1 MULINA 10:24 - Boy Lonana

²⁴ Suu kay ndaŋgarana halaŋ min a wi Salomon kay a hum boy ma wira ma Lona kalamma hurumma.

1 MULINA 10:24 ပူးပေါင်းရင်းမြစ်များ

1 MULINA 10:1

Ca mulla hu mbassa Sabara hum dla Salomon u sem ma tii ha ki cocona kay nam wi Yawe, na ni ndaɗ mbay a golomu. Ndaɗ min a tukum yal mamma u boy ma ganyamba, joɓom joɓpa nek cocora.

1 MULINA 3:12

Gola an hin li ni ko ndal aŋ dira na may. An ɦaŋ huu ma wi dlara u yalna, suu ay ki fokoŋ jewna lay, suu hin varak ka ŋgoroŋŋa lay ni sa ma wi dla ko ndal aŋ na kaɗi.

1 MULINA 3:28

Suu Israelna halaŋ suu hum dla ɓak ma mulna kaam namma asi li ndaa mulna cocoo kay asi wi ki ana yal ma ka hurum wanna ni ma vi Lonna. Nam ka ɓakŋa ni u ɗegeera.

1 MULINA 3:9

Kay ndaɗta aŋ ɦal yalna huu saaŋ ma sunda a ti mulla kay suu maŋsina, a ɓorow duk ɦoŋ jivira ki u cora, sa ma ndak a ti mulla kay suu maŋ suu dlasi ŋgol coco wanna na ni gege?»

2 DLAŊ MULINARA 1:11

Lona hin di Salomon ana, «Ko aŋ huruŋ minda na may, aŋ min ka a joɓmi begeɗi, joɓ ka dlara hal ŋgolla ŋga taŋgi lay, joɓ ka ana caŋ cuu babali maŋsina kiyo naɗi lay, joɓ ka buu ma fiyek hu duliyara taniɗi lay. Aŋ hin joɓmi wira u yal ma gi ii dlara na ɗow, a ti mulla kay suu man suu an tiniŋ ana aŋ kak kasiyana.

2 DLAŊ MULINARA 1:12

Yalna u wira mbeleŋŋa an ɦaŋsina wa. An ɦaŋ ɦiza hu olo. Aŋ hin fi tlena seŋ tii ki coco lay. Aŋ hin fi ni bibiŋilla muli suu kay ndaŋgarana halaŋ sa faɗ ka dew tuɗira. Muli suu hin kak ka ŋgoroŋ daganna lay ni sa ma faɗ kaɗi.»

VUN ŊGOLNA 2:6

Kay Yawe ɦal yalna ay ni namu, yal ma wira u gasira cuk ay ki ni funumu.

EZEKIYEL 16:14

Dla jiv makŋa sem tii ha ki duk njaf suuna halaŋ, kay ndak mbuɗ ki jivi coco u tlegesuu an miniksina egekŋa. Di ni Bu Suuna, Yawe.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.

DANYEL 2:23

Maŋ aŋ Lo ma vi somoyomina, gi deɓ manda u furira u ŋgaanda lay, kay ana aŋ ɦal yalna u saɓakŋa. Cecem wanda aŋ takan va ma ami joɓoŋ kamma kiyo, kayana aŋ takami u dlara vi mulnara kiyo.»

DANYEL 5:11

Sana ka duk suu aŋ ti mulla kasina dew, sa namma ŋgussa vi loogi suu teteɗna ka kamu. Ay hu buu ma buŋ ka tuna, fi u dlara tew tew ay ni funumu, wira lay, yalna ko ndal yal ma vi looginana na, buŋ mulna Nabukodonosor tinim a mulna fok suu wi dlara, suu kaɓakŋa, suu Kaldeenna u suu di u dlara kina. Buŋ mulna li ni na,

Magaara JAK Ɓiiriɗta 1:5

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.