1 MULINA 13:2 - Boy Lonana

² U boy ma Yawe dammana, nam sawalla kolo di ana, «Givin ma togolla, givin ma togolla Yawe di ay ana, gola goona hin vuɗ hu njaf ma vi Davidna, hin tinim sem ana Josiyas. Nam hin li ɓivunna ki kaŋ u muli suu ka li ɓivunna hu li ma teteɗna wanna, givin ma togolla ta asi ŋgal ɓivunna jew huna hin ŋgal sok suu warna ki huwa.»

1 MULINA 13:2 ပူးပေါင်းရင်းမြစ်များ

1 MULINA 13:32

Kay boy ma nam sawalla dam wanna hin li kiyo. Ni boy ma vi Yawena. Ni kay givin ma togolla hu Betel wanna, kay zi ma hu li ma mbuy kolona halaŋ, ma ka hu ɦoŋzi ma Samarina.»

2 DLAŊ MULINARA 34:1

Josiyas kak a mulna na ni basaɗam ki ni kalavandi. Nam li mulla hu Yerusalemmi basara dok-hindi yam dew.

2 DLAŊ MULINARA 34:3

Basara nam laɗ jew kalavandi hu mullara ni hu li ma nam gogoona tuna. Nam vi tam a hal ni minda vi Lo ma vi bum ŋgolo Davidna. Basara dagan fiɗi gaw ni nam gijaŋ a yow tlesuu fuli suu vi suu ɦawana ki hu Yerusalem u mbassa Yudara halaŋ, li ma li tokka vi suu ɦawana, gu ma vi Aserna u njaf ɓivun ma zeɗ zeɗna halaŋ.

EZAYI 1:2

Huulona, humugi haa, ndaŋgara tin humuk ha huma, Yawe ka ɓaka. An ɦal tina maŋ kemba wulusiya. Na may asi mbuɗ usi a duu u anu.

EZAYI 42:9

Dlara jewra jak wa, an daŋ ha ni ta wilira, an hin daŋ yaŋ ki jew a an hin li dla ndaɗtara.

EZAYI 46:10

Ay hu gijaŋŋa day ni an di dlara, an min a laɗta ay kiyo. An di dla mayra hin a lira, ta bay sa waɗ tura ay ki jewe. An di ana gola dlaanda hin li ni na, ndaɗ hin li ki may. Dlara an miniɗta halaŋ an laɗu.

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

JEREMI 1:2

Yawe ɓakam boyna ni hu li ma Josiyas ma goŋ Amonna a mulna hu Yudana, hu basaɗamba doogo yam hindira.

JEREMI 22:29

Ndak mbas manda, hum boy ma vi Yawena haa.

EZEKIYEL 36:1

«Aŋ, goŋ sanna, hum haa, tuɗ di boyna ki kay ɦinira Israella. Aŋ tuɗ di ana, Ҥinira Israella, hum boy ma vi Yawena haa.

EZEKIYEL 36:4

Kay ndaɗta ɦinira vi suu Israelna humugi boy ma vi Bu Suuna Yawena haa. Bu Suuna, Yawe, di ana maŋ ɦinira, maŋ li mbuy kolona, maŋ li ma law mbona, maŋ ɦuɗugumba, maŋ ŋgoo bagira ki ɓalakira, maŋ ɦoŋzi ma noyom kina, suu hoɓ ki u pan ma vi njaf suu daŋ suu ŋguyugina halaŋŋa.

EZEKIYEL 38:4

An hin hoŋoŋ ki dagani. An hin cukuŋ njamara funuŋu, tuɗuŋŋi u saɓakŋa. An hin ɦeɓeŋ kalaŋ ki hu mbas maŋga u eŋga. Aŋ u suu maŋ suu duuna halaŋ, kulumina u suu fuli kasina suu baraw ma jivi ɦayna cuki tasina, suu duuna bolow cocoo u mbarina may ŋgewina may.

Boy Ma Ayra Ma LUK Ɓiirimma 19:40

Yesu hoŋosi dira ana, «An ka dagi haa, lini asi seŋ tasi lay ni, gogoyra hin sawalla ha lay.»

GA 8ATAMBARA 32:1

Huulona tin humuŋ humun boy ma an damma haa. Ndaŋgara hum dlara an daɗta haa.