1 MULINA 1:25 - Boy Lonana

²⁵ Kay cemi ni nam tuɗ ga fun mbo ma Rogelna, nam li ɓivunna u bolo mbutlugina, u gor mbutli suu ɗorina u timigiina lay, tlena ŋgol cocoo. Nam yi goryoŋ mulnana ha halaŋ. Suu ŋgol asgaana u mul ma li ɓivunna Abiyatar. Cemi ni asi ka ti may, ci may fokomu. Asi di ana, Gi deɓ maŋ mulna Adoniya.

1 MULINA 1:25 ပူးပေါင်းရင်းမြစ်များ

2 SAMUEL 16:16

Hu li ma Husay ma Arkŋa ma banaŋ Davidna mbay eg Absalom, Husay di Absalom ana, «Kak a fafaɗta, Mulna, kak a fafaɗta, Mulna.»

1 MULINA 1:19

Nam li ɓivunna u bolo mbutlugina u gor mbutli suu ɗorina u timigiina tlena ŋgol coco. Nam yi goryoŋ mulnana ha egem halaŋ halaŋ u mul ma li ɓivunna Abiyatar lay, sa ma ŋgol asgaana Joab lay, saaŋ ma sunda Salomon nam yam ka dukgi.

1 MULINA 1:24

hin di ana, «Sa ŋgol manna, mulna, aŋ li dla ndaɗta ha na ni aŋ daŋ may su? Adoniya hin ti mulla ka balamaŋŋi namu. Nam ni sa ma hin kak ka kay dlamba mullana ni na su?

1 MULINA 1:34

Hu li namma mul ma li ɓivunna Sadok u sa ma jok vun Lona Natan fuurum u mbulna a mbuɗum ki mulna kay suu Israelna halaŋ. Agi hin bu tokolomma, sawalla kolo di ana, Gaŋdeɓe, mulna Salomon.

1 MULINA 1:39

Mul ma li ɓivunna Sadok tli mek ma mbulna ay ki hu Mbutluɓma. Nam fuu Salomon u mbulna, mbuɗum ki mulna. Asi bu tokolomma. Suuna halaŋ tum soora. Sawalla ha kolo ana, «Gi deɓ maŋ mulna Salomon»

1 MULINA 1:9

Adoniya li ɓivunna kay gogoyra Zoheletta u Timigiina, mbutli suu ɗorina u gor mbutli suu ɗorina, keŋ mbo ma Rogelna. Nam yi gorsem suu goryoŋ mulnana ay halaŋ, yi suu hu Yudana ay halaŋ may, ni suu ka li sunda maŋ mulnana.

1 MULINA 2:15

Ndak wi lay ana mulla ginni manda, suu Israelna halaŋ ay ki toki ni unu ana anni mulna, mulla hin suɗ ki konu, tuɗ ki ni vi wayanna nam faɗ na ni u minda vi Yawera daŋ may.

2 MULINA 11:12

Yoyada hin kal goŋ mulnana ay ki kiɗiki, tinim jumba mulla kamu u tlesuu tak ki ana ni mulnana. Asi kakam a mulna fuurum ki u mbulna may. Asi gijaŋ ko kosi sawalla ha kolo ana, «Gaŋ deɓe, mulna.»

2 MULINA 11:14

Ndaɗ gola ni mul ma wilina coli eg mbal ma duk gayra hu Ziŋ Lonara zow, ko ndal asi li day dayara na. Muli suu daŋŋa u suu bu tlena a luuna coli eg mul ma wilina ca may, u tokolomma lay ay laki na tok eg mulna. Suuna halaŋ ka furi cocoo. Asi bu tokolomma. Ataliya haa baraw maɗna ki oo uɗ kolo di ana, «Ni dlara ŋgeŋŋa, ni ŋgeŋŋa.»

2 MULINA 9:13

Na gaw ni, suu ŋgolo suu asgaana fok barawi masisina boɗosi kaŋga vun goŋga kal ay kira, kak Jehu ka kolo kasiya gijaŋ sawalla ha kolo ana, «Gaŋ deɓe, mulna Jehu.»

1 DLAŊ MULINARA 29:13

Cecem wanda, Loomina, ami gaŋdeɓe, ami geleɗeŋ seŋ ma saɓakŋa ɦayna.

1 DLAŊ MULINARA 29:21

Vin ŋgoo buu namma asi li ɓivunna maŋ Yawe, lam ɓi vun ma ŋgalam ki ŋgalina, bolo mbutlina buɓ, gamlagina buɓ, gor timigiina buɓ u ɓivun ma ɦawana may, ɓivunna bolow coco kay suu Israelna halaŋ.

2 DLAŊ MULINARA 23:11

Asi kal goŋ mulnana ay ki kiɗiki. Asi tinim jumba mulla ki kamu, kakam ki a mulna ɓak ki kamu. Yoyoda u goryom fuurum ki u mbulna sawalla ha kolo di ana, «Gaŋ debe, mulna.»

MATIYE 21:9

Suu fok Yesuna u suu ŋgorom daganna sawalla kolo ana, «Geleɗta maŋ Goŋ Davidna. Lona paɗ vunum ki kay sa mbay u sem Bu Suuna. Geleɗta maŋ Lo ma kolona.»

MATIYE 22:4

Nam cuk suu mam suu daŋŋa olo, dasi ana, tuɗ dasi ana, tlena min ki wa. Mbutlina ki gaɗiya, ɦugunina ki ci lay, funa yi ki wa. Mbay tagi funa.

Boy Ma Ayra Ma LUK Ɓiirimma 19:38

Asi di ana, «Lona paɗ vunuŋ ki kay mul ma mba u sem Bu Suuna. Heɓpa huulona, geleɗta maŋ Lo ma kolona.»

1 SAMUEL 10:24

Samuel di suuna halaŋ ana, «Agi wi sa Yawe manamma ɗaŋ su? Sa ko nam na ka duk suunaɗi.» Suuna halaŋ li furira, yi kolo u delesi eŋga ana, «Kak a fafaɗta mulna.»