1 MULINA 10:9 - Boy Lonana

⁹ Gi deɓ maŋ Yawe Looŋŋa ma min a kakaŋ kay dlamba mulla vi suu Israelna, ni kay ana Yawe min suu Israelna ɦay. Nam kakaŋ a mulna ni a aŋ mba li jivira u ɗegeera.»

1 MULINA 10:9 ပူးပေါင်းရင်းမြစ်များ

2 SAMUEL 23:3

Lo ma vi suu Israelnana di kiyo. Ҥinira vi suu Israelnara dan ki ana, sa ma ti mulla kay suuna u jivirana. Sa ma ti mulla u ndaa ma vi Lonana.

2 SAMUEL 5:12

Na ɗaŋŋi David wi ana Yawe tinim a mulna ni namu. Nam ɦam jivira hu mul mamba ni kay Israel suu mamsina.

2 SAMUEL 8:15

David ti mulla kay suu Israelna halaŋ halaŋ. David li dlara jivira u ɗegeera maŋ suu mamsina halaŋ.

1 MULINA 3:28

Suu Israelna halaŋ suu hum dla ɓak ma mulna kaam namma asi li ndaa mulna cocoo kay asi wi ki ana yal ma ka hurum wanna ni ma vi Lonna. Nam ka ɓakŋa ni u ɗegeera.

1 MULINA 5:7

Muli suu ŋgolo suu mulna manasi doogo yam mbana ɦal tina ay maŋ mulna ni asiya. Suu nam yasi ay varamma asi ɦasi tina lay. Va ka kaɗak kay saɗi.

1 DLAŊ MULINARA 17:22

Aŋ ɦal taŋ ki kay suu Israelna a mbuɗusi ki suu maŋsina a fafaɗta, aŋ, Yawe, may ni mbuɗ ki a loosina.

2 DLAŊ MULINARA 2:11

Hiram hin di hu olo ana, «Gi deɓ Yawe Lona vi suu Israelna, ma li huulona u ndaŋgarana, ma ɦal goo ma wi dlara ɦayna maŋ mulna Davidna, ma oy u wira u mbeleŋŋa u yal ma wi u dlara cocona, ma hin a min zira ŋgolla maŋ Yawena. Min zira ŋgolla mulla maŋ tamba may.

SOOLLA 18:19

Hu buu man ma yoora asi mba duurunu. Na may Yawe njun kanu.

SOOLLA 22:8

Gegelay ma ŋgafana ni pananu, asi san unu, saɗ yasi ki irin na na.

SOOLLA 72:2

Ko asi ti kay suu maŋsina u ɗegeera, suu hoŋ yasi gaa u jivi maŋgana.

EZAYI 42:1

Bu Suuna di ana, Gola ni saan ma sunda ma an minimma, saan ma an manama ma an furiyumma, an gi Musuk manda kamu, nam hin tak ɓak ma vi njaf suunana ki halaŋ.

EZAYI 62:4

Sa ka di kaŋ ana, «Ҥoŋzi ma suuna noyom kina» oloɗi, ka di kay ndaŋga maŋga ana, «Ndaŋgara hahawra» na oloɗi lay. Ni na ɗow ana, «Li ma ii suuna jivi ɦayna.» Yaŋ ndaŋga maŋga ana, «Cara ɗumira.» Kay Yawe tin saa mamba ni kaŋu. Ndaŋga maŋga nam ɗumuɗ ki wa.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

JEREMI 31:3

Ay ki day ni Yawe tak tam irinu, dan ana an miniŋ ni a fafaɗta, olo ni u ɗegee maŋga an yaŋ ay egenu.

MALASI 1:2

Yawe di ana, «An minigiya,» agi hin hoŋom dira ana, «Aŋ minimi ni u mege?» Yawe di ana, «Ezaw ka ni wayaŋ Yakobmaɗi su? An hin min Yakob nige,

GA 8ATAMBARA 7:8

Lini Yawe u kom ma saɓakŋa cukugi ay ki wa, suɗugi ki ko mbaɓura wa, ko Faraw mul ma Egiptena ni kay Yawe minigiya, vi vunum ay ni u somoyogi day.