1 MULINA 13:18 - Boy Lonana

¹⁸ Sa ma jok vun Lona ma maana dam ana, «Anni sa ma jok vun Lona ko aŋ na may. Sa sunda huulona dan ay ni diya ni boy ma vi Yawena ana, tuɗ hoŋom aya uŋ vo hu ziiŋu, nam ti funa may, ci yona may.» Nam kaammi boyna.

1 MULINA 13:18 ပူးပေါင်းရင်းမြစ်များ

URA TIN AYRA 27:24

Nam joɓom ana, «Aŋŋi goonna Ezaw gasi su?» Yakob hoŋom dira ana, «Ni anu.»

URA TIN AYRA 3:13

Yawe Lona joɓ cara ana, «Ndak li na ni amege?» Cara hoŋ dam ana, «Guyna ganan yanni namu, an ti vuɗ guna ni na.»

1 MULINA 13:19

Sa ma jok vun Lona hoŋ ay u namu, mba ti funa may, ci yona may.

1 MULINA 20:35

Sa maa dew duk goryoŋ suu jok vun Lonana di ndaram ma tuɗ ko tasina ko Yawe damba na ana, «An ceneŋu, can aya.» Na may sana min ka a cambi.

1 MULINA 22:22

Ŋgus ndaɗta hoŋ dira ana, An hin tuɗ mbuɗ tan ki a ŋgussa kaboyna, kal ay ki fun suu mam suu jok vun Lona halaŋ halaŋ. Yawe hin daɗ ana, Ndak tuɗ ganam yamu, voɗta ka kay ndak a tuɗ ganam yamba. Tuɗa i li ko ndaɗta na.

VUN ŊGOLNA 12:19

Sa ma ɗegeena basa na din din kay ndaŋgara. Sa ma kaboyna buu mamma hu duliyara ni ko cemek iira ɦawa na.

VUN ŊGOLNA 12:22

Yawe ka min suu kaboynaɗi. Nam minni suu may suu li dlara gasira.

VUN ŊGOLNA 19:5

Sa ma di dlara kaboyna ka puruɗ ki ko daŋgaynaɗi. Sa ma ka li zolo dlaɗina ka suɗ kiɗi lay.

EZAYI 36:10

An duu u mbas ndaɗta ni kay tan su? An li ni u minda vi Yawera, Yawe ɦan voɗ ndaɗta ana an ɓalak mbas ndaɗta kiyo ni namu.»

EZAYI 9:15

Suu may suu tuɗ fok suu Israelna viɗisi ki wa. Suu asi tuɗ fokosina tli ni voɗta cora may.

JEREMI 23:14

Na may vo vi suu jok vun Lona suu Yerusalemma, an wi dlara ŋgolora ɦay. Asi hin tasi ki kay boy zoŋga, asi kakŋi duk dla cora. Asi njun ŋgolla ni u suu li dla cora hu li ma asi wi ana sa dew lay ka min a hin dla coomba kiɗi layna. Asi halaŋ mbuɗ ki irinni ko suu Sodomma na. Suu asina tli tasi ni ko suu Gomorna na.

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 23:32

An hin li dla cora eg suu jok vun Lona suu doyra kaboyna dasina. Yawe di na. Suu njaɗaɗ ki u kaboyna u dlaasira ganyamba viɗin suu mansina kiyo. An sunusi ay kaɗi lay, joɓosi va kaɗi lay. Asi ka li va ma jivi eg suu asinaɗi. Di na ni Yawe.

JEREMI 29:31

Aŋ sun boy namma ha ki maŋ suu ha ki ŋgayrana halaŋ, «Na ɗaŋŋi Yawe ɓak kay Semaya ma Nehelamma kay ana Semaya ɓakagi dlara ni an sunum ha kaɗi, nam jokogi saaragi kiyo.

JEREMI 29:32

Na ɗaŋŋi an hin li dla cora eg Semaya ma Nehelamma, eg njafam lay. Sa dukusi dew lay hin ka fi liim duk suuna a hin li furira kay tlesuu jivi suu an hin ɦasi maŋ suu mansina naɗi. Di na ni Yawe. Na ni nam ɓak ka ni dla cora suuna yow duuna u Yaweraɗi su?»

JEREMI 5:12

Asi tin vunusi kay Yawe di ana, «Nam ka iiriɗi. Dla cora ka mba kaygiɗi. Ŋgewra hin ka caygiɗi lay. Mayra hin ka caygiɗi lay.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

EZEKIYEL 13:22

Agi ka viɗ suu ɗegeena ki u boy ma kaboyna, suu an min ka a lasi dla co egesiɗi na. Kay agi so u suu cona ha hu dlasira cora ka min a asi hoŋ ay hin poy masira cora ki lak iiriyaraɗi lay.

EZEKIYEL 13:8

Kay ndaɗta Bu Suuna Yawe di ana, agi di dlara kaboyna ni, wi ni wira mbaɗta lay ni, an hin mbay kagiya, di ni Bu Suuna Yawe

NDUMBA 22:35

Sa sunda vi Yawe hin dam ana, «Tuɗ u suu asina, may ni aŋ hin tuɗ di ni dlara an daŋgara.» Balaam hin tuɗ u suu ŋgolo suu vi Balakŋa.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.

2 KORINTNA 11:3

An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

GALATENA 1:8

Lini sana, ɗowba ami tamira kala, ɗowba sa sunda huulona kala, mba dagi Boy ma Ayra ki zeɗ ka taɓi u ma ami ka dagina na ɗini, nammi sa ma ki baayna.

1 TIMOTE 4:1

Musukka di ki gasi ana lina hin fok a daɓ daganda wanni suu ɦiw hin vira kiyo, asi hin mbuɗ hum u ŋgussa ganyamba u haɗta vi fulina.

1 TIMOTE 4:2

Asi hin viɗ tasi ki u humba hum u suu hurusi mbambana u kaboyna, ni wiisira fokka ki miɗiya, ko sa ŋgalaɗ ki ko kawina gi ay ki tlawra kuŋgura na.

2 PIYER 2:1

Buu ma dew ni suu haɗ haɗta cora mba duk suuna, suu haɗ haɗta co ndaɗta hin mba dukugi na may. Asi hin mba tin gaɗta cora ɓeŋ suuna kira, sa ma suɗusi kina asi hin noyom kiyo, asi cuk tasi hu bara ba kira zak ni kay tasiya.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

SUU KAƁAKŊA 13:3

Sa sunda vi Yawe ndi ki ii ca ndaɗta daɗ ana, «An wi ana ndak ki ni gendergee, goo ka kokgi, na may ndak hin vi wiina, hin vuɗ goona.