1 KORINTNA 9:1 - Boy Lonana

¹ An ka ki buɗiɗi su? An ni ka sa vovoɗta vi Lonaɗi su? An wi Yesu Bu Suuna may naɗi su? Agi ni vuɗ sun manda hu Bu Suunaɗi su?

1 KORINTNA 9:1 ပူးပေါင်းရင်းမြစ်များ

SUNDA 9:17

Ana nias tuɗ tuɗni, tuɗ tew hu zira nam hura, baa kom kam dam ana, «Sol, wayanna, Bu Suuna Yesu ma tak tam ay iriŋ hu voɗta ma gan ay egeŋ a iriŋ mba mal kiyo, a aŋ hoɓ u Musuk Lonara may.»

1 TIMOTE 2:7

Ni kay ndaɗta nam van ki a sa di boyna a sa vovoɗta, kay a haɗ suu ka njaf suu Juifnaɗina kay vira u gasira, an ka kaboyɗi, di ni gasira.

1 KORINTNA 3:6

an pi guna kaŋga ni anu, Apollos voom yona may, Lona hin wulummi namu.

SUNDA 23:11

Hu njeŋgera wanni, Bu Suuna tak tam ii Pol dam ana, «Vi huruŋu, aŋ diki kan hu Yerusalem tani, tuɗ diki kan hu Rom na may.»

SUNDA 9:3

Nam hu voɗta a tuɗ Damassa wanni, tew eg ɦoŋzi ma ŋgolna na tok may ni, gol irim na ni, kiɗikka mbay kolo huulona weleɗ kamma wilik.

1 KORINTNA 9:19

An ni ka mbaɓuna vi saɗi, an ki buɗiya, ni kay ndaɗta an mbuɗ tan mbaɓuna vi suuna kay a fasi ŋgol suwa.

2 TIMOTE 1:11

Lona tinin a an di Boy ma Ayra namma kiyo an ni sa vovoɗta a haɗ suuna may.

GALATENA 5:1

Kristu buɗuygi ki ni buɗta gasira kakaygi ɗigili hu buɗ ndaɗta, hoŋogi tagi hu mbaɓura oloɗi.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

ROMMA 1:1

Ni an Pol sa sunda vi Yesu Kristu, Lona yanu, manan a sa vovoɗta kay a dam Boy mam ma Ayra kiyo.

GALATENA 1:1

Ni an Pol sa vovoɗta, manan ka ni suunaɗi, ka u saɗi lay, ni Yesu Kristu u Lona Buna ma colom ki kolo iiri duk suu miɗina.

1 TESALONIKŊA 2:6

Ami hal ka ana suuna ŋgaamiya naɗi. Ka agiɗi lay ka suu hiŋŋaɗi lay. Lini ami mina ni ami ndak a li a suu ŋgolo magisina ko suu vovoɗta vi Kristu na.

2 KORINTNA 11:5

An saa ana an ka kaɗaki duk suu vovoɗta suu ŋga tasi ana asi ni suu ŋgolonaɗi.

1 KORINTNA 1:1

Ni an Pol ma Lona u min mamba yan a sa vovoɗta vi Yesu Kristu, u wayayna Sosten.

ROMMA 11:13

An dagi ha ni magi agi suu ka njaf suu Juifnaɗina, anni sa ma vovoɗta ma gam ay maŋ njaf suu ka Juifnaɗina, kay sun man ndaɗta an li furira kaɗu.

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

SUNDA 14:14

Suu vovoɗta hum boy namma na ni haa baraw masina ki huuk huuk yow liŋŋa ha duk suuna sawalla ha kolo eŋga ana,

SUNDA 14:4

Suu hu ɦoŋzi ma ŋgolna irisi ɓorow ki duk mba', suu ɦiw u suu Juifna may, suu ɦiw u suu vovoɗta may.

SUNDA 13:2

Fali taa dew asi tok tasi a cen Bu Suuna wanni, asi ci yoɗi lay ti vaɗi lay. Musuk Lonara dasi ki ana, «Man gi Barnabas u Sol ki kay sunda an yasi kaɗta.»

SUNDA 9:15

Bu Suuna dam ana, «Tuɗa, an man sa namma ni ko vaan ma sunda na a takan sen ki maŋ njaf suu daŋŋa, maŋ muli masisina u suu Israelna.

SUNDA 9:5

Nam joɓom ana, «Ni aŋ gege, Bu Suuna?» Del ndaɗta hoŋom dira ana, «Ni an Yesu ma aŋ lasanna.

1 KORINTNA 10:29

An daŋŋi ka kay saa maŋgaɗi ni kay saara sana daŋgara. Sana di na ni, «Kay mege? Sa daŋŋa hin kaan ɓakŋa kan kay saa manda ni nanage?

1 KORINTNA 10:30

Lini an gi deɓ Lona kay va an tamma, sana hin tumun un kay va an gi deɓ Lona kamma ni nanage?»

1 KORINTNA 11:16

Lini sa min a ciwayra kay boy namma ni, nam wi ki anaba, ami u suu vina vi Lona halaŋ gaɗta daŋ kaɗi.

2 KORINTNA 10:7

Agi ŋgaagi tlena ni kay wira agi ka wasi u irigira lini sana vi kam wa ana nammi vi Kristu ni, saa kay boy namma may ami lay ni maŋ Kristu ko ndaɗta na.