1 MULINA 11:26 - Boy Lonana

²⁶ Jeroboam goŋ Nebatna, nammi hu deera vi Efrayimba ay hu mbassa Seradara. Sem sum ana Seruwa. Ndaɗ ay ki ni doono. Nammi sa sunda vi Salomon lay. Nam gijaŋŋa duu u mulna.

1 MULINA 11:26 ပူးပေါင်းရင်းမြစ်များ

URA TIN AYRA 35:16

Yakob u suu mamsina yow hin Betel ka tani, asi hin Efrata ha fokosi na ndeni Rasel vuɗ goona, vuɗ maɗta li loɓ cocoo.

2 SAMUEL 20:21

Ka ni kay boy nammaɗi. May sa ma ay kay ɦinira Efrayimba yam ana Seba ma goŋ Bikrina min tam a duu u mulna David. Gagina ha nam dew an hin tli li ma ŋgolna kiyo.» Cara di Joab ana, «Jiviya, asi hin gi kiŋŋa yam ha ki kay gulumunna.»

1 MULINA 11:11

Yawe di Salomon ana, «Aŋ mbuɗ huruŋ ki ni ko ndaɗta na, min ka a li u galamba an vaɗ u aŋgaɗi, ka hum u gaɗ mandaɗi lay ni. An hin ɓaɗaŋ mulla ki koŋu, hin ɦaɗ ki maŋ saaŋ ma sun maa dew.

1 MULINA 11:25

Rezon mbuɗ ni sa ma babalira u suu Israelna hu cokira Salomon kaki a mulnara halaŋ. Ay keŋ hiŋŋa ni Hadad ka li cora ay hu gak may. Hu li ma nam kaki a mul ma Sirina ni nam ka ŋgaf u suu Israelnaɗi.

1 MULINA 11:28

Jeroboam namma saɓak cocoo, ndaki coco lay. Salomon wi goo zoŋ namma ki ni hu li ma nam ka li sundana. Nam tinim a ŋgolla fok suu ka li sunda hu ɦoŋzi ma vi Josefna.

1 MULINA 12:2

Jeroboam ma goŋ Nebatna ha ki ni hu Egipte tuwa hu li ma nam pii ha ki ko mulna Salomonna. Hu li ma nam hum ana tokka ŋgolla ka hu Sekemmi, nam di ana nam min a kakŋi hu Egipte gak gak.

1 MULINA 14:16

Nam ɦasi ki ni kay dla cora Jeroboam laɗta. Nam cuk suu Israelna halaŋ ga hu sulukŋa.»

1 MULINA 15:30

Dla ndaɗta mbay halaŋŋi kay ana Jeroboam li dla cora, cuk suu Israelna halaŋ hu dla co ndaɗta. Dla ndaɗta ɓeŋ huu Yawe Lona vi suu Israelna ki cocoo.

1 MULINA 16:3

An tuɗ ci Beasa ki u suu mamsina halaŋ. An hin mbuɗuŋ ziiŋ ki ni ko ndal ma vi Jeroboamma, goŋ Nebana na may.

1 MULINA 21:22

An hin mbuɗuŋ ziiŋ ki ni ko ndal ziŋ Jeroboam ma goŋ Nebatna na. Ko ndal ziŋ Beasa ma goŋ Ahiyana na may. Kay ana aŋ ɓalakan hurun ki cocoo, aŋ zuɗ suu Israelna a li sulukŋa na bel bel.

1 MULINA 9:22

May duk suu Israelna ni Salomon lasi ka mbaɓuɗi, nam tinisi ni a vokŋa fok suu sunda, fok suu duuna a asgaarina, kapiten, asidaŋ, suu jaŋ pus pusna u suu jaŋ kulumina.

1 DLAŊ MULINARA 2:19

Azuba hin miɗ kiyo, Kaleb hin vi Efrata a caamba, ndaɗ hin vuɗum Hur.

2 DLAŊ MULINARA 13:6

Na may Jeroboam ma goŋ Nebat sa sunda vi Salomon ma goŋ Davidna hin col kolo a duu u nam sa ŋgol mamma.

2 DLAŊ MULINARA 9:29

Dlara vi Salomon ta nam laɗta col ha hu gijaŋŋa ta ta daɓ maɗta halaŋ ka ɓiiri hu magaara yaɗ ana Sunda vi sa ma jok vun Lona Natan, sa ma jok vun Lona Ahiya ma Silona u dlara tak taɗ ki ii sa ma jok vun Lona Yedorra. Magaara daɓ dagan ndaɗta ka njaɗ Jeroboam ma goŋ Nebatna u mul ma Israelna.

SUU KAƁAKŊA 12:5

Suu Galaadna mba lak ki fun voo lum ma Yurdanna ii ma vi suu Efrayimma na gay. U suu may suu suɗ ha ki dew dew duk suu vi Efrayimma li di ana, «An tuɗ taɓa lumma.» Suu Galaadna joɓosi ha ana, «Agi ni suu Efrayimma su?» Asi hoŋ dirawa ana, «Ҥawaa.»

RUT Magaara Njaɗ Dlara vi Rut 1:2

Sa namma yam ana Elimelek. Caamba seɗ ana Noomi. Goryom suu mbana ma hiŋŋa yam ana Malon, ma mbana yam ana Kiliyon. Asi ni hu njaf ma Efratana hu Betlehem hu mbassa Yudara. Asi mba cuk ki hu mbassa Moabba.

1 SAMUEL 1:1

Sa ma Ramana dew ay kolo kay ɦinira Efrayimba. Sem ana Elkana. Nammi goŋ Yerohamma, goŋ Elihuna, goŋ Tohuna, goŋ Sufna, sa Efratana.

1 SAMUEL 17:12

David ni goŋ sa ma Efrata ta Betlehem hu Yudara yam ana Jese, goryom kalavandi. Hu cokira vi Solla sa namma ki maari. Nam ɦal suuna a duuna.