1 MULINA 14:23 - Boy Lonana

²³ Asi min liisi ma mbuy kolona a li ɓivunna, col ɦinira ceɗi ta teteɗta fokosiya, min fulina tlesuu teteɗna kolo kay li mbuyna na zeɗ zeɗ, hu li ma ŋgusugina ɗufi hu cocona,

1 MULINA 14:23 ပူးပေါင်းရင်းမြစ်များ

1 MULINA 12:31

Jeroboam min zira cenda may. Nam vaa suu a li ɓivunna hu zi ndaɗtana ni ka suu hu njaf Levi ma li ɓivunnaɗi lay.

1 MULINA 14:15

Yawe hin ci suu Israelna. Asi hin mbuɗ ɦulul kolo ko ndal cerewna gasi kolo duk mbona fun lummara na. Nam hin dik suu Israelna ki hu mbassa jivira nam ɦaɗ ka maŋ somoyosira. Nam hin njayasi ha ki ŋgoo lumma ŋgolna ii ma hiniŋŋa. Kay ana asi min fulina ma asi a goɓomma kay tasiya. Asi duu ni u Yawe.

1 MULINA 15:12

Nam bulum dlara suu li ɓivun zoŋga ki hu mbas mamba, ɓalak fuli suu somoyom minisi a lo ma daŋŋa ki bel bel.

1 MULINA 20:23

Suu ŋgolo suu vi mul ma Sirina dam ana, «Loosina ni Lo ma kolo kay ɦinirana. Kay ndaɗta asi li ay saɓak suuygi ni na. May tuɗuygi duuruygisina hu li ma gana tuwa, ni aygi hin li ni saɓak suusiya.

1 MULINA 3:2

Hu li namma ni suuna li ɓivunna ay ni kolo kay li ma mbuyna tuwa kay sa min Zi mayra yi sem Yawe hura ka tuɗi.

1 MULINA 3:3

Salomon min Yawe coco ɦay. Nam li ni u dlara bum David damba kara, may nam li ɓivunna ŋgal mbitla his jivira ay ni kolo kay li mbuyna tuwa.

2 MULINA 10:26

Asi tli ɦinira ceɗi teteɗta ta ay tini kalafira ay ki bunsuwa, mba ŋgalaɗ kiyo.

2 MULINA 16:4

Nam li ɓivunna u ŋgalla ŋgal mbitla his jivira kay li ma mbuy kolona, kay mbura, u ŋgusugi suu ŋgolona lay.

2 MULINA 17:16

Asi noy gaɗta vi Yawe, Loosinara, ki halaŋ halaŋ. Asi yoo fuli gor mbutlina mba'. Asi pi gu ma vi Aserna fokosiya. Asi goɓ vogosi kaŋga fok tlesuu kolo huulona, asi sunni Baal may.

2 MULINA 17:19

Na may suu Yudana li ka u gaɗta vi Yawe, Loosinaraɗi, lay. Asi li ni u gaɗta suu Israelna tiniɗ kara may.

2 DLAŊ MULINARA 24:18

Asi noy Ziŋ Yawe, Lo ma vi somoyosina, kiyo. Asi gi jaŋ goɓ gu ceɗi ma vi Aserna, tokol fulina may. Yara vi Yawera ndiwa kay ɦoŋzi ma Yerusalemma u mbassa Yudara halaŋ kay dla cora li kosi ndaɗta.

2 DLAŊ MULINARA 28:4

Nam li ɓivunna u ŋgal mbitla his jivira kolo kay li mbuyna, ha kolo kay mbura, ga u ŋgusugi suu ŋgolona lay.

KALKIRA 34:13

Givin ma togolla masisi ma li ɓivunna aŋ hin hawaɗam kiyo, tlesuu asi goɓosina aŋ toosi kiyo. Gu ma vi Aseraŋ kaam kiyo.

EZAYI 57:5

Agi ŋgaagi fuli magisina duk gura girmindiŋga u bubura ŋgoo bagiya. Agi ŋgaɗagi goryogi ki fun mbo ŋgolona, u ɦinira lay.

JEREMI 17:2

Asi ɓak kay goryosi may ni, asi hin ɓak kay otel masi ma ɓivunna u gu ma ɓivun ma pii eg ŋgusugina humum ɗuf tew tew kolo kay ɦinira fiyekkana may.

JEREMI 2:20

Ay day day lay ni ndak kus gu ma kelekŋa kiyo, ja duk ɦoŋok ki u an di ana, An ka min a li mbaɓu oloɗi. Kolo kay ɦinira fiyekka, kaŋga u ŋgusu ma ɗufina ndak buu kaŋga li gawlaŋŋa.

JEREMI 3:13

Na may ndak wi cookka. Ni eg Yawe, Lookŋa, ndak mbuɗ yara. Ndak nja kok ki u tuɗta cora kay cee suu daŋŋa u ŋgusu ma ɗufina lay. Agi humun delen kaɗi. Yawe di na.

EZEKIYEL 6:13

Ni agi hin wi ki ana, anni Yawe. Hu li ma maɗasi ka gira fun fuli masisina na sisi, ki ŋguy kay givin ma togolla masi na cutl. Kolo kay lii mbuyna, kolo kay yam ɦinira halaŋ, gii u ŋgusugi suu kutluɓ kutluɓma, gii hu liisi ma mini jivi ɦayna, ki hu li ma asi ŋgal mbul ma his jivina maŋ fuli masisinana lay.

EZEKIYEL 6:3

Aŋ tuɗ di ana, Ҥinira vi suu Israelnara, humugi boy ma vi Bu Suuna, Yawena, haa. Bu Suuna, Yawe, di ɦinira u li ma mbuy kolo dayna, di li ma boroŋ toŋŋa u li ma ɦuɗugumma ana, gologiya an hin mbaaragi ŋgew ma siina ay kagiya. An hin ɓalakagi liigi ma mbuy kolo namma kiyo.

EZEKIYEL 6:6

Li ma agi cuki huna halaŋ ɦoŋzi namma hin hawaɗ kiyo. Li ma mbuy kolona hin ɓalak ki lay. Givin ma togolla magisina lay hin ɓeŋ kiyo. Fuli suu agi goɓosina hin toosi ki lay. Givin ma togolla magi suu ŋgal mbul ma his jivina hin toosi ki lay. Tlesuu agi lasi u bik kogina halaŋ hin ɓalakasi kiyo.

Magaara Vi Sa Jok Vun Lona OZE 10:1

Israel gugutlu mayra mbiira ɦayra, vuɗ coco ɦay lay. Vuɗuɗ zul ha fok zuli na ɗow ɗow may, ndaɗ zul otel ma li ɓivunna zuli na ɗow ɗow may. Ndaŋga maɗta li tlena coco may, ndaɗ zul gogoyra ceɗta zuli na ɗow ɗow.

DLAŊ LEVIRA 26:1

Yawe di ana, «Goɓogi loogi suu ɦawanaɗi, ceɗegi tlesuu agi a goɓ fokosi ko Lonana naɗi. Hu mbas magira ni ceɗegi ɦini mayra suuna a goɓ fokoɗta kalaɗ ay huɗi, goɓogi fokoɗɗi lay, kay anni Yawe, Loogina.

MISE 5:14

U hurun ma yara an hin sa sugulun u suu may suu humun vunun kaɗina.

GA 8ATAMBARA 12:2

Agi bulum li ma suu agi dikisi ki wanna minim a goɓ loogi suu ɦawana kolo kay yam ɦinira zeɗ zeɗna ki halaŋ halaŋ, u ma keŋ voɗtana, ma mini u ŋgusugi suu ŋgolona lay.

GA 8ATAMBARA 16:22

Ҥinira ceɗi ta suuna goɓoɗta agi sa col taa fokom voɗi lay. Yawe Loogina ka minɗi.