1 MULINA 18:39 - Boy Lonana

³⁹ Suuna halaŋ wi na ni, goɓ ki kaŋga u vun givisi halaŋ halaŋ di ana, «Yawe ni Lona, Yawe ni Lona.»

1 MULINA 18:39 ပူးပေါင်းရင်းမြစ်များ

1 MULINA 18:24

Agi hin yi sem loogina. An may ni hin yi ni sem Yawe may. Lo ma hoŋ dira ay u kurana ni Lona gasi.» Suu Israelna halaŋ hoŋ dira ana, «Boy namma ni jiviya.»

2 DLAŊ MULINARA 7:3

Suu Israelna halaŋ wi kura ay kolo huulona ndaɗta u Bibiŋil Yawera kolo kay Ziŋ Lonara, asi goɓ kaŋga daɓ vogosi kaŋga duk ndaŋgara, huu kaana kurufu fun Ziŋ Lonara, ŋga Lona di ana, «Kay nam jiviya, ɗegee mamba ha ni na din din.»

1 MULINA 18:21

Eli ɦuɗ tam ay eg suu halaŋŋa dasi ana, «Agi hin hinigi dlara yowoɗ kogi na mba' mbara ki ni saɓa tuge? Lini Yawe a Lona ni namu ni vagi um may. Lini Baal a Lona ni namu ni vagi um gaw may.» May suu Israelna sa ma hoŋom di na dew kaɗi.

SUNDA 4:16

«Suu asina aygi mba li me u asi nige? Suu hu Yerusalemma halaŋ wi dlara mbuɗta asi laɗta ki u irisiya, aygi ka ndak a doorosi oloɗi may.

SUNDA 2:37

Hu li ma asi hum boy namma na ni hurusi haɗ cocoo. Asi joɓ suu vovoɗta suu hiŋŋa ana, «Gorsemina ami lini nanage?»

Boy Ma Ayra Ma JAŊ Ɓiirimma 5:35

Jaŋŋi ko pindilla tuɗ ni fok suuna a asi wi kiɗikka na. Agi vi dla ndaɗta ay ki kagi a li ayra u kiɗik mamba lay.

1 DLAŊ MULINARA 21:16

David tli irim koloo ni wi sa sunda vi Yawe coli duk ɦoŋ ndaŋgara u huulona, ŋgew mamma ki kom kawi siiliya, irim pereɗi kay Yerusalem. David u suu basina puk kaŋgaa, baraw bolla tasiya.

SUU KAƁAKŊA 13:20

Sin kura col ay hu givin ma togolla ta ta kolo huulona. Sa sunda vi Yawe tuɗ ha kolo duk sin ku ndaɗta may. Manoa u caamba wi dla ndaɗta na ni kuluɓ irisi kaŋgaa.

DLAŊ LEVIRA 9:24

Kura kal ay ki fok Yawe ŋgal ɓivun ma ŋgalam kina u mbul ma cuki hu givin ma togolla ki halaŋ. Suuna halaŋ wi dla ndaɗta ki u irisiya. Asi sawalla kolo u furira, goɓ ga a ŋga Lona u cenda may.

1 MULINA 8:60

Ni suuna halaŋ hin wi ki ana Bu Suuna ni Lona, ni nam dew. Lo ma daŋ kaɗi.

EZDRAS 1:3

Dukugi ni sa ɦal tam ki maŋ suu mamsina halaŋŋa ni gege? Ko Loomma li u namu, nam tuɗ hu Yerusalem hu Yuda a min Ziŋ Yawera, Lo ma vi suu Israelna, ni Lo ma ka hu Yerusalemma.

SOOLLA 100:3

Wagi ki ana Yawe ni Lona. Nam laygi ni namu, aygi ni mamu, suu mamsina ni yoori suu ka hu katlaŋ mambana.

SOOLLA 118:27

Yawe ni Lona, nam ɦaygi kiɗikka, hu buu ma li luuna doogi kura kogiya, tuɗ ta ta tew hu givin ma togolla eg mekŋa.

KALKIRA 20:2

«Anni Yawe, Lo maŋŋa, ma kalaŋ ay ki hu mbassa Egiptera, ay ki hu mbaɓura.

1 MULINA 20:13

Sa ma jok vun Lona dew ɦuɗ tam ay eg Akab dam ana, «Gola, Yawe di ana, suu moli bolow coco wanna ni aŋ wasiɗi su? An hin ɦaŋsina ki karam hu duk koŋu. Aŋ hin wi ki ana an ni Yawe daŋ may.»

2 DLAŊ MULINARA 33:13

Nam cen Lona kay nam mba wam hahawamu. Lona hin heɓ hurum, humum cen mamba, hoŋom ay vo Yerusalem hin kakam balamam hu mul mamba. Ay hu li namma gaw ni, Manse wi ki ana Yawe gasi dew a Lona ni namu.

SOOLLA 50:7

Humugi haa suu mansina, an min ɓakka, aŋ Israel, an min di dlara kaŋga. «Anni Lona, ni Looŋŋa.»

SOOLLA 94:16

Sa ma hin a ɓakan kay suu li dla cora ni gege? Ma hin a njun kasina ni gege?

EZEKIYEL 20:5

«Aŋ dasi ana, Bu Suuna, Yawe, di ana, hu buu ma an man suu Israelna kina ni an suu tanu, tli kon kolo fok njaf suu vi Yakobma, an tak tan ki irisiya, ay hu mbassa Egiptera, an suu tan tli kon kolo dasi ana. Anni Yawe, Loogina.