1 KORINTNA 8:9 - Boy Lonana

⁹ Gologi tagi jivi kay buɗ magira, li va ma cuk gorsegi suu maŋina kaŋga hu viraɗi, kaŋga hu coraɗi lay.

1 KORINTNA 8:9 ပူးပေါင်းရင်းမြစ်များ

GALATENA 5:13

Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.

1 PIYER 2:16

Poyogi ko suu ki buɗina na, may ni li buɗ magira ko va ma baa yam cora naɗi, lagi ko suu sun Lona na.

2 PIYER 2:19

Asi dasi ana, asi hin buɗusi ki hu mbaɓura, na may asi kay tasira ni mborɓii suu a bagina, gegelay ni mbaɓuna vi va ma nam su kamma.

1 KORINTNA 10:24

Sana hal a li jivi mamba kay tam holɗi, li tlesuu jivina ni eg ndarayamma.

1 KORINTNA 10:32

Lagi dlara a ba sa kiɗi, ko suu Juifna suu hu njaf ma daŋŋa, u suu vi suu vi Lonna kiɗi.

1 KORINTNA 9:22

Hu li ma an ka duk suu maŋi hu vira an mbuɗ tan maŋi ko asi na may. Kay an a mba fasi unu, an li tlena ki zeɗ zeɗ halaŋ kay an a suɗ suu ki dukusi ɦiw.

1 KORINTNA 8:12

A li cora ko wanni na eg gorsegi suu wiisira maŋina, ni agi li cora ni eg Kristu u tamba.

1 KORINTNA 8:10

Lini ma maŋina waŋ aŋ sa wira kagi ti hu Ziŋ fulinana, nam hin wi tam saɓakŋa ti hu Ziŋ fulinana lay?

WIRA ŊGAYRA 2:14

Va ma hurun ɓeŋ egeŋ kamma kaa, kay suu tin hurusi kay haɗta vi Balaamma ka varaŋu. Balaam haɗ Balak dlara suu Israelna cuk kaŋga hu cora, asi kom tliw ma li ɓivunna maŋ fulina u namma, li dlara zoŋga lay.

2 KORINTNA 11:21

an li zolo kay a di boy namma, ami ay maŋi cocoo a li ko wani nara. Kay ndaɗta lini sa ma min ŋga tam kay vaa, an ɓak ko an laɓana na, an may ni li na may.

1 KORINTNA 10:29

An daŋŋi ka kay saa maŋgaɗi ni kay saara sana daŋgara. Sana di na ni, «Kay mege? Sa daŋŋa hin kaan ɓakŋa kan kay saa manda ni nanage?

ROMMA 15:1

Aygi suu ka saɓak hu virana njun u suu viisira maŋina, a zii maŋi mayra aygi ka kak iiri kay dlara furiyuygi huruygi kay taygira ɦawaɗi.

EZEKIYEL 14:3

«Goŋ sanna, suu asina fokoŋ ca ni fuli masisina vi hurusi kurufuwa. Asi gi ki fokosi ni va ma daɓasi sesi a asi li cora na. Na ni an hin a hin tan a asi joɓon gasi may su?

EZAYI 57:14

Sa di ana, minigi voɗta kiyo, miniɗ kiyo. Tlesuu daɓ semma hu voɗtana yowosi ki fok suu mansina.

EZAYI 35:3

Ko ma ki loɓina, mbuɗum ki saɓakŋa, vun gif ma ɓulugudina ɗob ki lay.

DLAŊ LEVIRA 19:14

Aŋ ŋgul sa ma humum ŋgelinaɗi, gi va ki hu voɗta fok sa ma irim duginaɗi, ko ndaɗta na ni aŋ li ni ndaa Looŋŋa. Ni an, Yawe.

MATIYE 18:10

«Lagi tagi jiviya, kay kemba ca ni, gologiya maa lalasiya. An dagi ha ni gasira suu masi suu sunda huulona eg Bun ma kolona golom irim kasi tew tew. [

EZEKIYEL 44:12

Asi ni suu gijaŋŋa a goɓ fuli magi suu ɦawana jew suu Israelna ni asiya. Kay ndaɗta asi cuk suuna halaŋ hu dlara cora ni asiya. Kay ndaɗta an Bu Suuna, Yawe, tli kon kolo suu tan ana asi hin fi ɓak ma cona kay dlaasi ndaɗta.

1 KORINTNA 10:28

Lini sa daŋ wa ana, «Tliwna wanni tliw ma ɓivunna,» ni aŋ tiɗi, kay boyna vi sa daŋŋa, kay saara lay.

2 KORINTNA 6:3

Ami saa ana sa ndak ka a ŋgulumi sun mamiraɗi, ni ami ka hal a ganyam saɗi lini hu megelay.

2 KORINTNA 11:29

Lini sana maŋiya an li tan maŋi egem may, lini sana ndi kaŋga hu cora wa ni an mbuɗ tan hahawra may.

KOLOSNA 2:8

Gologi tagi jiviya kay sa mba vagi ki um u ganyamba boy ma coli kay nera vi suuna col kay haɗta vi duliyara, u haɗta vi suuna ɦawa, ni ka kay Kristuɗi.