1 MULINA 16:11 - Boy Lonana

¹¹ Hu li ma nam mbuɗ mulna na gaw ni, nam ci dee suu vi Beasana ki halaŋ halaŋ, hin go njuf ka na dewɗi. Sa ma ana hin gol jona dagan kaɗi lay.

1 MULINA 16:11 ပူးပေါင်းရင်းမြစ်များ

1 MULINA 14:10

«Kay ndaɗta an min mbaa dlara yoora kay suu vi Jeroboamma. An hin ci njufii suu taraŋ vi Jeroboamma ki halaŋ halaŋ. Mborɓiina u gor vuɗta lay, ki duk suu Israelna halaŋ. An hin bulum njaf Jeroboam kiyo, ko ndal suuna tok sot zirgitna kira na.

1 MULINA 15:29

Hu li ma nam kak a mulnana may ni nam ci njaf suu vi Jeroboamma ki halaŋ halaŋ, hin sa ma hu njafam ka iiri na dewɗi. Nam ci suu warna ki bel bel, ni ko ndal Ahiya ma Silona di dlara Yawe dambara ay ki fok jewra na may.

1 MULINA 16:10

Zimri kal ha vo taraŋ tuɗ ci Ela kiyo. Ni hu basara dok-mba' yam kiɗisiya ta Aza kaki a mulna fok suu Yudanara. Nam varak balamam a mulna gaw may.

1 MULINA 16:3

An tuɗ ci Beasa ki u suu mamsina halaŋ. An hin mbuɗuŋ ziiŋ ki ni ko ndal ma vi Jeroboamma, goŋ Nebana na may.

1 MULINA 21:22

An hin mbuɗuŋ ziiŋ ki ni ko ndal ziŋ Jeroboam ma goŋ Nebatna na. Ko ndal ziŋ Beasa ma goŋ Ahiyana na may. Kay ana aŋ ɓalakan hurun ki cocoo, aŋ zuɗ suu Israelna a li sulukŋa na bel bel.

2 MULINA 9:9

An hin li suu vi Akabma ni ko ndal an li suu vi Jeroboam ma goŋ Nebatna na may. Ko ndal an li suu vi Basa ma goŋ Ahiyana na may.

SOOLLA 109:13

Ko njafam bulum kiyo, sesi bulum ki duk njaf suu hin ka daganna.

SUU KAƁAKŊA 1:7

Adoni-Bezek yoo tam di ana, «Muli suu asi kaasi gogor kosi u gogor sesi kina na dok-kiɗisiya ay vaa tlesuu tira suu yakki kaŋgana ni u tabul manda, dlara an laɗta Lona hoŋonda kan wa may.» Asi mbaaram ay ki hu Yerusalem. Nam mba miɗ ki ni huwa.

1 SAMUEL 25:22

Ko Lona li dla wanda, dla hiŋga eg David ɗowba eg saam ma babalira. Li ni tew ha ki vin maɗii wa ni, tlegeyem halaŋ suu coo sumura pay gulumunna na an ka hinim va dewɗi.»

1 SAMUEL 25:34

Gasi daŋ may u saɓakŋa vi Yawe Lona vi suu Israelna ma doron ki a li dla corana, lini ndak mbay gin toŋgo na zak ŋgafanɗi ni tew ha ki ŋgarpiira na ni tlesuu coo sumura eg gulumunnana va ka hin ko Nabalɗi.»