1 MULINA 11:29 - Boy Lonana

²⁹ Hu coki ndaɗta hu li ma Jeroboam kal ay ki hu Yerusalemma, sa ma jok vun Lona Ahiya ma Silona ŋgafam kolo hu voɗta. Ahiya u baraw ma wilina cuki egemu. Asi ki ŋgoo bagi ni vay dasi na mba'.

1 MULINA 11:29 ပူးပေါင်းရင်းမြစ်များ

2 DLAŊ MULINARA 9:29

Dlara vi Salomon ta nam laɗta col ha hu gijaŋŋa ta ta daɓ maɗta halaŋ ka ɓiiri hu magaara yaɗ ana Sunda vi sa ma jok vun Lona Natan, sa ma jok vun Lona Ahiya ma Silona u dlara tak taɗ ki ii sa ma jok vun Lona Yedorra. Magaara daɓ dagan ndaɗta ka njaɗ Jeroboam ma goŋ Nebatna u mul ma Israelna.

1 MULINA 14:2

Jeroboam di caamba ana, «Jok tak ki zeɗ ka sa wi ana ndakŋi caandaraɗi. Tuɗ hu Silo. Sa ma jok vun Lona, Ahiya, ka cuki ni huwa. Nammi sa ma dan ana an hin mbuɗ a mul ma vi suu Israelnana.

1 MULINA 12:15

Mulna min ka a hum vun suu Israelnaɗi. Yawe mbuɗ dla ndaɗta ki na ni kay a faɗ ki ni vi vun ma nam vam u Jeroboam ma goŋ Nebatna ay fun Ahiya ma Silona.

2 SAMUEL 14:6

Caaŋga sunda goryoɗ koɗ mba'. Asi u dlasira mbara li yara duk tasi ki bagiya. Sa ka a hoosi kiɗi. Maa dukusi dew ni waɗ wayamma, cam kiyo.

JOSUWE 18:1

Suu Israelna halaŋ tok tasi hu ɦoŋzina Silo, suu muli suu li ɓivunna u suu njun usina pi Mbutluɓ ma Tokka huwa, mbassa halaŋ hin ki ni masira.

URA TIN AYRA 4:8

Kain di wayamma ana, asi tuɗ ki ŋgoo bagiya, hu li ma asi tew hu senena may ni Kain vi wayamma, Abel, cam kiyo.

1 MULINA 11:11

Yawe di Salomon ana, «Aŋ mbuɗ huruŋ ki ni ko ndaɗta na, min ka a li u galamba an vaɗ u aŋgaɗi, ka hum u gaɗ mandaɗi lay ni. An hin ɓaɗaŋ mulla ki koŋu, hin ɦaɗ ki maŋ saaŋ ma sun maa dew.

1 MULINA 14:4

Caŋ Jeroboamba li ko ndaɗta na may, ndaɗ col kolo tuɗ hu Silo. Ndaɗ tuɗ tew hu ziŋ Ahiya sa ma jok vun Lona may ni, nam irim ka cemek oloɗi lay, ka wiɗi lay, kay nam mbuɗ ki maa cocoo.

2 DLAŊ MULINARA 10:15

Mulna hum boy ma suuna joɓom kamma kaɗi. Yawe Lona li dla ndaɗta na ni kay a li ki ni u vi vun ma nam vam duk tam u Jeroboam ma goŋ Nebatna hu li ma nam dam dlara ay fun sa ma jok vun Lona Ahiya ma Silonara.

1 MULINA 12:2

Jeroboam ma goŋ Nebatna ha ki ni hu Egipte tuwa hu li ma nam pii ha ki ko mulna Salomonna. Hu li ma nam hum ana tokka ŋgolla ka hu Sekemmi, nam di ana nam min a kakŋi hu Egipte gak gak.