1 MULINA 18:3 - Boy Lonana

³ Akab yi Obadiya, sa ŋgol ma vo vi mulnana aya. Obadiya li ndaa Yawe cocoo.

1 MULINA 18:3 ပူးပေါင်းရင်းမြစ်များ

URA TIN AYRA 22:12

Sa sunda vi Yawe dam ana, «Hin goona, lam va egembi, kay cemmi an wi ana aŋ li ndaa Lona. Aŋ doo ka kay goroŋ ma dewna a ɦanna kiraɗi».

URA TIN AYRA 24:10

Sa sunda yow jamballa doogo duk jamballa vi sa ŋgol mamma, nam tuɗa, u begera daŋga vi sa ŋgol mammara kom hu lay. Nam col kolo tuɗ Mesopotami hu ɦoŋzi ma vi Nahorna.

URA TIN AYRA 24:2

Abraham di saam ma ŋgol ma sunda, ma tlegeyem kom halaŋ halaŋŋa ana, «Kal koŋ ay gaa u ɓalanu.

URA TIN AYRA 39:9

Nam tamba lay ka ŋgol suun hu zi nammaɗi, nam ka dooron kay vaɗi, ni ndak dew, kay ndakŋi caamba. An a li cora ŋgol ndaɗta eg Lona na ni amege?»

URA TIN AYRA 41:40

An kakaŋ a ŋgolla kay ziinna, suu mansina halaŋ hum u gaɗ maŋga. Dlam manda mulla suuŋŋi ndaɗ doy hol.»

URA TIN AYRA 42:18

Hu buu ma hindina Yosef dasi ana, «Anni sa ma li ndaa Lona may, lini agi min kak iriya ni lagi ko an dagira na.

1 MULINA 16:9

Sa maa dew duk suu ŋgolo mam suu duuna, Zimri, sa ma ŋgolla fok nus kulumi suu pus pusna vi vunum ki kam u suu daŋŋa. Ni hu li ma mulna ay hu Tirsa vi Arsa, sa ŋgol ma vo taraŋ hu ziŋ mulnana, nam ka ci summa, guruɗ ki may.

1 MULINA 18:12

Hu li ma an tuɗ hiniŋ ka wa Musukka vi Yawera tlaŋ ki wa, an ka wi li ma aŋ tuɗ huna oloɗi lay, an hin tuɗ di Akab ha ki ana aŋ ka tani may, nam mba faŋ kaɗi ni, nam hin can ki ni anu. Doli ɗini saaŋ ma sunda li ndaa Yawe ay ni u zoŋ tam day.

1 MULINA 18:2

Eli gi tam a tuɗ tak tam ki ii Akabpa may. Mayra ka li hu Samari ŋgol cocoo.

2 MULINA 4:1

Cara dew duk boyogi suu vi suu jok vun Lonana mba cen Elize di ana, «Saaŋ ma sunda njufun ki ni miɗiya. Aŋ wi lay ana saaŋ ma sunda ay li ndaa Yawe cocoo. Sa ma bal mamma kamma mba a yowon gor njufii man suu mbana a tuɗ mbuɗusi ki a mborɓii mamsina.»

NEHEMI 5:15

Ki fokon jew ni, muli suu ŋgolo suu jewna ci suuna kiyo, yowosi mappana u sum veŋŋa ki kosiya, yowosi nus kelew doonona ki kosi dok-fiɗi olo. Suu masi suu li sunda lay las suuna coco lay. An tanda may ni an li ka naɗi, kay an li ndaa Lona.

NEHEMI 7:2

An ɦal voɗta ha ana tin wayanna Hanani kay Yerusalem may. Hananiya, mul ma hu ɦoŋzi ma saɓakŋa may, kay ana nammi sa ɗegee ma li ndaa Lona su suu bolow hiŋŋa.

JOB 28:28

Nam hin di sa warna ana, «Ndaa ma lam u Bu Suunana ni yalna gaw. Ka taɓ taŋ eg dla coraɗi ni mbeleŋŋa gaw.»

SOOLLA 112:1

Halleluya. Furira ka kay sa ma li ndaa Yawena u sa ma minim gaɗ mambana may.

VUN ŊGOLNA 14:26

Saɓak ma ŋgol cocona ka hu ndaa ma lam u Yawena. Kay goryommi nammi li ma ŋgayra.

MALASI 3:16

Suu li ndaana u Yawena vi vunusi ko wanda na. Nam Yawe hin tin humum kasi hin humusi may. Hin ɓii magaara ŋgolla fokom kay suu li ndaa Yawe ŋgaam sem lay na.

MATIYE 10:28

Lagi ndaana ko suu ci mbalatara ɦawanaɗi, ndak ka a ci iiriraɗi. Lagi ndaana fok Lona ɗow. Nammi sa ba mbalatara u iirira ki duk kura na.

MATIYE 25:17

Ma bege mamma mbana, fi ka u mba' may.

SUNDA 10:2

Nammi sa ma ɗegeena u suu mamsina halaŋ, nam tuɗ hu tokka geleɗ Lona tew tew, nam njun u suu Juif suu hawra, cen Lona tew tew may.

SUNDA 10:35

Suuna halaŋ lini sana hu njaf maanagelay ma li ndaana u Lona li dlara ɗegeera ni ma irim jivina gaw.