli di suu Israelna ana, «An dew ni a sa ma jok vun Lona ma vi Yawena. Suu joɓpa suu vi Baalna ni 450.

1 MULINA 18:30

Eli di suu Israelna ana, «Ҥuɗugi tagi ay na tok tok egenu.» Suuna halaŋ ɦuɗ tasi ay egemu. Nam hoŋ min givin ma togolla vi Yawe ma suuna hawamma ki kaŋgana.

1 MULINA 18:4

Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

1 MULINA 19:14

Nam hoŋ dira ana, «Yawe, Lo ma Saɓakŋa, an hurun miniŋ cocoo, an ka ndak a siɓ dlara suu Israelna laɗtaɗi. Asi bus Galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:2

Jezabel gi sana a vun sunda eg Eli dam ana, «Vin maɗii ko wanda na aŋ li ka iiri tuwa, an caŋ ka ki ko ndal aŋ ci suu joɓpa ki wandara naɗi ni logina lan cora egenu.»

1 MULINA 20:13

Sa ma jok vun Lona dew ɦuɗ tam ay eg Akab dam ana, «Gola, Yawe di ana, suu moli bolow coco wanna ni aŋ wasiɗi su? An hin ɦaŋsina ki karam hu duk koŋu. Aŋ hin wi ki ana an ni Yawe daŋ may.»

1 MULINA 20:22

Sa ma jok vun Lona ɦuɗ tam ay eg mul ma Israelna dam ana, «Tuɗ iriŋ ha fok na ɗow ɗow. May ni aŋ saa ki jivi kay dlara fokka, kay hu basara daara ni mul ma Sirina hin col duuna u aŋu.»

1 MULINA 20:35

Sa maa dew duk goryoŋ suu jok vun Lonana di ndaram ma tuɗ ko tasina ko Yawe damba na ana, «An ceneŋu, can aya.» Na may sana min ka a cambi.

1 MULINA 22:8

Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»

2 MULINA 10:16

Hin dam ana, «Mbay u anu, mbay golon tanda ki fet kay Yawera tu ɗaŋ.» Asi tuɗ ko tasi u Jehu hu pus pus mamma dew.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

SOOLLA 119:126

Ҥi, Yawe, lin ndak wa a aŋ kaɓak maŋara, asi ɓalakaŋ gaɗ maŋga cocoo.

SOOLLA 119:139

Hurun ma haɗta ŋgalan ki hurun ko kura na, kay suu babali mansina maa boy ma aŋ damma ki wa.

SOOLLA 119:26

An takaŋ sun manda ki halaŋ, aŋ hoŋon dira wa may, haɗan gaɗ maŋga aya.

SOOLLA 69:9

Ko an mbuɗ ii gorsenna ni ko koyna na, gorsen suu vi sunna lay ka wanɗi.

SOOLLA 78:37

Hurusi ka tini gasi eŋ kambi, asi ka saa kay galamba nam vaɗ u asiraɗi.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

KALKIRA 34:14

«Ko ndaɗta na aŋ goɓ ga fok lo ma daŋgi, kay sem Yawe ya cocoo. Nammi Lo ma hurum ya cocona.

EZAYI 49:4

An may ni hin ɓak tan ana, «An loɓ tan ki ni ɦawaa, an ba lina ki egenni ɦawaa, fi va ka huɗi. Jivi manda ni Yawe dew, warak manna ha ni ko Loonna.»

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 36:26

Nam ɦal voɗta maŋ Yerameel ŋgol asgaa ma ci suuna, maŋ Seraya ma goŋ Azriyelna, maŋ Selemiya, ma goŋ Abdeelna, ana asi vi sa ŋgol ma ɓii magaara, Baruk, u sa jok vun Lona, Jeremi, na may Yawe ŋgayasi kiyo.

Magaara Vi Sa Jok Vun Lona OZE 5:11

Efrayim ki dooriya, toom ki hu ɓakŋa wa, kay ana nam vi tam a liŋ na ta ta u dlara uɗ kaɗira.

MISE 6:16

Aŋ li u gaɗta vi Omrira, u dlara asi laɗ vo hu zina vi Akabpa lay. Agi tuɗugi ni u gaɗ masira, an may ni hin hiniŋ hu li ma hahawra, suu maŋsina hin mbuɗ ki zolona lay. Agi hin fagi ni dla co mayra suu mansina faɗta.

MISE 7:2

Ma ɗegeena tuɗ ki hin mbassa wa, sa ma jivi hin ka duk suuna oloɗi. Asi halaŋ saarasi tinira ni kay vora vo busuna kira. Gegelay min a vi wayamma kaŋga hu bayra.

NDUMBA 25:11

«Mul ma li ɓivunna Pinhas, goŋ Eleazar ma goŋ Aaronna, heɓen hurun eg suu Israelna wa hu li ma nam tak yaam ki kay balam sen dukusina. Kay ndaɗta an ka u hurun ma yara a daɓ suu Israelna kira oloɗi.

NDUMBA 25:13

Heɓ ndaɗta ni mamu, maŋ njafam ma ka daganna lay. Galam ndaɗta njunusi a li sunda ɓivunna a fafaɗta kay ana nam tak yaamba ki kay Loomma, nam li dlara mbus cora vi suu Israelna kira.»

Boy Ma Ayra Ma JAŊ Ɓiirimma 2:17

Suu haɗi mamsina humusi gasi kay boy ma di ay ki hu magara ana, «Minda kay ziiŋŋa ŋgalan hurun ko kura na.»

GA 8ATAMBARA 31:16

Yawe di Moiz ana, «Gola cemi ni aŋ hin buu ni ga u somoyoŋu, suu asina ca ni hin gi ni jaŋ li dlara gawlaŋŋa, hin tuɗ ki ni u loogi suu vi suu koyogi suu ka hu mbas ndaɗta wanna suu asi hin cuk ha dukusina, asi hin noyon kiyo, hin bulumun galam manda u asira kiyo.

HEBRENA 11:37

Suu daŋŋa asi casi ki u ɦinira, suu daŋŋa asi ŋgaɗasi irisi ki duk mba' mba', ɗowba casi ki u ŋgew ŋgolna. Asi tuɗ ki hu li ma daŋŋa daŋŋa cuk bak timigiina tasi u bak ɦugunina. Asi fi wihawra ko lassa ŋgolo.