1 MULINA 18:27 - Boy Lonana

²⁷ Tew ki faali may ni, Eli ka panasi di ana, «Oorogi ugi kolo eŋe, nammi lona, nam u sunda kam coco may ni, li ka voɗi kalage. Ɗowba nam li buuri sen kalage. Nam hin dliɗ ay ki tuɗi su?»

1 MULINA 18:27 ပူးပေါင်းရင်းမြစ်များ

EZAYI 41:23

Dami tlesuu li ha fokŋa kiyo, ami hin wi ki ana agi ni loogina gassi. Takami dlara hin mbara ni ta jivira ɗowba, ni ta cora su, ko taygi halaŋ aygi hin gol dla ndaɗta waɗ uɗ may.

MARK 14:41

Nam hoŋ ay egesi a yamba hindira dasi ana, «Agi buu senna, koɗogi tagi ɗaŋi nanage? Lin ndak wa. Gologiya! Goŋ Sanna ɦam ki ko suu hurusi cona.

MARK 7:9

Yesu dasi olo ana, «Agi gi gaɗta vi Lonara ki ni, a lagi dlaagira kay tagira.

MATIYE 26:45

Nam mbay eg suu haɗina wanni, dasi ana, «Agi buurugi senna, koɗ tagi daŋŋi nanage? Gologiya, lin ndak wa. Goŋ Sanna ɦam ki ko suu hurusi cona.

EZEKIYEL 20:39

«Bu Suuna, Yawe, di ana, agi suu Israelna gegelay ni tuɗ tokol fuli mamsina, ŋgoo dagan ni aygi hin wi tuwa, lini agi hin ka humun vununɗi kala. Ni agi ka hin a mbuɗun sen ma teteɗna ki lalas u ɓivun magina u tlesuu agi ɦasi maŋ fulinana oloɗi.

DI BOLLA 11:9

Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

SOOLLA 121:4

Ҥawaa nam ka buu senɗi, ka njuk senɗi lay, ni sa ma juɓ u suu Israelna.

SOOLLA 44:23

Asi cami ki hu buuna tew tew ni kay seŋu, asi lami ko timigii suu ŋgaɗta na.

2 DLAŊ MULINARA 25:8

Li ni asi tuɗ uŋ wa ni aŋ tuɗ duu vaŋ ta ta may, Yawe hin mbuɗuŋ seŋ maŋira fok suu babali maŋsina. Kay Lona dew ni sa ma ɦal saɓakŋa a su kay suunana. Nam dew ni sa ma hiniŋ ki ko suu babali maŋsinana lay.»

1 MULINA 22:15

Nam mba eg mulna. Nam dam ana, «Mise, ami ndak a tuɗ duu u Ramot ta Galaadta ɗowba ami kak su?» Nam hoŋom dira ana, «Tuɗa, aŋ hin tiya. Yawe ɦaɗ ki hu duk ko mulnawa.»

EZAYI 51:9

Dliɗ kiyo, Yawe, dliɗ ki zak. Dliɗ ki u saɓak maŋŋa. Dliɗ ki ko fok jewra na, hu li ma vi somoyomi suu jak ki jewna, aŋ ci suu Egiptena ki ni ka aŋgi su? Aŋ ci vabak ma hu njaf Rahabma ay ki ni ka aŋgi su?

1 MULINA 18:26

Asi vi bolo mbutl ma ɦasinana, gijaŋ sunda. Asi yi sem Baal maɗii day day tew faaliya, di ana, Baal humumi aya. May sa ka hum delɗi lay, ka wi saɗi lay. Asi luu joŋŋa fun givin ma togolla ma asi minimma lay.

1 MULINA 18:28

Asi oo usi kolo cocoo, u gaɗ masira ni suu daŋŋa dak tasi u ŋgewina lay u saɓagina lay, tasi mbuɗ ki ni busu bel bel.

SOOLLA 39:3

An seŋ tanu hin sa ma halanna ɓaka, na may lassa ka hinin dukgi.