1 MULINA 12:28 - Boy Lonana

²⁸ Mulna fi saara daŋga. Nam yoo gor mbutlina mba' u lorra. Nam di suu Israelna ana, «Agi tuɗ tew tew ni Yerusalemmi gola agi suu Israelna Loogina wanna, ni ma cukugi ay ki hu mbassa Egiptera.»

1 MULINA 12:28 ပူးပေါင်းရင်းမြစ်များ

2 MULINA 17:16

Asi noy gaɗta vi Yawe, Loosinara, ki halaŋ halaŋ. Asi yoo fuli gor mbutlina mba'. Asi pi gu ma vi Aserna fokosiya. Asi goɓ vogosi kaŋga fok tlesuu kolo huulona, asi sunni Baal may.

2 MULINA 10:29

Na vam lay ni nam ka hin dla cora Jeroboam ma goŋ Nebatna laɗta kiɗi. Nam cuk suu Israelna hu cora halaŋ a goɓ goo mbutl lorra hu Betel u Dan.

KALKIRA 32:8

Asi kak ka na njok a viɗ tasi ki hin voɗta an takasira hara kiraɗi. Asi min goo mbutlna fokosiya, asi goɓ ga fokomu, asi lam ɓivunna lay, di ana, gola ni loogina agi suu Israelna, ni ma cukugi ay ki hu mbassa Egipterana.»

KALKIRA 32:4

Hu li ma nam yowosi lorra ay kosi yow yowni, nam yoo foto goo mbutlna u lorra. Suuna halaŋ di ana, «Goloygiya ni looygi ma cukuygi ay ki hu mbassa Egiptena.»

2 DLAŊ MULINARA 11:15

May Jeroboam yow muli mam suu li ɓivunna kay tam a li ɓivunna kay li ma mbuy kolona. Ŋgegina u gor mbutli suu nam yoorosina.

2 PIYER 2:19

Asi dasi ana, asi hin buɗusi ki hu mbaɓura, na may asi kay tasira ni mborɓii suu a bagina, gegelay ni mbaɓuna vi va ma nam su kamma.

EZAYI 30:10

Asi di suu wi dlara ha fokka ana, «Wakiraɗi.» Maŋ suu jok vun Lona ana, «Agi jokomi dlara ɗegeeraɗi, dami ni dlara irimi jivira, dami ni dlara mbaɗ ii suuna.

EZAYI 30:1

Yawe di ana, hahawra ka kay gor suu li gonokka u anna. Asi vi vunusi kay dla mayra col ay ka konɗira. Taɓ vunusi kay dlara an ka miniɗira. Tok dla cora ha kay taɗ na ɗow ɗow.

KALKIRA 20:4

«Aŋ mba vi u loogi suu ceɗesi ceɗinaɗi, u tlesuu kolo huulonaɗi lay, u tlesuu kay ndaŋgaranaɗi lay, u tlesuu ga duk mbona u ndaŋgara ganaɗi lay.

KALKIRA 1:10

Halaygi mbeleŋ ma daŋŋa kasiya, ka hinisi a asi zul coco oloɗi. Kay hu li ma duu mba kaygi kalani, asi taɓ usi ay ki u suu babali maygisina, duu u aygiya ni asi hin sel ki a hiniygi mbas maygirara gaw may.»

KALKIRA 32:25

Moiz wi ki ana suuna cala ki wa, Aaron hinisi li dlara u min masira, mbaarasi zolona kasi fok suu babali masisina.

1 MULINA 14:9

Aŋ li dlara ki ni co su suu may suu kak ay fokoŋ jewna halaŋ halaŋ. Aŋ tuɗ ta ta min loogi suu daŋŋa kay taŋu. Yoo fuli tlena a duu u anda. An tanda may ni aŋ zuɗun ha ki ŋgoroŋ dagan na day.

1 MULINA 15:26

Nam li dlara ka jivi ii Yaweɗira. Nam li dlara ni ko bum na olo, li dla cora nam cuk suu Israelna ka ki huruɗ halaŋga.

1 MULINA 16:19

Dla ndaɗta li na ni kay Zimri li dla cora, li dlara ka ii Yawe jiviɗira. Nam li ni co su Jeroboam olo. Nam sa ma cuk suu Israelna kaŋga hu cora halaŋŋa.

2 DLAŊ MULINARA 11:14

Kay njaf suu vi Levina hin mbas masira ha ki halaŋ, mbay ki hu mbassa Yudara, hu Yerusalem. Ni kay ana Jeroboam u goryom doorosi ki ana asi ka li ɓivunna maŋ Yaweɗi.

2 DLAŊ MULINARA 13:8

Cem wanda agi min a ŋga tagi u mulla vi Yawera ta ka cemi ko goryoŋ Davidna wandara. Agi vagi bolow cocoo, na may agi ka u goo mbutl lorra Jeroboam yoorogira a looginara dukugiya.

2 DLAŊ MULINARA 15:3

Basara ŋgol coco suu Israelna ka wi Lo ma gasinaɗi, ka min a haɗambi lay, gaɗ kaɗi lay.

2 DLAŊ MULINARA 17:4

May nam hal ni Yawe, Lo ma vi bumma, nam tuɗ ni u gaɗ mamba. Nam ka li ko dlara suu Israelna laɗta naɗi.

2 DLAŊ MULINARA 21:6

Nam li ni dlara vi muli suu Israelna, ko ndal suu vi Akabma lira na, kay caamba ni goŋ Akabba. Nam li ni dlara ka ii Yawe jiviɗira.

EZEKIYEL 23:8

Ndaɗ hin zoŋ maɗta ndaɗ ha laɗ hu Egipte jewra ka kiɗi. Hu li ma asi lumuɗuɗ pooɗ may na hu li ma ndaɗ ay go tamara tuna, suu daŋŋa buu u ndaɗu, mbuɗuɗ ki cara dalamba.

DANYEL 3:1

Mulna Nabukodonosor min foto mbuu lorra fiyekeɗ meterra dok hindi may, bubuuɗ meterra hindi may. Nam coloɗ ki hu li ma yam ana Dura, hu ɦoŋzi ma Babilonna.

Magaara Vi Sa Jok Vun Lona OZE 10:8

Li ma kolo mbuy ma cona hin bulumum kiyo, suluk ma vi Israel namma. Way virna u wayra hin laki kolo kay otel masi ma li ɓivunna asi hin di ɦinira ana, baa ŋgusuk kamiya, ɦinira asi hin daɗ ana bow ay kaŋga kamiya.

AMOS 5:5

Na may halangi hu Bethelɗi, kalagi hu Guilgalɗi, tlagi hu Bersebaɗi, kay ana li ma Gilgalna hin tlam ki halaŋ, Bethel hin mbuɗ ki suluku.

AMOS 8:14

Suu suu tasi u loogi suu vi suu Samarina suu di ana, «Ko Looŋŋa kak iiriya, Dan,» ɗowba, «Saɓakŋa vi Bersebana ka a fafaɗtana,» hin ndi kaŋgaa ka col kolo oloɗi.

1 SAMUEL 27:1

David ɓak tam hurum ana, «Na lay ni buu dew ni Sol hin can kiyo. Va ma an a lam jivina kaɗi. Mariyaɗ ni an ŋgay tan ki hu mbassa vi suu Filistinna, suɗ tanu. Na ɗaŋŋi Sol hin ka min a halan hu mbassa Israella na halaŋŋi, an hin suɗ ki komu.»

2 MULINA 17:8

Asi li ni u gaɗta vi suu may suu Yawe dikisisina ki fokosina na ɗow, li ni u gaɗta muli suu Israelna tiniɗ kay tasira may.

2 DLAŊ MULINARA 33:7

Nam cuk tlesuu fulina suu asi ceɗesina ki hu Ziŋ Lonara. Doli ɗini Lona di David u goromma Salomon ana, «Hu zi ndaɗta u ɦoŋzi ma Yerusalemma halaŋ an hin tin sen hu ni a fafaɗta.

VUN ŊGOLNA 14:12

Sana gol tam ana poy mamba ni jiviya, doli ɗini poy ndaɗta tuɗummi fun miɗna.

EZEKIYEL 16:26

Ndak li dlara gawlaŋga u suu Egiptena suu ziisi ii hakara u ndakŋa suu zew ŋgolona, ndak zul dla cora kakŋi zuli na ɗow ɗow a ɓalakan hurunda.

Magaara Vi Sa Jok Vun Lona OZE 10:10

An hin gaɗasiya, kay ana asi njun tasi kay ci maɗ ma asi cam mbana. Suuna hin yow kolo duuna u asiya.