1 MULINA 10:25 - Boy Lonana

²⁵ Gegelay ni mbay u puu mamba komu. Tlesuu sunda, gursura, tlesuu yoori u lorrana, barawna kawi ma duuna, kulumina, koro Makkana, tle asina mbay ni hu basara basara halaŋ.

1 MULINA 10:25 ပူးပေါင်းရင်းမြစ်များ

URA TIN AYRA 36:24

Gola ni goryoŋ Sibeonna, Aya u Ana ma fi goloŋga yo ma kuna a taa korra vi bum Sibeonda.

2 SAMUEL 8:10

Toow sun goromma Yoram eg mulna David a gam deɓpa a ŋgaam kay lira nam li duuna u Hadadezer cam kira, kay Hadadezer ni babali ma vi Toowna. Yoram yow tlesuu lorra, doonora, u walakka ha komu.

2 SAMUEL 8:2

Nam ci suu Moabma hin ŋgaasi ni u zewna buurusi ki kaŋga kay ndaŋgara buuriya. Nam ŋga zewna mba' a casi kira may, zew ma hiŋŋa dew ni ma hinim iirina may. Suu Moabma mbuɗ ki ni suu sunda vi David suu lam sundana.

1 MULINA 1:33

Nam dasi ana, «Yowogi suu sun suu vi sa ŋgol maginana fokogiya, tuɗ tlagi Salomon, goonna, kolo kay koro Makka manda. Agi tuɗum ga hu Gihon.

1 MULINA 10:10

Ca mulla Sabara hin ɦal lorra maŋ mulna Salomonni ii va ma kelew buɓ buɓ hindi u nus, ɦam tlesuu his jivina ugi mbitla ŋgol cocoo u ɦini mayra gus loɓ cocora lay, col ay dayra ni sa bay wi tlesuu his jivi ɦayna hu mbassa Israella ŋgol ko ndaɗta na tuwa.

1 MULINA 18:5

Akab di Obadiya ana, «Tuɗ poy hu mbassa gol huu goloŋiina ki halaŋ halaŋ, lini aŋ fi usu ma ŋgolom a yoorina ti hu kalage. Ay ndak a ŋgom kulumina u koro Makkana iiri kalage. Ni yoori may suu taa hin hin iiri ɦiwɗi su?»

1 MULINA 5:1

Salomon ti mulla kay muli suu daŋŋa halaŋ halaŋ, col ay fun mbo lum ma Eufratana ta ta tew ay ki fun mbassa vi suu Filistina, tuɗ ay ki ta ta ii hakara u mbassa Egiptera. Muli suu hu mul ndaɗtana halaŋŋi ga u Salomon. Asi ɦam taara ta ta hu li ma nam ka iiri tuna.

2 MULINA 17:4

Oze vi vunum u suuna kay mul ma Asirina. Nam sun suuna eg mul ma Egiptena hu Sais ka min a ɦal taara maŋ mul ma Asirina oloɗi. Hu li ma Salmanasar hum boy namma ki hummi, nam vi Oze gam daŋgayna.

2 DLAŊ MULINARA 26:8

Suu Amonna lay warakam taara duuna ay ni mamu. Oziyas mbuɗ saɓak cocoo. Sem tii ha ki ta ta tew ay ki ii hakara u suu Egiptena.

2 DLAŊ MULINARA 9:24

Gegelay ni mba u vaam ma nam a ɦammana, gursura tlesuu yoori u lorrana, barawina, kawina, mbitla his jivira, kulumina, koro Makkana, tle asina mba ni hu basara tew tew.

EZDRAS 2:66

Kulumi masisina, 736, koro Makka masisina 245,

ESTER 8:10

Asi ɓii magaara u sem mulna Zerses hin tin kaɗumba vi mulnara huwa, hin sun magaa ndaɗta ki ko suu gi ii dlara hu li ma sundana u kulumi suu dogoni kulumi suu hinisi ki a li njafna vuɗusina.

ESTER 8:14

U gaɗta vi mulnara, magaara ɓiiriɗ ndaɗta tew ki ko suu li sunda may ni asi tuɗ ki u ndaɗ ni na zak gaw. Gaɗ ndaɗta asi hin ɓakaɗ ki hu Suz ɦoŋzi ma saɓakŋa.

JOB 42:11

Gorsemma, gorsem suu gorɓiina, u ndarayam suu wamma halaŋ mbay a golomba. Asi ti funa ay u nam vo hu ziimu. Asi ɗilim irim kay hahawra ŋgolla Yawe mbaramba ay kamba. Asi halaŋŋi suu ɦam gursura may, suu ɦam kaaɗum lorra may.

SOOLLA 68:29

Tak saɓak maŋŋa kiyo, Lona. Saɓak ma aŋ min njunumi u namma.

SOOLLA 72:10

Muli suu Tarsisna u muli suu kay daarana sunum tlena aya, muli suu Sabana u suu Sebana hin ɦam taara ni mamu.

SOOLLA 72:15

Nam kak wa ni asi hin ɦam lorra Sabara kiyo, asi cen kam tew tew, asi paɗ vunusi ki kam hu buuna halaŋ.

EZAYI 36:16

Ni agi hum ugi vun Ezekiyasɗi, kay mul ma Asirina di ay ana, Vagi banara u an ɗow, mbaagi ay egenu, gegelay ni hin ti vuɗ gugutlu mamma funum u vuɗ tulum mamma ɗow, hin ci yo ma hu goloŋ mambana may.

EZAYI 66:20

Suuna hin mbaaragi gorsegi suu ay ki hu li ma daŋŋana aya, mbaarasi ay ko poora na maŋ Yawe. U kulumina u pus pusna u tlena gani kolo kay kulumina, lay ma buuna lay, koro ma Makkana u jamballa, mbaaasi eg ɦini manda teteɗta. Ko ndal suu Israelna ɦal tlena ay man ŋgoo bagi hu fullara na may.

EZEKIYEL 27:14

Suu may suu Bet-Togarmana mba gusugi tlena kogi u kulumina u koro ma Makkana may.

MATIYE 2:11

Asi sel kalafi hu zira, wi goona ko sum Mari. Asi goɓ kaŋga fokomu. Asi buɗ tlegeyesi ki buɗ ni, ɦam lorra may, mbitla may, mbul ma his jivina may.

SUU KAƁAKŊA 3:15

Suu Israelna tii eg Yawe. Yawe hin ɦasi sa ma suɗusi kina, ni Ehud ma goŋ Gerana. Nammi hu dee suu vi Benjaminna, kom gulu wa. U cen mamba suu Israelna sun taa masira eg Eglon, mul ma Moabma.

1 SAMUEL 10:27

Na may suu sunusi kaɗina di ana, «Sa namma hin suɗuygi ki ni nanage?» Asi ka minim dlaambaɗi lay, ka ɦam tlena ay ɦawaɗi lay. Na may ka min a taɓ tasi u nambi. Sol di va kaɗi.