1 MULINA 12:15 - Boy Lonana

¹⁵ Mulna min ka a hum vun suu Israelnaɗi. Yawe mbuɗ dla ndaɗta ki na ni kay a faɗ ki ni vi vun ma nam vam u Jeroboam ma goŋ Nebatna ay fun Ahiya ma Silona.

1 MULINA 12:15 ပူးပေါင်းရင်းမြစ်များ

1 MULINA 12:24

Ana Yawe di ana, Agi ka ndak a tuɗ duu u gorseginaɗi ni goryoŋ Israelna, hoŋogi voo. Kay an li dla ndaɗta na ni an daŋ may.» Asi hum boy ma vi Yawena, hoŋ dagan kay a li u boy ma vi Yawena.

SUU KAƁAKŊA 14:4

Gi bum u sum ka wi ana dla ndaɗta col ay ni ko Yaweraɗi kay nam hal ni dlara du del tam u suu Filistinna. Hu coki ndaɗta suu Filistinna ti mulla kay suu Israelna ni asiya.

GA 8ATAMBARA 2:30

Na may Sihon mul ma Hesbonna ka min a hinimi a jak varambi. Kay Yawe, Loomina, soom hurum ka min a hum boy ma jivinaɗi, kay a ɦamina ki hu duk komira.

2 DLAŊ MULINARA 25:20

Amasiyas ka caa yam kay nera neembaɗi. Lona min a ba ki ni Amasiyas u suu duu mamsina kay nam mbuɗ hurum ki u loogi suu Edomma.

2 DLAŊ MULINARA 22:7

Heella Akaziya tuɗ a heel Joramba Lona mbuɗuɗ ni a va ma baam kina gaw. Hu li ma nam tew hu may ni Akaziya u Joram tuɗ eg Jehu ma goŋ Nimsina ni na gaw. Doli ɗini Yawe man Jehu a mulna ana nam ci njaf suu vi Akabma kiyo.

2 DLAŊ MULINARA 10:15

Mulna hum boy ma suuna joɓom kamma kaɗi. Yawe Lona li dla ndaɗta na ni kay a li ki ni u vi vun ma nam vam duk tam u Jeroboam ma goŋ Nebatna hu li ma nam dam dlara ay fun sa ma jok vun Lona Ahiya ma Silonara.

1 MULINA 11:11

Yawe di Salomon ana, «Aŋ mbuɗ huruŋ ki ni ko ndaɗta na, min ka a li u galamba an vaɗ u aŋgaɗi, ka hum u gaɗ mandaɗi lay ni. An hin ɓaɗaŋ mulla ki koŋu, hin ɦaɗ ki maŋ saaŋ ma sun maa dew.

SUNDA 4:28

Asi li dlara aŋ u saɓak maŋŋa u min maŋga saa ki kaɗ jew a laɗta ki wa.

SUNDA 2:23

Sa namma agi vamu ɓalam ki kolo hu gu garakŋa cam ki ko suu cona na ni u ŋgara Lona ŋgaaɗ ay ki fok jewra.

AMOS 3:6

Lini tokolomma ka bu hu ɦoŋzina ni suuna ka mbuɗ ki ndaaɗi su? Lini dla cora mba ɦoŋzina wa ni boy namma Yawe lammi nambi su?

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

2 MULINA 10:10

Agi wi ki ana boy ma Yawe dam kay suu vi Akabma ma hin bay li ki dew kaɗi. Yawe faɗ ki ni vun boy ma nam dam ay ki fok jew fun saam ma jokom vunumma Elina.»

2 MULINA 9:36

Asi hoŋ ay mba di Jehu. Nam hin dasi ana, «Li ki ni boy ma Yawe dam ay ki fun saam ma sunda, Eli ma Tisbena ana, diginina hin kom tliw Jezabel ki hu sene ma Jizreelnana.

1 MULINA 22:23

Lini gasi Yawe kal ŋgussa kaboyna ki fun suu maŋ suu jok vun Lonana ni, kay hahawra nam ɓakaŋ ki jew kaɗ ana ndaɗ hin faŋura.»

2 SAMUEL 17:14

Absalom u suu Israelna halaŋ di ana, «Gaɗta vi Husay ma Arkŋa jivi su gaɗta vi Ahitofella.» Gasi daŋ may, Yawe vi kam a bulum gaɗta vi Ahitofel ta jivi sura a mba dla cora ay kay Absalom.

SUNDA 3:17

«Kay ndaɗta gorsenna agi u suu magi suu ŋgolona lagi dla ndaɗta eg Yesu ni ko bay wira ɦawaa.

SOOLLA 5:10

Suu asina dlara jiv ka funusiɗi, hurusi ni dlara ɓalak suuna kira. Delesi ni ko vun zul suuna ki malira na, sinisi di dlara ganyamba cocoo.

1 SAMUEL 15:29

Na lay ni, «Bibiŋilla vi Israella ka mbuɗ ki kaboyɗi lay, ka hom ki kaŋgaɗi lay kay ana nam ka sa warɗi, dlara nam a hom kaɗ kaɗi.»

URA TIN AYRA 24:50

Laban u Betuel hoŋ dira ana, «Dla ndaɗta col ay ni ko Yawe, va ma ami dam kaɗi.