1 MULINA 18:24 - Boy Lonana

²⁴ Agi hin yi sem loogina. An may ni hin yi ni sem Yawe may. Lo ma hoŋ dira ay u kurana ni Lona gasi.» Suu Israelna halaŋ hoŋ dira ana, «Boy namma ni jiviya.»

1 MULINA 18:24 ပူးပေါင်းရင်းမြစ်များ

1 MULINA 18:38

Kura vi Yawera ndi ay kaŋgaa, ŋgal li ma ŋgal ɓivunna ki u tlesuu ɓivun suu gi kolo kamma halaŋ, guna u ɦinira, gugumma u yo ma vooy kaŋga hu zulla ndaɗ soom ki halaŋ.

1 DLAŊ MULINARA 21:26

David hin min givin ma togolla maŋ Yawe, li ɓivun ma ŋgalam ki ŋgalina u ma heɓ dukka. Nam yi Yawe kolo. Nam hoŋom dira ay u kura col ay kolo huulona mba kay givin ma togolla.

2 DLAŊ MULINARA 7:3

Suu Israelna halaŋ wi kura ay kolo huulona ndaɗta u Bibiŋil Yawera kolo kay Ziŋ Lonara, asi goɓ kaŋga daɓ vogosi kaŋga duk ndaŋgara, huu kaana kurufu fun Ziŋ Lonara, ŋga Lona di ana, «Kay nam jiviya, ɗegee mamba ha ni na din din.»

2 DLAŊ MULINARA 7:1

Hu li ma vun Salomon ma cenda ndi kaŋga may ni, kura col ay kolo huulona mba ŋgal li ma ŋgal ɓivunna u tlesuu ŋgaɗasi a li ɓivunnana ki halaŋ halaŋ. Bibiŋil Yawera oy hu Ziŋ Lonara ki na ndiŋ ndiŋ.

DLAŊ LEVIRA 9:24

Kura kal ay ki fok Yawe ŋgal ɓivun ma ŋgalam kina u mbul ma cuki hu givin ma togolla ki halaŋ. Suuna halaŋ wi dla ndaɗta ki u irisiya. Asi sawalla kolo u furira, goɓ ga a ŋga Lona u cenda may.

SUU KAƁAKŊA 6:21

Sa sunda vi Yawe maɗ fun tokolora komba ŋgen tliwna u fu ma bay kuffa dukumma na ni kura kal ay ki duk ɦinira ŋgal tle asina ki halaŋ. Sa sunda vi Yawe viɗ ii Gedeonni na gaw.

EZAYI 39:8

Ezekiyas hoŋ di Ezayi ana, «Boy ma vi Yawe ma aŋ dam wanna ni jiviya.» Nam hin di ana, «Na may hu li ma an ka iiri tuna ni heɓpa ka duk ɦoŋomiya.»

2 SAMUEL 14:19

Mulna di ana, «Joab takak voɗta u kom hu dla ndaɗta halaŋŋi nam su?» Cara hoŋom dira ana, «U iiri maŋga malanna, mulna, sa hin ka tuɗ kay bik njuf lay kay bik gulu lay u dlara malanna mulna daɗta. Gasi, ni saaŋ ma sunda, Joab, ɦan voɗta ni namu. Nam tak dlara maŋ caaŋga sunda ndaɗta ni nam lay.

URA TIN AYRA 4:26

Set hin vuɗ goona tinim sem ana Enos. Ni hu li ma suuna gijaŋ cen Lona yam ana Yawena.

1 MULINA 18:23

Agi halammi bolo mbutlugina ay na mba'. Asi man maa dew ni, ŋgaɗam may, gam kay guna, may cuk ku uɗɗi kama. An lay hin li manna ni na may. An hin gam kolo kay guna, may an ka cuk ku uɗɗi may.

1 MULINA 18:25

Eli di suu joɓ suu vi Baalna ana, «Managi bolo mbutl dew ni gagijaŋ sunda jew ni agiya, kay agi ni suu bolowna. Yagi sem loogina may, cukugi ku uɗɗi kama.»

1 MULINA 18:39

Suuna halaŋ wi na ni, goɓ ki kaŋga u vun givisi halaŋ halaŋ di ana, «Yawe ni Lona, Yawe ni Lona.»

JEREMI 27:18

Asi lini suu jok vun Lona asi li ka u boy ma vi Yawena kosiya ni asi vi tasi eg Yawe, ma Saɓakŋa kom Belna, ka tlesuu sunda suu ka hu zira vi Lonara, hu taraŋgana, hu Yerusalemma ka asi yowosi ki Babilonɗi.

1 MULINA 2:38

Simey hoŋ di mulna ana, «Boy namma ni jiviya ko sa ŋgol manna mulna damba na. Saaŋ ma sunda hin li ko ndal aŋ dira na.» Simey basaɗ ŋgol hu ɦoŋzi ma Yerusalemma.