1 MULINA 11:39 - Boy Lonana

³⁹ Kay ndaɗta an hin hoŋ yam njaf suu vi Davidna ki kaŋgaa, ni ka a fafaɗtaɗi kama.»

1 MULINA 11:39 ပူးပေါင်းရင်းမြစ်များ

Boy Ma Ayra Ma LUK Ɓiirimma 2:11

Sa Suɗta vuɗ ha karam njeŋge ni hu zina fi David. Ni sa Lona Fuurumma, Bu Suuna.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

Boy Ma Ayra Ma LUK Ɓiirimma 2:4

Yosef col ay Nazaret hu mbassa Galilera, a tuɗ hu mbassa Yudera, hu zi ma David vuɗ huna yam ana Betlehem, kay nam vuɗ ni hu njafna vi David may.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

1 MULINA 14:8

An ɓaɗ mulla ay ki ko suu vi Davidna, ɦaŋga ki maŋu, na may aŋ li ka ko saan ma sunda David ma hum u gaɗ manda jivi u hurum halaŋŋa naɗi. Nam li ni dlara irin jivira doy hol.

1 MULINA 12:16

Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

1 MULINA 11:36

Maŋ goromma an hin ɦam deera ummi na dew daŋ, ni kay ana pindilla vi saan ma sunda li fokon tini hu Yerusalem tew tew, ni ɦoŋzi ma an manam ki a sen yi huna.

1 MULINA 11:38

Lini aŋ hum u dlara an hin daŋgara, lini aŋ tuɗ ɗegee hu voɗ manda, lini aŋ li dlara irin ɗegeera, li u gaɗ manda u neenda ko ndal saan ma sunda David lira na ni, an hin li u aŋu, an hin coloŋ njafaŋ kolo saɓak ko ndal an li u njaf ma vi Davidna na may, an hin ɦaŋ suu Israelna ni maŋu.

1 MULINA 11:40

Salomon hal mbeleŋa a ci Jeroboam kiyo. Nam pii tuɗ ki Egipte eg mulna Sisak, juɓ ta ta Salomon miɗ ki tuwa.

2 SAMUEL 14:14

Gasi aygi hin miɗ ko ndal yo ma vooy kaŋga kay ndaŋgarana na, sa hin ka hoŋom gora koloɗina na, na may Lona hurum ka min dla ndaɗtaɗi. Nam tin saaram ki ana sa ma dikim kina li ha ki egem di ki na dayɗi.