1 MULINA 17:17 - Boy Lonana

¹⁷ Gola ni dlara mbay ŋgoo boy namma daganda. Cara dono ta malaŋ zina gooroɗna ndi tuguɗiira, musukum hin ka ŋgol oloɗi.

1 MULINA 17:17 ပူးပေါင်းရင်းမြစ်များ

1 PIYER 4:12

Banayan suu an minigina, lakagi jim kay lassa lagira ana mba kagi na ni dlara ka u voɗoɗɗira naɗi.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

Magaara JAK Ɓiiriɗta 2:26

Ko tliw sana bay musukka hurumu ni miɗiya, na may vira bay sunda ni miɗi may.

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

Boy Ma Ayra Ma JAŊ Ɓiirimma 11:14

Yesu hin dasi ki ɗaŋŋi ana, «Lazar miɗ wa.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

SOOLLA 104:29

Aŋ ŋgay taŋ ki wa ni, asi halaŋ mbuɗ ndaana, aŋ tlasi musuk masina, asi miɗa, hoŋ ga duk ndaŋgara.

JOB 34:14

Lona u tamba saa ni namu. Lini nam vi musukum hurummi kay tamu.

JOB 12:10

Nammi sa ma iirira vi suuna ka ni u saɓakam halaŋŋa. Musuk suu warnara halaŋŋi hu duk komu.

1 MULINA 17:16

Gegel ma fuɗta ka daɓ kiɗi. Vun gegel ma mbulna ka tuɗ kaŋgaɗi lay ko ndal boy ma Yawe dam ay ki fun Elina na may.

1 MULINA 17:18

Cara di Eli ana, «Va ma ndolon u aŋŋa ni mege? Aŋ mbay varan a gan u coonda ki can goona ki wanni kay mege?»