1 KORINTNA 8:3 - Boy Lonana

³ Sa ma min Lona, Lona wamu.

1 KORINTNA 8:3 ပူးပေါင်းရင်းမြစ်များ

1 MULINA 3:3

Salomon min Yawe coco ɦay. Nam li ni u dlara bum David damba kara, may nam li ɓivunna ŋgal mbitla his jivira ay ni kolo kay li mbuyna tuwa.

SOOLLA 1:6

Kay Yawe wi voɗta vi suu ɗegeena. Voɗta vi suu li dla cora, tuɗusi ni hu li ma baasi kina.

SOOLLA 17:3

Aŋ golon hurunu, njeŋge lay aŋ ka wanu, aŋ golon hurunu, fi co ka huɗi. Vunun ka di dlara coɗi lay.

KALKIRA 33:12

Moiz di Yawe ana, «Gola aŋ dan u vun taŋga ana, cuk suuna kiyo, may aŋ takan sa ma aŋ hin sunum u anna kaɗi, doli ɗini aŋŋi sa ma di ana, An waŋ ki ni u seŋ halaŋ, olo ana, Aŋ fi jivira irin wa.»

KALKIRA 33:17

Yawe di Moiz ana, «Boy ma aŋ dam wanna an hin li ni na may, kay aŋ fi jivira irin wa, an waŋ ki ni u seŋ halaŋ.»

JEREMI 1:5

«Bay an laŋ ay hu suŋ tura ni an waŋu. Bay aŋ kal ay ki huruɗ tura ni an manaŋu. An mbuɗuŋ ki sa jok vun Lona maŋ suuna halaŋ.»

AMOS 3:2

An wagi ni agi kay tagi hol, duk suu kay ndaŋgarana halaŋ, ni kay ndaɗta agi hin ɓakagi dlaagira cora ki fokon halaŋ.

NAHUM 1:7

Yawe jiviya, nammi ŋgus ma kay suuna hu buu ma wi hawrana. Nammi sa gol suu ŋgay tasi egemma.

MATIYE 7:23

An hin dasi ana, An wagi ay kaɗi. Ҥuɗugi ha ki egen day, agi suu li dla cora.»

Boy Ma Ayra Ma JAŊ Ɓiirimma 10:14

An ni sa taa yoona jivina. Bun wan may, an wam may. Ni ko ndaɗta na, an wi timigii mansina asi wan may. An ba iiri manda ki kay timigii mansina.

Boy Ma Ayra Ma JAŊ Ɓiirimma 21:17

Nam hin joɓom a yamba hindira ana, «Simon, goŋ Jaŋŋa, aŋ minin su?» Piyer ɗus irim na dum dum kay joɓpa Yesu joɓom a yam hindira ana «Aŋ minin su?» Nam hoŋom dira ana, «Bu Suuna aŋ wi tlen halaŋ, aŋ wi kaŋ ana an miniŋu.» Yesu dam ana, «Golon timigii mansina.

ROMMA 11:2

Lona ka noy suu mam suu nam wasi ay jewna kiɗi. Agi wagi boy ma Eli dam maŋ Lona kay suu Israelna kaɗi su?

1 KORINTNA 13:12

Cecem wanda aygi gol taygi ko ŋgussa hu kotoromma na, aygi hin waygi taygi u iriygiya. Cecem wanda an ka wi ki jiviɗi, ha fokka an hin wi ki jivi ko Lona wanda na.

1 KORINTNA 2:9

Ko magaara dira na, «Sa ma wi boy namma ay kaɗi lay, ma hum kaɗi lay, sa saa ka kambi ni kay mege, Lona min tle asina ni kay suu minimma.»

GALATENA 4:9

Cecemi agi wi Lona wa, cecemi Lona wagi wa may, ni nanaba agi hoŋ u ŋgussa maŋira lalassa nige? Agi min hoŋogi dagan a mbuɗ tagi mborɓii masisina ni nanage?

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

1 PIYER 1:8

Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.

1 JAŊ 4:19

Aygi li minda kay Lona miniygi jewe.

1 JAŊ 4:7

Banayanna miniygi taygi duk taygiya kay me minda col ay ni ko Lona, lini gegelay li min suuna ni nammi goŋ Lonna nam wi Lona gasi lay.

WIRA ŊGAYRA 2:13

An wi li ma aŋ buu huna, ni hu li ma Satan kaki kay dlam mamba mulla huna. Aŋ huruŋ tini kan eŋe, huruŋ ma tini kanna aŋ bay hinim ki tuwa. Fali mayra Antipas sa ma diki kan gasina, asi cam varagira lay, ni li ma Satan kaki huna.

WIRA ŊGAYRA 2:19

An wi tlesuu aŋ lasina halaŋ, an wi ana aŋ min suuna cocoo, an waŋ ɗegee maŋga, u ɦala ɦal taŋ ki kay sundara lay, u lalam maŋga lay. An wi ana sun maŋga cecemi mbuɗ ŋgol su jewra.

WIRA ŊGAYRA 2:9

Wihaw maŋga an waɗu, haw maŋga an waɗ lay, u gasira ni aŋŋi sa ɦizina. An wi dla co mayra suu ana asi ni suu Juifna ni ka suu Juifnaɗi layna daŋga kaŋga, tok masira ni tokka vi Satanna.