1 MULINA 12:26 - Boy Lonana

²⁶ Jeroboam ɓak tam hurum ana, «Dlara li tuɗ ni ko wanda na ni suu hu mul mandana hin hoŋ ki daa u njaf suu vi Davidna.

1 MULINA 12:26 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 12:19

Suu Farisenna ɓak duk tasi ɗaŋŋi, ana, «Agi gola, aygi ka ndak a li va oloɗi. Suuna halaŋ koɗ ha ki ni kay ceremu.»

Boy Ma Ayra Ma LUK Ɓiirimma 7:39

Sa Farisen ma yi Yesu ha varamma wi na ni, ɓak hurum kurufu ana, «Lini sa namma ni sa jok vun Lona gasi ni, nam hin wi ana cara gawlaŋga.»

EZAYI 7:9

Kay saɓak Efrayim ka hu Samari, saɓak Samari ka u goryoŋ Remaliyana may. Lini agi hurugi ka tinni saɓakgi, ni agi ka hin a col fok suu duuruginaɗi may.»

SOOLLA 14:1

Soolla vi sa ma fok suu gi soollana, soolla vi David. Sa ma giniŋŋa saa hurum ana, «Lona kaɗi.» Suu asina ɓeŋ tasi ki wa, asi li ni sunda cora. Sa ma li dlara jivi ka na dewɗi.

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

1 MULINA 11:38

Lini aŋ hum u dlara an hin daŋgara, lini aŋ tuɗ ɗegee hu voɗ manda, lini aŋ li dlara irin ɗegeera, li u gaɗ manda u neenda ko ndal saan ma sunda David lira na ni, an hin li u aŋu, an hin coloŋ njafaŋ kolo saɓak ko ndal an li u njaf ma vi Davidna na may, an hin ɦaŋ suu Israelna ni maŋu.

1 SAMUEL 27:1

David ɓak tam hurum ana, «Na lay ni buu dew ni Sol hin can kiyo. Va ma an a lam jivina kaɗi. Mariyaɗ ni an ŋgay tan ki hu mbassa vi suu Filistinna, suɗ tanu. Na ɗaŋŋi Sol hin ka min a halan hu mbassa Israella na halaŋŋi, an hin suɗ ki komu.»

1 MULINA 12:25

Jeroboam mbuɗ ɦoŋzi ma Sekemma u ɦinira vi Efrayimba ki saɓak cocoo nam cuk ni huwa. Ŋgoo dagan nam hin Sekem ki tani jok ki hu ɦoŋzi ma Penuwelna, nam mbuɗ ɦonzi namma saɓaki.

1 MULINA 12:27

Lini suu Israelna tuɗ kolo Yerusalem gak a li ɓivunna hu Ziŋ Yawera ni huu suu asina hin mbuɗ u mul masina Roboam, mul ma Yudana. An may ni asi hin can kiyo. Asi hin hoŋ ay ki halaŋŋi u Roboam mul ma Yudana.»

1 MULINA 15:17

Beasa, mul ma Israelna, duu Yuda. Nam ɦal saɓakŋa maŋ ɦoŋzi ma Ramana a doo voɗta ki fok Aza, mul ma Yudana.

2 MULINA 13:2

Nam li dlara ka ii Yawe jiviɗira. Nam li ni suluk ma Jeroboam ma goŋ Nebatna lam cuk suu Israelna ga hu cora halaŋŋa. Nam ka hin co ndaɗta kiɗi.

VUN ŊGOLNA 14:12

Sana gol tam ana poy mamba ni jiviya, doli ɗini poy ndaɗta tuɗummi fun miɗna.