1 MULINA 18:4 - Boy Lonana

⁴ Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

1 MULINA 18:4 ပူးပေါင်းရင်းမြစ်များ

1 MULINA 13:16

Sa ma jok vun Lona dam ana, «Ҥawaa an ka ndak a hoŋ daganɗi, ka tuɗ u aŋgi lay. An ka hin ti fuɗi, ka ci yoɗi lay, ka ti va hu li namma taniɗi.

1 MULINA 17:11

Ndaɗ tuɗ a halam yona may ni, nam yaɗ ha dagan daɗ ana, «An ceneku halan u fu ma ay kok hu na nde may.»

1 MULINA 18:13

Asi cuɗuŋ dla mayra saaŋ ma sunda laɗ hu li ma Jezabel ci suu jok vun Yawena kira kaɗi su? An ŋgay suu jok vun Yawe ki na kis, ɓorowosi irisi ki dok-vadl dok-vadl hu zul ɦinira. An ɦasi funa may, yona may.

1 MULINA 18:5

Akab di Obadiya ana, «Tuɗ poy hu mbassa gol huu goloŋiina ki halaŋ halaŋ, lini aŋ fi usu ma ŋgolom a yoorina ti hu kalage. Ay ndak a ŋgom kulumina u koro Makkana iiri kalage. Ni yoori may suu taa hin hin iiri ɦiwɗi su?»

2 MULINA 6:32

Elize ay kaki vo taraŋ varamu. Suu ŋgolo mamsina laki egem may. Hu li ma mulna sun saam ma sunda ay egemma, bay sa ma vun sunda mba egem tu may ni, nam di suu ŋgolo mam suu egemma ana, «Gologiya, goŋ sa ma ci maɗna sun sana ay egen ana tuɗ kaan yan kiyo. Hu li ma nam mbawa ni agi dugugi vunna ɦek kogi ha ki huwa. Na may sem sa ŋgol mamma ka tuɗ ay um dagan may.»

2 MULINA 9:7

Aŋ hin ci suu vi Akab sa ŋgol maŋŋana kiyo. An hin sa sukul suu man suu sunda suu jok vun Lona u busu suu sun suu vi Yawena halaŋ, ma Jezabel voom ki kaŋgana kiyo.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

EZAYI 16:3

Asi di suu Yudana ana, «Njunumiya, baa koŋ kami ko ŋgus ŋgolna li ŋgusum kay suuna hu li ma faɗta ka ti cocona na, njeŋge lay aŋ ŋgayamiya, ŋgay suu suuna dikisi ay kina, hinimi a asi famiɗi.

JEREMI 26:24

Jeremi may ni li furira kay doora Ahikam ma goŋ Safanna doo kamba, hin ɦam ka ki maŋ suu min a cam kinaɗi.

JEREMI 36:19

Suu ŋgolo suu li sunda di Baruk ana, «Tuɗ ŋgay taŋu, Jeremi lay. Ka sa wi li ma agi ka hunaɗi.»

MATIYE 21:35

Suu li sunda hu senena yow suu asina, waɗ ma hiŋŋa, ci maa ki maɗ dew may, duu ma hiŋŋa gikka u gogoyra may.

MATIYE 25:35

An mayra canu, agi ɦan fu tira. Laara can lay ni, agi ɦan yo cira lay. An ay koyra ni, agi van varagi jiviya.

MATIYE 25:40

Mulna hoŋosi dira ana, «An dagi ni u voɗoɗu, jivira agi laɗ eg sa maa dew duk gorsen suu hahawra, ni agi landa ay ni man anu.»

HEBRENA 11:38

Suu hu duliyara halaŋ ka ndaki kay suu asinaɗi. Asi viɗ ki ŋgoo bagi lay, kay ɦinira lay, asi buu ni hu zul ŋgolla, ga hu zul ndaŋgara lay.