1 MULINA 1:39 - Boy Lonana

³⁹ Mul ma li ɓivunna Sadok tli mek ma mbulna ay ki hu Mbutluɓma. Nam fuu Salomon u mbulna, mbuɗum ki mulna. Asi bu tokolomma. Suuna halaŋ tum soora. Sawalla ha kolo ana, «Gi deɓ maŋ mulna Salomon»

1 MULINA 1:39 ပူးပေါင်းရင်းမြစ်များ

1 MULINA 1:25

Kay cemi ni nam tuɗ ga fun mbo ma Rogelna, nam li ɓivunna u bolo mbutlugina, u gor mbutli suu ɗorina u timigiina lay, tlena ŋgol cocoo. Nam yi goryoŋ mulnana ha halaŋ. Suu ŋgol asgaana u mul ma li ɓivunna Abiyatar. Cemi ni asi ka ti may, ci may fokomu. Asi di ana, Gi deɓ maŋ mulna Adoniya.

1 MULINA 1:34

Hu li namma mul ma li ɓivunna Sadok u sa ma jok vun Lona Natan fuurum u mbulna a mbuɗum ki mulna kay suu Israelna halaŋ. Agi hin bu tokolomma, sawalla kolo di ana, Gaŋdeɓe, mulna Salomon.

1 MULINA 1:40

Suuna halaŋ hoŋ ay kolo u namu. Suuna bu diffa may, furi coco may ta ta ndaŋgara lay mbuɗ geŋeɗ ki u sesiya.

1 MULINA 2:15

Ndak wi lay ana mulla ginni manda, suu Israelna halaŋ ay ki toki ni unu ana anni mulna, mulla hin suɗ ki konu, tuɗ ki ni vi wayanna nam faɗ na ni u minda vi Yawera daŋ may.

2 MULINA 11:12

Yoyada hin kal goŋ mulnana ay ki kiɗiki, tinim jumba mulla kamu u tlesuu tak ki ana ni mulnana. Asi kakam a mulna fuurum ki u mbulna may. Asi gijaŋ ko kosi sawalla ha kolo ana, «Gaŋ deɓe, mulna.»

2 MULINA 11:14

Ndaɗ gola ni mul ma wilina coli eg mbal ma duk gayra hu Ziŋ Lonara zow, ko ndal asi li day dayara na. Muli suu daŋŋa u suu bu tlena a luuna coli eg mul ma wilina ca may, u tokolomma lay ay laki na tok eg mulna. Suuna halaŋ ka furi cocoo. Asi bu tokolomma. Ataliya haa baraw maɗna ki oo uɗ kolo di ana, «Ni dlara ŋgeŋŋa, ni ŋgeŋŋa.»

2 MULINA 9:1

Fali taa dew ni Elize yi goo zoŋ maa duk suu jok vun Lona dew ni dam ana, «Min taŋu, tli goo kob ma mbulna koŋ tani, tuɗ hu Ramot ta Galaadta.

2 MULINA 9:13

Na gaw ni, suu ŋgolo suu asgaana fok barawi masisina boɗosi kaŋga vun goŋga kal ay kira, kak Jehu ka kolo kasiya gijaŋ sawalla ha kolo ana, «Gaŋ deɓe, mulna Jehu.»

1 DLAŊ MULINARA 29:22

Asi ti may, ci may, fok Yawe hu buu namma, li furira ŋgol cocoo, a mbara ni asi tin Salomon ma goŋ Davidna ki mulna. Asi hin fuurum ki a mulna maŋ Yawe ko mulna na maŋ Yawe, Sadok a mul ma li ɓivunna may.

2 DLAŊ MULINARA 23:11

Asi kal goŋ mulnana ay ki kiɗiki. Asi tinim jumba mulla ki kamu, kakam ki a mulna ɓak ki kamu. Yoyoda u goryom fuurum ki u mbulna sawalla ha kolo di ana, «Gaŋ debe, mulna.»

2 DLAŊ MULINARA 23:13

Ndaɗ gol iriɗ ha na ni wi mulna ka ki coli kolo kay vun zira. Mulina u suu bu tokolomma ka njaari egem na tok. Suuna halaŋ ka furiya. Asi bu tokolomma may. Suu bu tlena bu gi dadari masisina may, ka tuɗ fok suu geleɗ mulnana. Ataliya haa barawi maɗsina ki, oo uɗ kolo di ana, «Duuna. Duuna.»

SOOLLA 89:20

Fok jewra aŋ ɓak suu maŋsina hu doyra, aŋ di ana, «An hin njun u suu hurusi ɦiŋŋa, An man goozoŋŋa duk suu mansina.

KALKIRA 30:35

U tle asina aŋ li mbul ma his jivina, suu wi yal mbulna li mbul namma ni asiya, mbul namma u vuvuna duku ni mbul ma teteɗna.

1 SAMUEL 10:24

Samuel di suuna halaŋ ana, «Agi wi sa Yawe manamma ɗaŋ su? Sa ko nam na ka duk suunaɗi.» Suuna halaŋ li furira, yi kolo u delesi eŋga ana, «Kak a fafaɗta mulna.»

1 SAMUEL 16:13

Samuel tli mek ma mbulna hurumma tani, hin fuurum duk gorsemma. Musuk Yawera hin mbay kay David hu buu namma. Samuel hin gi tam voɗ tuɗ Rama.