1 MULINA 12:16 - Boy Lonana

¹⁶ Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

1 MULINA 12:16 ပူးပေါင်းရင်းမြစ်များ

2 SAMUEL 15:13

Sa ndendeŋŋa mbay di David ana, «Suu Israelna hurusi pereɗ ki u Absalom wa.»

2 SAMUEL 16:11

David di Abisay, di suu mam suu li sunda halaŋ ana, «Lini goron ma kal ay ki egenna min a can kiyo, ni nam ma Benjaminna ma daɓ daganna ni, hinim nam gi vunna, lini Yawe dam ay na.

2 SAMUEL 20:1

Ha hu li namma wanni sa ma sunum kaɗina ka huwa yam ana Seba ni goŋ Bikri ma Benjaminna. Nam bu tokolomma hin ɓak ana, «Ami va ka duk tami u Davidɗi. Ami ka ti jona u goŋ Jesenaɗi. Suu Israelna gegelay kaŋga hu mbutluɓ mamma.»

1 MULINA 11:11

Yawe di Salomon ana, «Aŋ mbuɗ huruŋ ki ni ko ndaɗta na, min ka a li u galamba an vaɗ u aŋgaɗi, ka hum u gaɗ mandaɗi lay ni. An hin ɓaɗaŋ mulla ki koŋu, hin ɦaɗ ki maŋ saaŋ ma sun maa dew.

1 MULINA 11:13

Na may an hin ka ɓaɗ mulla ki halaŋgi. Dee maŋ ta hin hin ka hu mulla dew ni kay jivira vi buŋ David, kay Yerusalem ta an manaɗ ki duk ndarayaɗnara may.»

1 MULINA 11:34

An ka tli mulla ki ko Salomonɗi kay an kakam a mulna ni ta ta hu daɓpa vi buu mam ma kay ndaŋgarana. Ni kay dla saan ma sunda David ma an manamma. Nammi sa ma li u vun gaɗ mandana.

1 MULINA 11:35

Na may an hin ɓaɗ mulla ki ko goromma, hin ɦaŋga ki maŋu, ɦaŋ dee suuna ki uŋ na doogo.

1 MULINA 11:36

Maŋ goromma an hin ɦam deera ummi na dew daŋ, ni kay ana pindilla vi saan ma sunda li fokon tini hu Yerusalem tew tew, ni ɦoŋzi ma an manam ki a sen yi huna.

1 MULINA 11:39

Kay ndaɗta an hin hoŋ yam njaf suu vi Davidna ki kaŋgaa, ni ka a fafaɗtaɗi kama.»

1 MULINA 22:17

Mise hoŋom dira ana, «An wi suu Israelna njay ki kolo kay ɦinira ko ndal timigii suu sa taarasi ka usiɗira na. Yawe di ana, suu asina sa ma fokosi kaɗi. Ko gegelay ni hoŋ vo hu ziim u heɓpa.»

1 MULINA 22:36

Faɗta ndi kaŋga may ni walla sa kolo hu kaŋŋa ana, «Gegelay ni hoŋ ki hu ɦoŋzi ŋgol ma nam col ay huna. Gegelay ni tuɗ ki vo hu ziimu, hu mbas mamba.»

2 DLAŊ MULINARA 10:16

Hu li ma mulna hum vun suu Israelna kaɗina, suu Israelna hoŋ dira maŋ mulna ana, «Va ma ami a fam vi Davidna ni mege? Joomi maa ka vi goŋ Jesenaɗi. Suuna halaŋ gegelay ni tuɗ ni hu mbutluɓ mamma. Cem wanda aŋ kak ni kay suu maŋ suu vi Davidna.» Suu Israelna halaŋ gegelay ni gi tammi vo hu ziim gaw gaw.

SOOLLA 132:17

«Ni an hin kak goŋ Davidna a mul ma saɓak cocona, mul namma ni ko pindilla fok suuna na.

SOOLLA 76:10

Lona hin col kolo a kaɓakŋa ni saɓage? A hin suɗ suu maŋina ki hu ndaŋgara tanira ni saɓage?

VUN ŊGOLNA 15:1

Hoŋ di mayra jivira heɓ yara kaŋgaa. May boy cona joo yara ay kolo ni joori na ɗow ɗow.

EZAYI 7:17

Yawe hin mbaaraŋ lassa kaŋu, kay suu maŋsina u zi ma vi buŋŋa lay, las ndaɗta li ka yaɗ dew tuɗi ta ta hu li ma Efrayim ɓorow ay ki u Yuda dayna ni las ndaɗta li kaɗi. Las ndaɗta hin laɗ ni u mul ma Asirina.

EZAYI 7:2

Asi jok boy namma ay maŋ Ahaz, njaf suu vi Davidna ana, «Mul ma Sirina u suu mam suu duuna ay ka hu mbassa vi Efrayimba.» Ahaz mbuɗ ki ndaana u suu mamsina halaŋ halaŋ. Asi mbuɗ dlak ko ndal hum ŋgusugina geŋeɗ ko semeɗnara na.

JEREMI 33:21

Na ɗaŋŋi galam manda u saan ma sunda Davidta hin ɓeŋ ki may. Suu hu njafamma sa hin ka ti mulla balamam oloɗi. Dla ndaɗta hin li u muli suu li ɓivun, suu hu njaf Levina, suu ŋgolo man suu sunda ni na may.

EZEKIYEL 37:16

«Aŋ, goŋ sanna, tli goo guna tani ɓii kam ana Yuda u suu Israelna taɓ ki ni dew. An hin tli gu ma daŋŋa olo, ɓii kam ana, Yosef ni gu ma vi Efrayimma. Suu Israelna halaŋ tok ay ni kam dew.

MARK 3:24

Ko suu kay mulla dewra li duu duk tasiya ni, mul masira ka kakgi.

Boy Ma Ayra Ma LUK Ɓiirimma 19:14

Suu hu mbas mambana ka minimbi. Asi sun suuna ha um ana, Ami ka min ana sa namma kak kami a mulnaɗi.

Boy Ma Ayra Ma LUK Ɓiirimma 19:27

Suu ka min ana an kak kasi a mulnaɗina, yowonsina aya, ŋgaɗasi ki kaŋga fokon tani.»

Boy Ma Ayra Ma JAŊ Ɓiirimma 13:8

Piyer dam ana, «An ka min ana aŋ mbusun senu naɗi.» Yesu hoŋom dira ana, «An mbusuŋ seŋ kaɗi ni, aŋ ka fi va konɗi.»

SUU KAƁAKŊA 8:35

Asi ka wi dla mayra li eg Yerubaal-Gedeon hu ziimba na ndeɗi lay. Jivira nam laɗ kay suu Israelnara asi ka waɗɗi.

SUU KAƁAKŊA 9:28

Gaal ma goŋ Ebedna di ana, «Abimelekŋi ge ma aygi suu Sekemma a hoŋ yaygi ga umba ge? Nammi goŋ Yerubaalna u Zebul, saam ma ŋgol asgaarina. Asi ay ni mborɓii suu vi Hamor ma bu Sekemmaɗi su? Aygi hin mbuɗ ki a suu mam suu sunumma ni nanage?