1 MULINA 18:26 - Boy Lonana

²⁶ Asi vi bolo mbutl ma ɦasinana, gijaŋ sunda. Asi yi sem Baal maɗii day day tew faaliya, di ana, Baal humumi aya. May sa ka hum delɗi lay, ka wi saɗi lay. Asi luu joŋŋa fun givin ma togolla ma asi minimma lay.

1 MULINA 18:26 ပူးပေါင်းရင်းမြစ်များ

JEREMI 10:5

Fuli asina ni ko ndal tlesuu mbaɗ tara hu sene kuusira na, asi ka ɓakgi, yowosi ɗow, asi ka ndak a tuɗɗi. Lagi ndaa kosiɗi, asi ka li va co eg saɗi, asi ka ndak a sunugi ha hu fokkaɗi.

1 KORINTNA 12:2

Agi wi ana hu li ma agi ay bay vi Boy Lonana tura wanni, asi taɗagi ay u fuli suu ndumuna agi vi kagi bay u dlara.

1 KORINTNA 8:4

Boy ma namma, ni anaba, Tliw ma ɓivunna maŋ fulina na ndak a komom su? Agi wi ana hu duliyara tani ful kaɗi, Lona ka dew daŋŋi namu.

MATIYE 6:7

«Agi li cen Lona ni, zul boyna ŋgol ko suu ɦawana naɗi. Asi saa ana Lona humusi joɓ masira ni, u boy ma zulum cocona.

SOFONI 1:9

Hu buu namma wanni an hin kaɓakŋa kay suu hin weɗ ki kolo kay vun goŋgana, oy zira vi sa ŋgol masinara ki u tlesuu yowosi ay u saɓakŋa, u li iira lay na.

HABAKUK 2:18

Foto mbutl ma sa ceɗ guna ceɗemma jivi mamba ni mege, ɗowba ma yoorom yoorina kay haɗ dla corana, li ni sa ceɗ gu nammana ɦal tam ki mamu a li fuli suu ndumuna.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

EZAYI 45:20

Agi njaf suu warna suu hin iirina, tokogi aya, ko tagi dew ɦuɗugi ay egenu. Suu goɓ fuli gugunina, suu cen lo may ma ka suɗ saɗina, suu asina ki ni ɦawaa, yasi kaɗi.

EZAYI 44:17

U gu namma olo ni nam min ful ma nam goɓomma, goɓ kaŋga fokomu. Nam cenemu di ana, «Buɗun kiyo kay loonna ni aŋu.»

EZAYI 37:38

Hu buu maa dew nam kal hu zira a goɓ loomma Nisrok, goryom Adaramelek u Saresser cam ki u ngewna, pii kosi tuɗ ki hu mbassa Araratta. Gooromma A sarhadon varak balamam a mulna may.

1 MULINA 18:24

Agi hin yi sem loogina. An may ni hin yi ni sem Yawe may. Lo ma hoŋ dira ay u kurana ni Lona gasi.» Suu Israelna halaŋ hoŋ dira ana, «Boy namma ni jiviya.»

1 MULINA 18:25

Eli di suu joɓ suu vi Baalna ana, «Managi bolo mbutl dew ni gagijaŋ sunda jew ni agiya, kay agi ni suu bolowna. Yagi sem loogina may, cukugi ku uɗɗi kama.»

1 MULINA 18:27

Tew ki faali may ni, Eli ka panasi di ana, «Oorogi ugi kolo eŋe, nammi lona, nam u sunda kam coco may ni, li ka voɗi kalage. Ɗowba nam li buuri sen kalage. Nam hin dliɗ ay ki tuɗi su?»

JONAS 1:5

Suu li sunda hu lum kawina mbuɗ li ndaa cocoo. Di suu hu lum kawinana ana, gegelay ni joɓ loomma. Kay a mbuɗ lum kawina feɗta ni asi gijaŋ cuk tlesuu huna ki duk mbona. Jonas ɦuɗ tam ha ki dagan njaw lum kawina na day, lagaɗ senna na kalaŋtaŋ.

HABAKUK 2:19

Cora ka kamu. Nam di vun guna ana nam col koloo. Ɗowba di gogoyra vunuɗ ka ɓakgira ana ndaɗ col koloo, hin ɓak kaɗ ana ndaɗ hin haɗ suuna. Goloɗ ɗaŋ taɗ weleɗ u doonora u tusuna may musuk ta ka huruɗ na nde a haɗ saɓakŋaɗi.

KALKIRA 8:14

Suu li dlara kumuna hu Egiptena hal a cuk vurutna na may ni asi ka ndakgi. Furutna cuk kay suu warna may kay yoorina may.

1 SAMUEL 5:3

Suu Asdodna col kolo siw maɗii na feɗet, gola ni Dagon ndi ki kaŋga duk ndaŋgara fok Zanduk Yawera. Asi tli Dagon hoŋoɗ kolo balamaɗu.

EZAYI 46:7

Asi tasira hin ziirim kelesi ni asi tok lay. Asi tinim hu li ma nam koɗ tamma ni asi lay. Nam hin sami ni hu li ma dewna ka jok umbi lay. Sana yam kolo lay ni nam ka humbi lay. Nam ka suɗ sa hu hahaw mambaɗi lay.