1 MULINA 11:4 - Boy Lonana

⁴ Hu cokira Salomon mbuɗ ki maara ni boyogom pereɗem hurum ki u loogi masisina. Hurum ka ɗegee u Yawe Loomma oloɗi. Hurum ka ɗegee ko ndal huu bum David li ayra na oloɗi.

1 MULINA 11:4 ပူးပေါင်းရင်းမြစ်များ

1 MULINA 11:2

Asi halaŋ ay ni hu njaf suu Yawe di suu Israelna kasi ana, «Agi ka kal vi suu asinaɗi. Suu asina kal varagiɗi may. Li ka naɗi ni asi hin mbuɗugi hurugi ki u loogi masisina.»

1 MULINA 11:33

Ni kay ana asi noyon kiyo. Asi goɓ kaŋga fok ciciwra, Astart, lo cara ta fi suu Sidonnara, fok Komos lo ma vi suu Moabma, fok Milkom lo ma vi goryoŋ Amonna. Asi min ka a tuɗ hu voɗ mandaɗi, ka li dlara irin ɗegeeraɗi lay, ka li u gaɗ manda u dlara an miniɗta ko bum David lira naɗi.

1 MULINA 11:38

Lini aŋ hum u dlara an hin daŋgara, lini aŋ tuɗ ɗegee hu voɗ manda, lini aŋ li dlara irin ɗegeera, li u gaɗ manda u neenda ko ndal saan ma sunda David lira na ni, an hin li u aŋu, an hin coloŋ njafaŋ kolo saɓak ko ndal an li u njaf ma vi Davidna na may, an hin ɦaŋ suu Israelna ni maŋu.

1 MULINA 11:42

Salomon basa a mulna kay suu Israelna hu Yerusalemmi basara dok-fiɗi.

1 MULINA 11:6

Salomon li dlara ka ii Yawe jiviɗira. Nam ka tuɗ u Yawe hol ko bum David lira naɗi.

1 MULINA 11:9

Yawe hurum ɓeŋ ki eg Salomon kay ana hurum ka toki um dew oloɗi. Lo ma vi suu Israelna ma tak tam irim yam mbana nam ɦal ŋgorom ki mamu.

1 MULINA 14:21

Roboam ma goŋ Salomonna mbuɗ a mulna hu Yuda. Roboam kak a mulna ni basaɗam tew ki ni dok-fiɗi yam dew. Nam ti mulla ni basara doogo-yam-kiɗisiya ni hu Yerusalem, ɦoŋzi ma Yawe manam ki duk ɦoŋzi ma daŋŋa duk njaf suu Israelna halaŋ tin sem huna. Sem su Raoboammi ana Naama. Ndaɗ ni goora Amonda.

1 MULINA 15:14

Na may li ma mbuy kolona bulum ka kiɗi. Lay ni Aza hurum tini ɗegee kay Yawe gak gak daɓ iiri mamba kay ndaŋgarara.

1 MULINA 15:3

Nam li ni suluk ma bum lam ka ki fokom jewna na tew olo. Hurum ka toki ɗegee u Yawe, Loommaɗi. Ka ko ndal bum ŋgolo David lira naɗi lay.

1 MULINA 3:3

Salomon min Yawe coco ɦay. Nam li ni u dlara bum David damba kara, may nam li ɓivunna ŋgal mbitla his jivira ay ni kolo kay li mbuyna tuwa.

1 MULINA 6:1

Mulna Salomon gijaŋŋa a min Ziŋ Lonara ni hu basara 480 ta suu Israelna cuk ay ki hu mbassa Egiptera. Ni hu basara fiɗi ta Salomon kak a mulna kay suu Israelnara may, hu til ma yam ana Zivna ni til ma mbana.

1 MULINA 8:61

Ko agi tok hurugi halaŋŋi maŋ Yawe, Looygina na dew, kay a agi poy ni u gaɗ mamba, li u gaɗ mamba halaŋ ko ndal agi ka li cemi wandara na.»

1 MULINA 9:10

Hu basara dok-mba' ta Salomon min zigini suu mbana, Ziŋ Yawera u ziŋ mulnara.

1 MULINA 9:4

Aŋ may ni lini aŋ tuɗ u gaɗ manda ko ndal buŋ David lira na may ni, li huruŋ ki na ɗegee, li dlara halaŋ u voɗoɗu, li u dlara an daŋgara halaŋ, lini aŋ hum u gaɗ manda jiviya, li dlara an miniɗta may,

2 MULINA 20:3

«Ҥii, Yawe, wan hahawan na wige, aŋ wi ana an tuɗ fokoŋŋi u ɗegeera u huu ma tini kaŋŋa. An li dlara iriŋ jivira lay.» Ezekiyas tii u simina cocoo.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 DLAŊ MULINARA 29:19

Ҥal huu ma ɗegeena maŋ goronna, Salomon, a vaŋ gaɗ maŋga, vi vun maŋŋa, gaɗ maŋga a li sunda miniŋ ziiŋ ma an min tlena ka kamma.»

2 DLAŊ MULINARA 17:3

Yawe li u Josafat kay nam tuɗ ni hu voɗta jewra vi bum ŋgolo Davidta. Nam ka min a goɓ Baalɗi.

2 DLAŊ MULINARA 25:2

Nam li ni dlara jivi ii Yawera. Vam na may ni ka ki u hurum gasi halaŋgi.

2 DLAŊ MULINARA 34:2

Nam li ni dlara ii Yawe jivira. Nam li dlara ni ko bum ŋgolo David lira na, tli vunum ka ki eg dlara daŋgi.

KALKIRA 20:3

Aŋ vi u lo ma daŋgi ni kan anu.

GA 8ATAMBARA 17:17

Olo ni ka mul namma mol boyogina bolow cocoɗi, mbuɗ hurum a tok gursura u lorra cocoɗi lay.

GA 8ATAMBARA 7:4

Kay dla ndaɗta pereɗ huu goryogi ki a sununda, asi hin mbuɗ sunni loogi suu ɦawana. Li wa na ni yara vi Yawera hin mba kagiya. Nam mba daɓagi ki duk suuna hu duliyara tani.