1 MULINA 11:2 - Boy Lonana

² Asi halaŋ ay ni hu njaf suu Yawe di suu Israelna kasi ana, «Agi ka kal vi suu asinaɗi. Suu asina kal varagiɗi may. Li ka naɗi ni asi hin mbuɗugi hurugi ki u loogi masisina.»

1 MULINA 11:2 ပူးပေါင်းရင်းမြစ်များ

URA TIN AYRA 2:24

Kay ndaɗta sana hin bum u sum kiyo, taɓ u caamba kay asi mbuɗ ni tliw ma dewna.

URA TIN AYRA 34:3

Hurum min Dina goŋ Yakobpa cocoo. Nam ɓakaɗ u della jivira a heɓeɗ huruɗta.

1 MULINA 11:9

Yawe hurum ɓeŋ ki eg Salomon kay ana hurum ka toki um dew oloɗi. Lo ma vi suu Israelna ma tak tam irim yam mbana nam ɦal ŋgorom ki mamu.

2 DLAŊ MULINARA 19:2

Sa ma jok vun Lona, Yehu, ma goŋ Hananina, mba ŋgafam vogom dam ana, «Aŋ a njun u sa ma cona ni ana mege? Aŋ sana ndak a min sa ma ka min Yaweɗina su? Dlara aŋ laɗ ndaɗta, Yawe hurum ki ɓalaki egeŋu.

2 DLAŊ MULINARA 21:6

Nam li ni dlara vi muli suu Israelna, ko ndal suu vi Akabma lira na, kay caamba ni goŋ Akabba. Nam li ni dlara ka ii Yawe jiviɗira.

EZDRAS 9:12

Cecem wanda agi ɦasi gorɓii magisina maŋ goryosi oloɗi, agi ɗumusi gorɓii masisina maŋ goryogi oloɗi, halagi a fasi jivi masira u heɓ masiraɗi, a agi mbuɗ ki saɓakŋa, tagi begera hu mbassara, hinisi asi yowogi goryogi a fafaɗta.

SOOLLA 139:21

Yawe dukun kini gonokka u suu babali maŋsina, suu gonokka u aŋŋa mayasi ka kanɗi.

KALKIRA 23:31

An ŋgaagi vun ndaŋga magira ni col ha fun mbo Lum ma Cerewna tuɗ tew mbo lum ma vi suu Filistinna, col ay ŋgoo hu fulla tuɗ tew fun mbo lum ma Efratanna. Hu li ma an hinigi suu hu zi nammana agi dikisi wa, agi dikisi ki fokogi halaŋ.

KALKIRA 34:12

Gol taŋ jiviya, vi galam u suu aŋ tuɗ ha dukusi wannaɗi, kay ni suu hin a daɓaŋ seŋŋa.

KALKIRA 34:16

Ɗowba lini aŋ ɗumusi goryosi ay maŋ goryoŋu, goryosi li ɓivunna ni maŋ loogi suu ɦawana, mbuɗugi goryogi ki usi a goɓ loogi suu ɦawana may.

MALASI 2:11

Yuda ɓeŋ boyna kiyo. Dla cora mba hu Israel hu Yerusalem lay. Gasi Yuda ɓeŋ li ma teteɗ ma Yawe, hurum haɗ kam ɦayna ki u ɗumba nam ɗum goŋ loogi suu daŋŋara.

ROMMA 1:32

Asi kay tasira wi ɓak ma vi Lonna ki jiviya, suu li ko ndaɗta na na hin fi miɗna, asi wi ki masi na lay yasi gak li dla mayra ndaɗta, asi taɓ vunusi u suu li dlara ndaɗta lay.

ROMMA 12:9

Li minda gasira, hin cora kiyo, njunugi tagi saɓaki eg jivira.

1 KORINTNA 15:33

Ganagi yam tagiɗi, «Banara cora ɓeŋ poyra vi sa ma jivina.»

WIRA ŊGAYRA 2:4

Aŋ gola va ma hurun ɓeŋ egeŋŋa ni aŋ ka minin coco ko jewra na oloɗi.