1 MULINA 1:21 - Boy Lonana

²¹ Hu li ma sa ŋgol manna mulna hin buu ki kaŋga eg somoyomwa ni, an u gooronna Salomon asi hin lami ni ko suu dlara vasina na.»

1 MULINA 1:21 ပူးပေါင်းရင်းမြစ်များ

URA TIN AYRA 15:15

Aŋ may ni hin tuɗ eg somoyoŋ u heɓpa, aŋ may ni hin mbuɗ maara u furira miɗ u heɓpa.

2 SAMUEL 7:12

Hu li ma buu maŋŋa daɓ ki wa aŋ buu ki kaŋga ko taŋ u somoyoŋ wa ni an hin wuluŋ njafaŋ ka ŋgoroŋ dagani. Sa ma kal ay ki egeŋ gawna an hin wulum mul mamba koloo.

1 MULINA 1:12

Cemi ni ndak tuɗa, an min dak boyna haa, tuɗ suɗ tak kiyo, suɗ gorokŋa Salomon ki may.

1 MULINA 1:20

Aŋ may ni sa ŋgol manna, suu Israelna halaŋ irisi ka cuki ni kaŋu, a aŋ takasi sa ma hin kak ka hu dlamba mulla vi sa ŋgol manna ŋgorom daganna.

1 MULINA 1:22

Ndaɗ njaɗ u mulna na tu may ni sa ma jok vun Lona, Natan, kal ay usi may.

1 MULINA 2:10

David buu gaa duk somoyomwa. Asi pammi hu ɦoŋzi ma yam ana Ҥoŋzi Davidna.

1 MULINA 2:15

Ndak wi lay ana mulla ginni manda, suu Israelna halaŋ ay ki toki ni unu ana anni mulna, mulla hin suɗ ki konu, tuɗ ki ni vi wayanna nam faɗ na ni u minda vi Yawera daŋ may.

2 DLAŊ MULINARA 22:10

Hu li ma Ataliya ta su Akaziyara hum ana goroɗna miɗ ki wa ni, ndaɗ min taɗ a ci suu hu deera mulla hu mbassa Yudara ki bel bel.

GA 8ATAMBARA 31:16

Yawe di Moiz ana, «Gola cemi ni aŋ hin buu ni ga u somoyoŋu, suu asina ca ni hin gi ni jaŋ li dlara gawlaŋŋa, hin tuɗ ki ni u loogi suu vi suu koyogi suu ka hu mbas ndaɗta wanna suu asi hin cuk ha dukusina, asi hin noyon kiyo, hin bulumun galam manda u asira kiyo.

SUU KAƁAKŊA 9:5

Nam tuɗ ndug ziŋ bumma hu Ofra. Nam ci gorsem suu vi bum Yerubaal suu dok-kiɗisiyana ki hu buu ma dewna halaŋ. Sa ma maa dewna ni Yotam toɓo ma vi Yerubaalna, kay nam ŋgay tam kiyo.