1 MULINA 15:13 - Boy Lonana

¹³ Nam doo sum ŋgolo Maaka ki kay sun maɗta ca mulla su suunara lay. Kay ana ndaɗ li fuli maɗna maŋ Asera. Aza kaaɗ fuli maɗ namma ki ŋgalam ki fun mbo lum ma Sedronna.

1 MULINA 15:13 ပူးပေါင်းရင်းမြစ်များ

KALKIRA 32:20

Nam tli goo mbutl ma asi minimma ŋgalam kiyo, gulukum ki na gelek gelek, cukum buɗum ha ki duk mbona, ɦeɓ suu Israelna a ci mbo namma.

GALATENA 2:14

Hu li ma an wasi ana asi ka tuɗ ɗegee u gasira vi Boy ma Ayraɗi ni, an di Piyer ki duk suuna halaŋ ana, «Aŋ sa Juifna aŋ kak duk suuna tani ka ko sa ma Juifna naɗi, aŋ hin ɦeɓ njaf suu ɦawana ana asi li ko suu Juifna na ni nanage?»

2 KORINTNA 5:16

Ni ami ka golomi suuna ko suu warna na oloɗi. Lini ami gol Kristu ay jew ko sa warna na lay, cemi ami ka golom na oloɗi.

Boy Ma Ayra Ma JAŊ Ɓiirimma 18:1

Yesu daɓ ɓakŋa may ni, tuɗ ŋgoo lumma Sedronna u suu haɗi mamsina. Hu li namma, nam kal duk senena u suu haɗi mamsina.

MATIYE 10:37

«Sa min bum u sum suunna ka ndaki kanɗi. Sa ma min gorom u goromba suunna ka ndaki kanɗi.

ZAKARI 13:3

Na ɗaŋŋi li ni sana tuɗ fok u boy ma dira, jokom ha ki may ni, bum u sum hin dam ana, «Aŋ kak iiri oloɗi. Aŋ njaɗ ni dlara kaboyna u sem Yawe.» Na ɗaŋŋi bum u sum hin cokomu hu li ma nam jok boyna ki tuna.

2 DLAŊ MULINARA 34:4

Asi hawaɗ givin ma togolla ma vi Baalna ki ni irim nam coli huwa, to givin ma togolla ma ŋgal mbitla his jivira ki lay, ka gu ma vi Aserna ki lay, to givin ma tokolla ma mini zeɗ zeɗna ki bel bel, to tle asina ki na gelek gelek, cukusi ha ki kay us suu may suu goɓ loogi suu ɦawa asinana.

2 MULINA 23:6

Nam tli gu ma ceɗi teteɗna ma vi Aserna ma asi colom kalafi hu Ziŋ Yawerana ay ki bunsuwa, tuɗum ha ki doŋ kaana Yerusalem. Asi ŋgalam ha ki hu ɦuɗugumba Sedron ndaɗta, cukum butum ha ki hu zul ŋgolla suuna kaɗ bella.

2 MULINA 18:4

Nammi sa ma bulum li ma mbuy kolona kina, to ɦinira ceɗi teteɗta ki may, ka gu ma vi Aserna ma piina ki may, to guy kawi ma Moiz yoorom kana ki may. Kay suu Israelna gi jaŋ ŋgal mbitla his jivira fok guy namma ta ta cemi. Asi yam ana Nehustan.

1 MULINA 15:10

Nam ti mulla hu Yerusalem basara dok-fiɗi yam dew. Sum ŋgolo seɗ ana Maaka. Ndaɗ ni goŋ Absalomba.

1 MULINA 15:2

Nam li basara Yerusalem a mulna ni hindi. Sem sum ana Maaka ni goŋ Absalomba.

2 SAMUEL 15:23

Suu hu mbassana halaŋ tii u simina irisi ŋgolla. Suuna halaŋ hin jaka. Mulna ɗiŋ lum ma Sedron ma ɓaɗ ɦayna. Suuna halaŋ hin jak ki hu voɗta tli hu fullara.

JOSUWE 6:24

Ҥoŋzi ma Yerikona asi ŋgalam ki halaŋ halaŋ u suu may suu hurumma bel bel. Va ma asi hinimma ni doonora, lorra u tlesuu yoori u kawi ma tlawna u kawi ma warna. Asi mba cuk tle asina duk begera hu ziŋ Lonara.

GA 8ATAMBARA 33:9

Sa ma di gi bum u sum ana, an wagi kaɗina, ma ka wi gorsemmaɗi layna, ma viɗ goryom kina. Asi ka li u gaɗ maŋga. Asi ka saa kay galam maŋga.

GA 8ATAMBARA 9:21

Cora agi laɗ min goo mbutlna ndaɗta, an tlam ŋgalam kiyo, gulukum butum ki na gelek gelek, an cukum butum ha ki duk mbo ma ɓaɗ ay kolo kay ɦinira na.

GA 8ATAMBARA 7:5

Gola ni dlara agi hin laɗ eg suu Asenara. givin ma togolla masi agi hawaɗam kiyo. Foto tlesuu asi minisina agi toosi kiyo, tlegeyesi suu teteɗ suu asi pasina agi kususi kiyo, tlesuu asi goɓosina agi ŋgalasi kiyo.

DLAŊ LEVIRA 26:30

U hurun ma ɓeŋina an hin hawaɗagi liigi ma mbuy kolo ma teteɗna kiyo, an hin toogi givin ma togolla magi ki may, an hin cukugi maɗagi ha kolo kay sok tlegeyegi suu agi casi maŋ fulinana.

1 MULINA 2:19

Batseba tuɗ vi mulna Salomon a ɓakam kay dlara vi Adoniyara. Mulna col ay ki kolo ŋgafaɗ aya, mba goɓ ga fokoɗu. Ŋgoo dagan nam hin kak hu dlam mamba mulla, tin dlamba daŋga dew maŋ su mulna may. Ndaɗ kak kay bikim ma njufna na.

2 MULINA 10:26

Asi tli ɦinira ceɗi teteɗta ta ay tini kalafira ay ki bunsuwa, mba ŋgalaɗ kiyo.

2 MULINA 23:4

Mulna ɦal voɗta maŋ mul ŋgol ma li ɓivunna, Hilkiya, u muli suu li ɓivun suu daŋŋa u suu juɓ vun Ziŋ Yawera ana asi yow tlesuu cuki kalafi hu Ziŋ Yawerana ay kiyo, tlesuu asi minisi a goɓ Baalna halaŋ u suu maŋ Aserana u tlesuu kolo huulonna, tuɗ ŋgalasi ha ki doŋ kaa ma Yerusalemma, duk ɦudugumba Sedron ma asi pamma, toorosi butusi cukum ha ki hu lokka Betel.