1 MULINA 10:22 - Boy Lonana

²² Kay mulna Salomon lum kawi mamma kaa. Nam sun tlena hu mbassa daŋga. Suu mamsina taɓi ko tasi u suu vi mulna Hiramma. Hu basara hindi ni lum kawina hoŋ ay vo ni oyra u lorra, donora, sii tlokka, viina u layagina.

1 MULINA 10:22 ပူးပေါင်းရင်းမြစ်များ

URA TIN AYRA 10:4

Goryoŋ Yavanna, Elika, Tarsis, Kittim u Rodanim.

1 MULINA 10:18

Mulna min dlamba mulla ta ŋgolla na dew ni ndalaɗ taɗ ki u sii tlokka, hooroɗ yaɗ ki u lor mayra jivira.

1 MULINA 10:21

Koɓii suu ci tlena vi mulna Salomon halaŋ mini ni u lorra. Tlesuu ha u zi mayra Gura Libanda halaŋŋi u lorra. Va ma mini u dono ka huɗi. Hu li ma Salomon a mulnana ni lorra gol ki ni ko va ma ɦawana na.

1 MULINA 22:48

Hu coki ndaɗta ni mul ma ka hu mbassa Edombaɗi. Mul ma Yudana tin sana ha hu a gol lina ni mamu.

1 MULINA 22:49

Josafat min lum kawi ma ŋgolona a tuɗ hal lorra hu Ofir. Lum kawina hin tew kaɗi kay lum kawina ɓalak ki duk mbo ma Eziyon-Geberna.

1 MULINA 9:26

Mulna Salomon ceɗ lumba ŋgolla gaɗ hu lumma Eziyon-Geberna tok eg Elat fun voo ma hu mbo lum ŋgolnana, fun Lum ma Cerewna hu mbassa Edomba.

2 DLAŊ MULINARA 9:21

Mulna lum kawi mamsina kaa. Nam sunusi u tlena hu mbassa dayra. Suu ka jaŋ lum kawi asinana ni suu vi mulna Hiram suu wi sun lum kawina. Basara hindi ni lum kawina hoŋ ay halaŋŋi ki oy u gi lorra, donora, sii tlokka, viina u layagi suu juɓ u zina.

JOB 39:13

Garaŋ erketta viriw u furira, aŋ goloɗ ha na ni ko ndal garaŋ bakŋa u tlimiɗta hura na.

SOOLLA 48:7

Tasi mbuɗ dlak cocoo, ko cara wiina hal a vuɗtara na.

SOOLLA 72:10

Muli suu Tarsisna u muli suu kay daarana sunum tlena aya, muli suu Sabana u suu Sebana hin ɦam taara ni mamu.

EZAYI 2:16

kay lum kawi ma ŋgolo ma hu Tarsis ma jivi cocona kiyo.

EZAYI 23:1

Gola ni boy ma dam kay zi ma Tirna. Agi suu tuɗ hu lumma u lum kawinana tiirigiya. Tlegeyegi ɓalak ki wa kay zi ma agi cuki huna to kiwa u suu hurumma halaŋ miɗ ki wa. Agi suu mbay huna suu Siprena humugi boy namma ha kiyo.

EZAYI 23:10

Agi suu Tarsisna horokogi sene magi ma doŋ lummana, vun voo ma suuna cuk tlena huna ka oloɗi.

EZAYI 23:6

Tuɗugi ta ta hu Tarsis, tiirigiya agi suu cuki fun lummana.

EZAYI 60:9

Na daŋ may, suu kay daarna ka tuɗ ay egenu, suu ay Tarsis dayna vogŋa ay ni masiya. Asi mbaa kemba ay ni na day. Asi mbay u doonora u lorra, kay a ŋgaaŋ Yawe, Looŋŋa. A ŋga ma teteɗ ma vi suu Israelna kay nam ɦaŋ kiɗik mambara.

EZAYI 66:19

An hin pi va ma tak kina kolo huwa. An hin sun u suu hin ay hu li ma daŋŋa nde ndena ay huwa, ay eg njaf suu daŋŋa halaŋ halaŋ. Suu Tarsisna, suu Pulna u suu Loudna mbas mayra duu u mburra, suu Tubalna u suu Yavanna u suu ay ki day day suu humun dlan ka dewɗina, suu wan bibiŋil manda ka dewɗi layna, asi hin di ki kay ŋgol manda duk njaf suuna halaŋ.

EZEKIYEL 27:12

«Suu Tarsisna hin li paara duk tagiya, asi mbaaragi njaf tlena zeɗ zeɗ halaŋ. Asi gusugi tlegeyegi u doonora, kawi ma warna, tusuna u silkina.

EZEKIYEL 27:15

Goryoŋ Dedanna hin li paara u agiya. Suu daŋŋa kay daara daŋga zeɗ zeɗ hin li paara u agiya. Asi hin gusugi tlegeyegi u sii tlokka u gu ma yam ana ebenna may.

AMOS 3:15

An hin mba dla cora ɦoŋzina hu til semeɗna may hu til faɗta may. Zigini suu mini jivi cocona hin bulum kiyo. Zigini suu mini ŋgolona hin bow ki may. Yawe di na.

JONAS 1:3

Jonas col kolo colni pii tin irim ki hu ɦoŋzi ma Tarsisna a ŋgay tam ki day eg Yawe. Nam tuɗ ga hu Yoppe, tuɗ fi lum kawi ma asi minim a tuɗ Tarsisna huwa. Nam warak suu lum kawina, ful usi a tuɗ ki hu Tarsissa may. Ki day eg Yawera.