31 Ka irim jivi a li dlara Jeroboam goŋ Nebatna laɗtaɗi ni, nam tuɗ ta ta ɗum Jezabel ta goŋ Etbaal mul ma vi suu Sidonna. Nam goɓ kaŋga fok Baal, cenemu.
Lea hoŋ daɗ ana, «Ni kayra ndak ɓaɗan njufun kira, min a yowon mandargor ma vi goronna ki lay su?» Rasel daɗ ana, «Nam buu karam njeŋge u ndak kay mandargor ma vi gorokŋana ɗaŋ.»
Eli hoŋom dira ana, «An mbaa wihawra kay suu Israelna ni ka anɗi, ni aŋ taŋga u suu vi buŋŋa. Agi noy gaɗta vi Yawera kiyo. Aŋ tin iriŋ ki a goɓmi Baal.
Cem wanda ni aŋ tokon suu Israelna ay egen ga u ɦinira Karmella tani halaŋ halaŋ. U suu joɓpa suu vi Baal suu 450 may u suu joɓ suu vi Astarte suu 400 na may, suu ka ti kay tabulla vi Jezabelna.»
Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.
Asi noy gaɗta vi Yawe, Loosinara, ki halaŋ halaŋ. Asi yoo fuli gor mbutlina mba'. Asi pi gu ma vi Aserna fokosiya. Asi goɓ vogosi kaŋga fok tlesuu kolo huulona, asi sunni Baal may.
Nam hoŋ min li ma kolo mbuyna ma bum Ezekiyas hawaɗam ka kina. Nam min otella maŋ Baal, pi gu ma ceɗi teteɗna ma vi Aserna ko Akab, mul ma Israelna, lira na. Nam goɓ kaŋga fok tlege suu kolo huulona halaŋ, sunusi lay.
Aŋ hin zaŋ tli ni dlara vi muli suu Israelna na ɗow. Aŋ zuɗ suu Yerusalemma u suu Yudana a pereɗ irisi u loogi suu ɦawana ko ndal suu vi Akabma lira na may. Aŋ tuɗ ta ta ci gorseŋŋa ki lay. Asi ni suu a li dlara jivira. Dlasi ŋgol suuŋŋa na ɗow.
Agi ti hu li ma haɗ ma jivina na ni ndakagi kaɗi su? Ma hin bay ti tuna agi hin tayam ki ga u segi ni kay mege? Agi ci mbo ma ɗilina na ni ka jiviɗi su? Mbo ma hin bay sa cam tuna agi hin doɓom irim ki u segi ni kay mege?
Nam dan ana, «Goŋ sanna, aŋ wi wa su? Dlara co ndaɗta wanni ndak suu Yudana ka tuɗi su? Asi ɓeŋ mbassa ki u dlaasira cora, cemi asi gijaŋ lan cora ni egen anu. Gola cemi asi ka ɦuɗ hum bawra ay cinisiya.
An hin ɓakaɗ ki kay buu ma vi Baalna, ma ndaɗ lam ɓivun ma ŋgalam ki ŋgalina ma ndaɗ min taɗ u walakka del konara may, ɦeɗewra deleɗ may liŋ kay cee banayaɗna, maaran an tanda ki gaw mayna. Yawe di na.
Yawe Lona managi kiyo, tinigi ki zeɗ a li sunda fok suu tokka, a ɦuɗ tagi ay egem hu Ziŋ Lonara, a tak suu Israelna fok Lona hu li ma agi ka li sunda na ni ew su?
Hu li ma Yawe Loogina cukugi hu mbassa agi tlaɗ ki wanda, nam dikigi njaf suuna ki zeɗ zeɗ suu zuli coco suugina, suu Hitna, suu Girgasina, suu Amorna, suu Kanaanna, suu Perizna, suu Hivna, u suu Jebusna, njaf suuna zeɗ zeɗ kiɗisiya suu zuli coco suugina, saɓak a suugi lay.
Aŋ hum va ma hurun ɓeŋ egeŋ kamma haa, kay hinda aŋ hin Jezabella, ndaɗ di kay taɗ ana ndaɗ ni cara jok vun Lona. Ndaɗ haɗ suu man suu sunda ana asi li dlara zoŋga, asi ti tliw ma li ɓivunna maŋ fulina lay.
Suu Israelna hoŋ li dlara ka ii Yawe jiviɗira olo. Asi sun loogi suu ɦawana gi Baal u Astart, loogi suu Aramma u loogi suu Sidonna, loogi suu Moabma u loogi suu vi goryoŋ Amonna, loogi suu vi suu Filistinna. Asi noy Yawe kiyo, ka min a sunum oloɗi.
Suu vadl asina jak foko tuɗ hu ɦoŋzi ma Laisna. Suu Laisna laki jivi u heɓpa ko ndal suu Sidonna na. Asi laki jiviya, va ma ŋgenesi kaɗi lay. Mul ma ɦeɓesi kaɗi lay. Sa ma ɦuɗ tam ay egesi a kak mul kasi kaɗi lay. Suu Laisna ki cuki ni na day eg suu Sidonna. Asi ka cuki kay saɗi.