1 MULINA 18:18 - Boy Lonana

¹⁸ Eli hoŋom dira ana, «An mbaa wihawra kay suu Israelna ni ka anɗi, ni aŋ taŋga u suu vi buŋŋa. Agi noy gaɗta vi Yawera kiyo. Aŋ tin iriŋ ki a goɓmi Baal.

1 MULINA 18:18 ပူးပေါင်းရင်းမြစ်များ

1 MULINA 16:31

Ka irim jivi a li dlara Jeroboam goŋ Nebatna laɗtaɗi ni, nam tuɗ ta ta ɗum Jezabel ta goŋ Etbaal mul ma vi suu Sidonna. Nam goɓ kaŋga fok Baal, cenemu.

1 MULINA 16:32

Nam min givin ma togolla maŋ Baal hu zira nam minimba ka hu Samarira.

1 MULINA 21:25

Sa ma li dla cora ko ndal Akab lira na ni kaɗi. Nam li dlara ka ii Yawe jiviɗira. Caamba Jezabel kalam hu dlara cora ni ndaɗu.

1 MULINA 21:26

Nam li dla cora, goɓ fulina ko suu Amorna lira na. Ni suu may suu Yawe dikisi ay ki fok suu Israelnana.

1 MULINA 9:9

Asi hin hoŋ dira ni ana, «Ni kay ana asi noy Yawe Loosina kiyo, Lo ma buɗusi somoyosi ay ki hu mbassa Egiptera, asi ɦal tasi ki maŋ loogi suu daŋŋa, goɓ kaŋga fokosiya, sunusi lay. Ni kay ndaɗta Yawe mbaarasi dlara hahawra kasi ni na.»

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 28:19

Yawe maŋ mulla Yudara ki ni kay cora vi Akaz, mul maɗna. Nam zuɗ suu Yudana halaŋ a cuk hu cora a noy Yawe masina kiyo. Asi ka irim ɗegee oloɗi.

VUN ŊGOLNA 11:19

Na daŋ may ɗegeera tuɗuŋ hu iirira, sa ma li dla cora tuɗ ni hu miɗna.

VUN ŊGOLNA 13:21

Cora ka dik u suu sulukŋa. Jivira ka warak suu ɗegeena may.

VUN ŊGOLNA 28:4

Suu ka min a li u gaɗtaɗina ŋga ni suu li dla cora. Suu min hum u gaɗtana duurusi may.

VUN ŊGOLNA 5:22

Sa ma dlam cona dla coomba vammi ndaɗ tok, nam hin vi ni hu bayna vi dla coomba tok.

EZAYI 3:11

Sa ma cona kak u hahawra, hahawra ka kamu, kay ɓakŋa hin ka kammi ko dlara nam laɗta na may.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 23:13

Vo vi suu jok vun Lona suu Samarina an wi tlesuu ɓeŋ huuna. Asi ɓak boyna ki u sem Baal. Asi viɗin suu man suu Israelna kiyo.

JEREMI 38:4

Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»

EZEKIYEL 3:8

Gola an mbuɗuŋ yaŋ ki eŋga ko yasi na may, Sooŋ huruŋ ki ko masina na may.

SUNDA 24:13

Suu asina ndak ka a di ki kay dla mayra asi mba seken kaɗ koyniraɗi lay.

SUNDA 24:20

An ay fok suu ŋgolo suu kaɓakŋa ni asi suu ca wanna ni va ma asi fam ay egen ana an lam cona ni mege?

GA 8ATAMBARA 31:16

Yawe di Moiz ana, «Gola cemi ni aŋ hin buu ni ga u somoyoŋu, suu asina ca ni hin gi ni jaŋ li dlara gawlaŋŋa, hin tuɗ ki ni u loogi suu vi suu koyogi suu ka hu mbas ndaɗta wanna suu asi hin cuk ha dukusina, asi hin noyon kiyo, hin bulumun galam manda u asira kiyo.

1 SAMUEL 14:29

Jonatan di ana, «Bun li dla cora ka eg mbassa wa. Gologi irinda golla mbuɗ ki haɓpa ni kay ana an juk mbul yumma nde.