1 MULINA 18:38 - Boy Lonana

³⁸ Kura vi Yawera ndi ay kaŋgaa, ŋgal li ma ŋgal ɓivunna ki u tlesuu ɓivun suu gi kolo kamma halaŋ, guna u ɦinira, gugumma u yo ma vooy kaŋga hu zulla ndaɗ soom ki halaŋ.

1 MULINA 18:38 ပူးပေါင်းရင်းမြစ်များ

URA TIN AYRA 15:17

Faɗta ɗik ɗikŋi ndufunda ŋgolla kuluɓ bim, gola ni doyra gi kura hololol u sin kura jak duk tliw ma irimbi ɓorowi mbambana buyuk buyuk.

1 MULINA 18:24

Agi hin yi sem loogina. An may ni hin yi ni sem Yawe may. Lo ma hoŋ dira ay u kurana ni Lona gasi.» Suu Israelna halaŋ hoŋ dira ana, «Boy namma ni jiviya.»

1 MULINA 18:35

Mbona gi ki baɗta kay li ma ŋgal ɓivunna, oy zulla ŋguy kay givin ma togollara kiyo.

1 MULINA 18:37

Hoŋon dira aya, Yawe, honoŋ dira, a suuna halaŋ wi ki ana aŋ Yawe ni Lona daŋ may, aŋ hoŋ huu suu maŋsina ay egeŋ ni aŋu.»

2 MULINA 1:12

Eli hoŋosi dira ana, «Lini anni sa ma vi Lonna ni ko kura col ay kolo huulona ŋgalaŋ ki u suu maŋ suu dok-vadl asina halaŋ.» Kura vi Lona col ay kolo huulona, ŋgalam ki u suu mam suu dok-vadlna halaŋ.

1 DLAŊ MULINARA 21:26

David hin min givin ma togolla maŋ Yawe, li ɓivun ma ŋgalam ki ŋgalina u ma heɓ dukka. Nam yi Yawe kolo. Nam hoŋom dira ay u kura col ay kolo huulona mba kay givin ma togolla.

2 DLAŊ MULINARA 7:1

Hu li ma vun Salomon ma cenda ndi kaŋga may ni, kura col ay kolo huulona mba ŋgal li ma ŋgal ɓivunna u tlesuu ŋgaɗasi a li ɓivunnana ki halaŋ halaŋ. Bibiŋil Yawera oy hu Ziŋ Lonara ki na ndiŋ ndiŋ.

JOB 1:16

Vunum bay ndi ga tu may ni, sa ma hiniŋŋa cowni dam ana, «Kura vi Lonara col ay kolo huulona ŋgal timigiina u suu taarasina ki halaŋ. An suɗ ay ki ni an na dew a mba jokoŋ boy nammara.»

EZAYI 31:9

Mul masina hin paɗ liŋŋa ko ndaana. Suu ŋgolo mamsina mbuɗ ki ndaana lay. Ni boy ma vi Yawena kuumba ka hu Siyon. Zul ŋgolla kura ka Yerusalem.

DLAŊ LEVIRA 10:1

Nadab u Abihu goryoŋ Aaronna yow ganun masina kosiya, yow kura daŋga ay kosi hu may, vo mbul ma his jivina kayam may. Asi tuɗ ɓivun ma ka u voɗombi namma fok Yawe, li ka ko gaɗta di kira naɗi.

DLAŊ LEVIRA 10:2

Kura col ay fok Yawe mba ŋgalasi kiyo. Asi jak miɗ ki hu li namma fok Yawe gaw.

DLAŊ LEVIRA 9:24

Kura kal ay ki fok Yawe ŋgal ɓivun ma ŋgalam kina u mbul ma cuki hu givin ma togolla ki halaŋ. Suuna halaŋ wi dla ndaɗta ki u irisiya. Asi sawalla kolo u furira, goɓ ga a ŋga Lona u cenda may.

WIRA ŊGAYRA 13:13

Vabak ma mba' namma li dlara mbuɗta ŋgolla, kura ay kolo huulonara nam mbaaɗ kay ndaŋgara ii suuna halaŋ.

SUU KAƁAKŊA 6:21

Sa sunda vi Yawe maɗ fun tokolora komba ŋgen tliwna u fu ma bay kuffa dukumma na ni kura kal ay ki duk ɦinira ŋgal tle asina ki halaŋ. Sa sunda vi Yawe viɗ ii Gedeonni na gaw.