1 MULINA 14:21 - Boy Lonana

²¹ Roboam ma goŋ Salomonna mbuɗ a mulna hu Yuda. Roboam kak a mulna ni basaɗam tew ki ni dok-fiɗi yam dew. Nam ti mulla ni basara doogo-yam-kiɗisiya ni hu Yerusalem, ɦoŋzi ma Yawe manam ki duk ɦoŋzi ma daŋŋa duk njaf suu Israelna halaŋ tin sem huna. Sem su Raoboammi ana Naama. Ndaɗ ni goora Amonda.

1 MULINA 14:21 ပူးပေါင်းရင်းမြစ်များ

2 DLAŊ MULINARA 12:13

Mulna Roboam kak eŋ coco hu mul mamba hu ɦoŋzi ma Yerusalemma. Nam kak a mulna na ni basaɗam ki ni dok-fiɗi. Nam hin ti mulla ni basara doogo yam kiɗisiya may hu ɦoŋzi ma Yerusalemma. Ni ɦoŋzi ma Yawe manam ki duk suu Israelna halaŋ a tin sem huna. Roboam sem sum ana Naama. Ndaɗ ni goora Amonda.

1 MULINA 11:36

Maŋ goromma an hin ɦam deera ummi na dew daŋ, ni kay ana pindilla vi saan ma sunda li fokon tini hu Yerusalem tew tew, ni ɦoŋzi ma an manam ki a sen yi huna.

1 MULINA 14:31

Roboam buu ga u somoyomu. Asi pammi eg somoyom hu Ҥoŋzi Davidna. Sem sum ana Naama. Ndaɗ ni goora Amonda. Gooromma Abiyam varak balamam a mulna may.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

2 DLAŊ MULINARA 13:7

Suu ka wi dlaɗina, goryoŋ suu ɦulla tok tasi ay umu. Asi min a ɦeɓ Roboam ma goŋ Salomonna. Roboam ay ni goozoŋŋa ɦawaa, ka saɓakgi lay, col ay ka fokosi eŋgi.

1 MULINA 11:43

Hu li ma Salomon miɗna, asi pammi hu Ҥoŋzi Davidna eg bum David, goromma Roboam varak a mulna balamammi namu.

1 MULINA 11:32

Njaf ma hin hin ka um dewna ni kay jivira vi saan ma sunda David, kay ɦoŋzi ma Yerusalem ma an manam ki duk ndarayamma na may.

1 MULINA 8:44

«Lini suu maŋsina hin tuɗ a duu u suu babali masisina hu li ma aŋ dasi ana asi tuɗ huwana, lini asi cen Yawe kay li namma ma aŋ sunusi huna, kay ɦoŋzi ma aŋ manamma u zira an miniɗ wan a yaŋ seŋ hura ni,

1 MULINA 8:16

Col ay hu li ma an cuk suu man suu Israelna ay ki hu mbassa Egiptera day, an man ɦoŋzi ma ŋgol ka ki a asi minin zina a an hin tak tan ki irisira tuɗi. May aŋ David an manaŋ ki ni a mul ma fok suu man suu Israelna.

GA 8ATAMBARA 23:3

Goo ma vuɗum a mboymora ka kal hu tokka vi Yaweɗi, lini gor ŋgologi mam suu doogona lay ka kal hu tokka vi Yaweɗi.

GA 8ATAMBARA 12:21

Lini li ma Yawe Loogina manam a tii sem hurumma ha ki eg ɦoŋziigina day ni, agi ndak ŋgaɗ mbutlina u timigiina u ɦugunina hu ɦoŋziigina tlesuu Yawe Loogina ɦagisinana, li ko ndal an dagira na may. Agi ndak komosi ha hu ɦoŋzi magina ko agi minda na.

GA 8ATAMBARA 12:5

Agi hin halammi hu li ma Yawe Loogina hin manam duk njafagi halaŋ a tin sem huna, a kakŋi hu lay, ni agi hin tuɗ ni hu li namma.

KALKIRA 20:24

«Aŋ minin givin ma togolla u ndaŋgara a lan ɓivunna hura, a li ɓivun ma ŋgalam kina u ɓivun ma heɓpa u yoori suu goorina u suu ŋgolona, hu li ma an tak sen huna halaŋ. An hin mbay egeŋu, hin paɗ vunun ki kaŋu.

1 MULINA 14:20

Jeroboam ti mulla ni basara dok-mba' yam mba'. Nam buu ga eg somoyomu. Goromma Nabad varak balamam a mulna may.

1 MULINA 8:29

Ko iriŋ li ki mali kay zi ndaɗta na mal, njeŋge lay, faali lay kay li ma aŋ ɓak kam ana, Wanni li ma sen hin yi hunana. Hum cenda saaŋ ma sunda ceneŋ hu li namma wanda haa.

1 MULINA 11:1

Mulna Salomon min boyogi suu ka hu njaf suu Israelɗina cocoo. Goŋ Farawra, gorɓii suu Moabma, suu Amonna, suu Edomma, suu Sidonna, suu Hitna.

1 MULINA 12:17

Suu Israelna suu ka hu mbassa Yudara tuna Roboam hin a mulna kasiya u njaf suu vi Yudana halaŋ.

1 MULINA 22:42

Josafat kak a mulna na ni basadam tew ki dok-hindi yam vadl. Nam ti mulla hu Yerusalemmi basara dok-mba' yam vadl. Sem summi ana Azuba. Ndaɗ ni goŋ Silira.

2 DLAŊ MULINARA 12:1

Hu li ma Roboam um ŋgaa ki kaŋga hu mul mambana ni nam hin gaɗta vi Yawera ki gaw, suu Israelna halaŋ li na lay.