1 MULINA 15:27 - Boy Lonana

²⁷ Beasa ma goŋ Ahiyana hu deera vi Isakarra vi vunum u suuna kay mulna. Na ni Nadab u suu duu suu Israelna ha ki ŋguy ni kay ɦoŋzi ma Gibetonna may, ni hu mbassa vi suu Filistinna. Beasa tuɗ ŋgaɗ mulna Nadab kiyo.

1 MULINA 15:27 ပူးပေါင်းရင်းမြစ်များ

1 MULINA 14:14

«Yawe hin man mul ma bulum njaf suu vi Jeroboamma kina fok suu Israelna. Kay ndaɗta dlara cemira gaw ni hin li ni ana mege?

JOSUWE 21:23

Hu mbassa vi suu vi Danna ni Elteke, Gibeton,

JOSUWE 19:44

Elteke, Gibeton, Baalat,

1 MULINA 16:15

Hu basara dok-mba' yam kiɗisiyara hu li ma Aza kaki a mulna fok suu Yudana ni Zimri mbuɗ a mulna fok suu Israelna buu kiɗisiya hu Tirsa. Suu Israelna duu u zi ma Gibetonna hu mbassa vi suu Filistinna.

2 MULINA 12:20

U dlara Joas laɗta, dlara nam laɗta halaŋ ka ɓiiri hu magaara Sunda vi Muli suu Yudana.

1 MULINA 16:17

Omri wi ana nam tli zina ki wa ni nam tuɗ u suu mam suu duuna tuɗ nduk ɦoŋzi ma Tirsana.

1 MULINA 16:9

Sa maa dew duk suu ŋgolo mam suu duuna, Zimri, sa ma ŋgolla fok nus kulumi suu pus pusna vi vunum ki kam u suu daŋŋa. Ni hu li ma mulna ay hu Tirsa vi Arsa, sa ŋgol ma vo taraŋ hu ziŋ mulnana, nam ka ci summa, guruɗ ki may.

1 MULINA 15:28

Dla ndaɗta li ni hu li ma Aza basa ki hu mulla kay suu Yudana hindira. Beasa ɓal mulla kiyo.

1 MULINA 16:7

Hu li ma Yawe di dlara maŋ Beasa fun sa ma jok vun Lona, Jehu, ma goŋ Hananina, na ni kay dla cora na mba' ta jewra ni Beasa u suu mamsina halaŋ li dlara ka ii Yawe jiviɗira. Asi ɓalakam hurum ki u dla coosira asi laɗta ni ko ndal Jeroboam u suu mamsina lira na olo. Ta mbara ni kay ana Beasa ci dee suu vi Jeroboamma ki na halaŋ halaŋga may.

1 MULINA 16:10

Zimri kal ha vo taraŋ tuɗ ci Ela kiyo. Ni hu basara dok-mba' yam kiɗisiya ta Aza kaki a mulna fok suu Yudanara. Nam varak balamam a mulna gaw may.

1 MULINA 16:16

Suu ha fun duuna asina hum boy namma ha ana, «Zimri li ŋgeŋŋa kay mulna, cam ki lay.» Hu buu namma dukusi hu kaŋ masina na gaw ni, asi vi Omri, ma ŋgol asgaana fokosi a mulna ni na gaw.

2 MULINA 9:14

Jehu ma goŋ Josafatna, goŋ Nimsina, vi vunum kay mulna Joram a lam hawra, ni hu li ma suu Israelna ka duu kay mbassa Ramot ta Galaadta u Hazael, mul ma Sirinara, may.

2 MULINA 12:21

Suu ŋgolo mam suu asgaarina vi vunusi kamu, asi tuɗ ci Joas ha ki hu Bet-Millo hu li ma nam min a tuɗ Sillana.

2 DLAŊ MULINARA 24:25

Suu duu suu Sirina hoŋ voo, hinim ka ni duk lassa ŋgolla. Suu ŋgolo suu fok suu duuna suu vi Joasna vi vunusi kamu a sa sukul goŋ mul ŋgol ma li ɓivunna Yoyoda ma nam cam kina, asi tuɗ cam ki ni kalafi kay lay mam ma buuna. Asi pammi hu Ҥoŋzi Davidna, may ka hu zulla pi mulinaraɗi.