1 MULINA 18:36 - Boy Lonana

³⁶ Tew hu li ma taa tlena a ɦalla may, sa ma jok vun Lona Eli ɦuɗ tam ay di ana, «Yawe, Loŋ Abrahamma, Loŋ Isaakŋa, Lo ma vi suu Israelna, li dlara asi wi ki karam ana aŋŋi Lona daŋ mayra anni saaŋ ma sunuŋŋa an li dlara ni u boy maŋŋa.

1 MULINA 18:36 ပူးပေါင်းရင်းမြစ်များ

1 MULINA 18:29

Faalira jak ki may ni, asi gijaŋ joɓa may, ta ta tew hu li ma asi a taa tlena, lay ni va li ka na ndeɗi, ka hum del vaɗi lay, sa ka hoŋ diɗi lay.

2 MULINA 19:19

May, aŋ Yawe, Loomina, suɗumi ki ko Senakerib, ni mulla kay yam ndaŋgara zeɗ zeɗ halaŋ hin wi ki ana Yawe dew a Lona ni namu.»

KALKIRA 3:6

Nam di ana, «Anni Lo ma vi somoyoŋŋa, Lona vi Abraham, Lona vi Isaak, Lona vi Yakob.» Moiz baa irim kiyo kay nam mbuɗ ki ndaana ka gol Lonaɗi.

1 MULINA 8:43

aŋ hum ay kolo huulona day ziiŋ ma aŋ ka huna. Li dlara koy namma joɓoŋ kaɗta kay ana suu warna kay yam ndaŋgara halaŋ waŋ seŋ kiyo, a asi laŋ ndaraŋ ko suu maŋ suu Israelna na may. Asi wi ki ana seŋ ka yi hu zira an miniɗ ndaɗta.

MATIYE 22:32

Nam di ana, An ni Loŋ Abrahamma, Loŋ Isaakŋa, Loŋ Yakobma. Nam ka Lo ma vi suu miɗinaɗi, Lo vi suu iirina ni namu.»

SOOLLA 83:18

Asi mbuɗ ki zolona li ndaana tew tew, asi ba ha ki hu zolo masi namma.

EFESNA 3:14

Ni kay ndaɗta an goɓ kaŋga u vun givin fok Bunu.

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

SUNDA 3:1

Faɗta fiɗigi boyogina yow wa ma funa ni Piyer u Jaŋ tuɗ hu Ziŋ Lonara, cen Lona.

Boy Ma Ayra Ma JAŊ Ɓiirimma 11:42

An wi ana aŋ humun tew tew. An di va namma ha na ni kay suu ŋguy egen wanna ni a asi tin hurusi ana aŋ sunun ay ni aŋu.»

DANYEL 12:11

Col ay hu li ma ɓivun ma lam tew tewna, seŋ bay lirana day ta ta hu li ma dlara ɓeŋ lina mbara ni buuna tew ki buɓ duk kis kis mba' duk dok dleeŋe (1,290).

DANYEL 9:21

An ɓak tu hu cenda may ni Gabriel sa ma an wam ay jew hu dlara tak taɗ irinda ay piira na zak zakŋi ɦuɗ tam ay egen hu lerra ma li ɓivun ma fiɗigina.

DANYEL 8:13

An hum del sa sunda ɓaka. Sa sunda di sa ma ɓakŋa ana, «Ni saɓa ga dlara vi ɓivun ma tew tewna u cora ɓeŋ tlena kira, zi ma ki ɓeŋina u suu sunda suu tayi kaŋga u semmana hin daɓ ki ni ge?»

EZEKIYEL 39:7

An hin tak sen ma teteɗna ki duk suu man suu Israelna. An ka hin sen ma teteɗna a yi ki ɦawa oloɗi. Ni njaf suu ɦawana halaŋ hin wi ki ana anni Yawe, ma Teteɗna, ka duk suu Israelna.

EZEKIYEL 36:23

An hin tak teteɗta vi sen ma ŋgol coco ma agi ɓalakam ha ki duk njaf suu daŋŋana. Sen ma agi ɓalakam ha ki dukusina, ni njaf suu ɦawana hin wi ki ana anni Yawe. Di ni Bu Suuna, Yawe. Ni hu li ma an hin tak teteɗ manda ki u agi dukusina. Asi hin wi ki u irisi halaŋ.

SOOLLA 141:2

Ko cen danda li ha fokoŋ ko mbul ma his jivina na, kon yowi kolo fokoŋ u ɓivun man ma fiɗigina.

1 DLAŊ MULINARA 29:18

Yawe, Lona vi Abraham, vi Isaak, vi suu Israelna, somoyomi ka u huu suu maŋsina hurusi a fafaɗta, tuɗusi u huu ma dewna egeŋu.

2 MULINA 5:15

Nam hoŋ ay u suu umma halaŋ eg sa ma vi Lonna. Nam kal ha vo tuɗ col fokom di ana, «Cemi ni an wi ki ana kay yam ndaŋgara halaŋŋi lo ma daŋ kaɗi, ni Lona vi suu Israelna dew daŋ. Cemi ni an ceneŋu, vi tlesuu saaŋ ma sunda min a ɦaŋsina ɦawa wannana.»

2 MULINA 1:6

Asi hoŋom dira ana, «Sana col ay kolo na ŋgafami ay dami ana, Hoŋogi eg mul ma sunugi ayna, agi tuɗ dam ana, Yawe di ana, aŋ tuɗ a joɓ Baal-Zebub, lo ma vi suu Ekronna, ni Lo ma vi suu Israelna kaɗi su? Kay ndaɗta lay ma aŋ buuri kamma ni aŋ ka cuk ki kaŋga oloɗi. Aŋ hin miɗ ki gasi.»

2 MULINA 1:3

Sa sunda huulona vi Yawe mba di Eli ma Tisbena ana, «Tuɗ hu voɗta, tuɗ ŋgaf vok suu mul ma Samarina cukusi ayna dasi ana, Lo vi suu Israelna kaɗi su? Agi a tuɗ joɓ Baal-Zebub, lo ma vi suu Ekronna, na day ni kay mege?»

1 MULINA 22:28

Mise di ana, «Lini gasi aŋ hoŋ ay ki vo bay va laŋ wa ni, Yawe ɓak ay fununni ka nambi.» Nam hin di ana, «Agi suu Israelna humugi ki halaŋ.»

1 MULINA 18:21

Eli ɦuɗ tam ay eg suu halaŋŋa dasi ana, «Agi hin hinigi dlara yowoɗ kogi na mba' mbara ki ni saɓa tuge? Lini Yawe a Lona ni namu ni vagi um may. Lini Baal a Lona ni namu ni vagi um gaw may.» May suu Israelna sa ma hoŋom di na dew kaɗi.

URA TIN AYRA 32:9

Nam di ana, «Lini Ezaw mba ci suu ki wa dew ni, suu hiŋŋa hin suɗ tasiya.»

URA TIN AYRA 31:53

Ko Lona vi Abraham u Nahor li duk ɦoŋoy a sa ma ka ɓakŋa.» Yakob suu tam u Lo ma bum Isaak lam ndaaramma.

URA TIN AYRA 26:24

Njeŋge ndaɗta Yawe tak tam irim dam ana, «Anni Lona vi buŋ, Abraham, li ndaaɗi kay an ka u aŋu. An hin paɗ vunun ki kaŋu zuluŋ njafaŋu cocoo, ni kay saan ma sunda, Abraham.»

SUNDA 10:30

Korniye hoŋom dira ana, «Buuna ki ca ni hindi faɗta ko wandara na, fiɗigi boyogina yow wa ma funa, an a cen Lona varan voo gol irinu ni, sana coli fokon u barawna weleɗ tamma wilik wilik.

URA TIN AYRA 46:3

Lona dam ana, «Anni Lona, Loŋ buŋŋa, li ndaa a tuɗ kaŋga Egipteraɗi. Ha huni an hin zuluŋ njafaŋ ŋgol cocoo.

URA TIN AYRA 28:13

Yawe coli kolo kay jaŋalana di ana, «Anni Yawe, Lona vi buŋ ŋgolo, Abraham, Lona vi buŋ Isaak, ndaŋgara aŋ buuri kaɗ wanda an hin ɦaŋga ni maŋ u njafaŋu.

KALKIRA 4:5

«Na ɗaŋŋi asi hin vi ana Yawe tak tam ay iriŋu, ni Lo ma vi somoyosina, Lona vi Abraham, vi Isaak, vi Yakob.»

1 MULINA 18:35

Mbona gi ki baɗta kay li ma ŋgal ɓivunna, oy zulla ŋguy kay givin ma togollara kiyo.

1 MULINA 18:37

Hoŋon dira aya, Yawe, honoŋ dira, a suuna halaŋ wi ki ana aŋ Yawe ni Lona daŋ may, aŋ hoŋ huu suu maŋsina ay egeŋ ni aŋu.»

1 MULINA 20:13

Sa ma jok vun Lona dew ɦuɗ tam ay eg Akab dam ana, «Gola, Yawe di ana, suu moli bolow coco wanna ni aŋ wasiɗi su? An hin ɦaŋsina ki karam hu duk koŋu. Aŋ hin wi ki ana an ni Yawe daŋ may.»

2 MULINA 1:10

Eli hoŋ dira maŋ sa ma suuna um dok-vadlna ana, «Lini anni sa ma vi Lonna ni ko kura col ay kolo huulona ŋgalaŋ ki u suu maŋ suu dok-vadl asina.» Kura col ay kolo huulona, ŋgalam ki u suu mam suu dok-vadlna halaŋ.

EZAYI 37:20

Na may ni aŋ, Yawe, Loomina, suɗumi ki ko sa namma kay a mulla kay yam mbassa halaŋ wi ki ana aŋ dew ni Yawe.»

2 SAMUEL 7:26

Ko seŋ fi ŋgara a fafaɗta, ko suuna di ana Yawe ma Saɓakŋa Kom Belna ni Lo ma vi suu Israelna, ko zi ma vi saaŋ ma sunda Davidna kak saɓakŋa fokoŋ a fafaɗta.

1 MULINA 20:28

Sa ma jok vun Lona ɦuɗ tam ay eg mul ma Israelna olo dam ana, «Gola, Yawe di ana, suu Sirina di ay ana Yawe ni Lo ma kolo kay ɦinirana, ka lo ma ga kay ndaŋgaraɗi. An hin ɦaŋ suu bolow coco wanna ki ni hu duk koŋ halaŋ. Agi hin wi ki ana an gasi ni Yawe daŋ may.»

2 MULINA 5:8

Hu li ma Elize, sa ma vi Lonna, hum ana mul ma Israelna haa baraw mamma tamma kiyo ni, nam sun ha tuɗ di mulna ana, «Aŋ haa baraw maŋŋa ki ni kay mege? Naaman mbay egen tani, nam hin wi ki ana sa ma jok vun Lona ka vi suu Israelna.»

2 MULINA 20:11

Sa ma jok vun Lona, Ezayi, hin cen Lona. Yawe hoŋ ŋgussa ha ki dagan na zeɗ zeɗ doogo, ma mbay ginna, ni jaŋalara vi Ahaz.

2 DLAŊ MULINARA 30:6

Suu vun sunda ŋguf yam mbassa ki u magaara mulna u suu muli mamsina ɓiiriɗta halaŋ ki u mbassa Israella ura Yudara bel. Dasi ko mulna dira na ana, «Suu Israelna hoŋ ay ki eg Yawe, Lona vi Abraham, vi Isaak, vi Israel. Nam hin hoŋ ay egegi may. Agi suu hin ka iiri tu suu suɗ ay ki ko mul ma Asirinana.