1 KORINTNA 6:9 - Boy Lonana

⁹ Agi wagi ki kagi ana, suu hurusi cona ka fi Mul Lonaraɗi. Ganyam tagi kiɗi, suu li dla cora u suu cen lo ma ɦawana, u suu li zoŋga, suu buu u ndarayasi suu njufina,

1 KORINTNA 6:9 ပူးပေါင်းရင်းမြစ်များ

DLAŊ LEVIRA 20:13

«Lini sana buu u ndaram sa njufna ko suuna buu u boyogina na ni, asi jakŋi casi kiyo kay dlara asi laɗta ni ka jiviɗi, yow cocoo, busuɗusi hoŋŋi kasiya.

DLAŊ LEVIRA 18:22

«Aŋ ka buu u ndaraŋ sa njufna ko buu u boyoginara naɗi, dla ndaɗta ki yow coco ii Lona.

1 KORINTNA 6:10

suu kulna, suu ŋgiziɗ tlen vi suuna, suu guruɗ u summa, suu ŋgul ndarayasina, suu kaboyna, asi halaŋ ka fi Mul Lonaraɗi.

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

1 KORINTNA 6:19

Agi ka wi ana mbalatagi ni zina vi Musuk Lonara naɗi su? Musukka hurugi wanda Lona ɦagira ni namu. Mbalatagi ka ni magira kay tagiɗi.

1 KORINTNA 5:10

Saa manda ka ana agi taɓ u suu hu duliyara halaŋgira ka naɗi, suu li dla cora, suu ŋgiziɗ tlena vi suuna, suu kulna, suu cen lo ɦawana, agi noyosi ki halaŋga ni agi cuk ki hin duliyara kiyo.

HEBRENA 13:4

Suuna halaŋ gol ɗum masira jiviya, njufna u cara kak jivi eg tasiya. Lona hin mba kaɓakŋa kay suu li dlara yowna u suu li zoŋga.

GA 8ATAMBARA 22:5

Cara ka cuk baraw ma vi njufiinanaɗi, sa njufna ka cuk baraw ma vi boyoginanaɗi may. Sa ma li ko ndaɗta nana ka ii Yawe Loogina jiviɗi.

ROMMA 1:18

Yara vi Lona col ay kolo day tak ki kay cora vi suuna halaŋ, u dlaasira cora ka hin gasira a liɗira.

HEBRENA 12:14

Soogi tagi a lakagi u heɓpa u suuna halaŋ kay a poy jivi teteɗ, bay poyra jivi teteɗ ndaɗta bani, sa ndak a wi Bu Suunaɗi.

1 KORINTNA 15:50

Gola gorsenna an min dagiya, va ma lam u tliwna u busuna ka ndak fi Mul Lonaraɗi, va ma ki miɗina ka ndak fi miɗɗira ɗi.

1 KORINTNA 15:33

Ganagi yam tagiɗi, «Banara cora ɓeŋ poyra vi sa ma jivina.»

1 KORINTNA 3:16

Agi wi ka ki ana agi ni Ziŋ Lonana, Musuk Lonara kaki hurugi may.

HEBRENA 12:16

Gologi tagi jiviya a sa mba li dlara zoŋgi, ko suuna ŋgolo humusi ka kay tlesuu teteɗnaɗi, ko Ezaw ma gus ŋgol mamba ki kay tlesuu tira naɗi.

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

1 KORINTNA 5:1

Suuna ɓak kagi na tew tew ana dlara ka dukugiya, dlara zoŋga ndaɗta suu bay vina lay ndak ka li naɗi, asi di ana sa maa dukugi dew ni vi caŋ bumba ki umu.

SUU KAƁAKŊA 19:22

Hu li ma asi laki koɗ tasi na ni, gola ni suu dlasi kaɗi suu ɦoŋzinana mba ŋguy zina ni na gaw. Ci vun grekŋa eŋga di sa maa ma malaŋ zina ana, «Gami sa ma kal varaŋ wanna ay ki kiɗiki, ami min buu u namu.»

GA 8ATAMBARA 23:17

Aŋ hinim nam kakŋi u aŋu, hu li ma nam manam ana irim jiviyana hu ɦoŋzi ma nam minna. Na may aŋ ka lam dlara a mbuɗ taŋ ki va u nambi kamma.

URA TIN AYRA 19:5

Asi yi Lot joɓom ana, «Suu may suu li cuk varaŋ njeŋge nina ni arage? Ҥamisina ay ki bunsu wa ami min buu u asiya.»

VUN ŊGOLNA 22:8

Sa ma zaa dla cora hin feɗ ni dla cora may. Tokolo mamba li saɓakŋara kus ki wa.

Magaara JAK Ɓiiriɗta 1:16

Gorsen suu an minigina ganagi yam tagiɗi.

1 KORINTNA 9:24

Agi wi ana suuna cuk liŋŋa ni suuna cukŋi halaŋ, sa ma hin fi warakŋa hin lini dew.

MATIYE 19:29

Suu ana asi hin ziisi kiyo, ɗowba gorsesina, busiya, susiya, goryosiya, sene masina kan anu ni, asi fi ŋgol suwa sem kis olo, hin fi iirira ka daɓ kiɗira hu jona lay.

ZAKARI 5:3

Nam hin dan ɗaŋŋi ana, «Dla cora cuk ay ki kay yam mbassa halaŋ halaŋŋi ndaɗu. Olo, hu ii koɗ maa dew di ana, suu kulla halaŋ hin casi kiyo, hu ii koɗ ma hiŋŋa di ana, suu suu tasi bay gasira hin casi ki may.»

VUN ŊGOLNA 11:1

Yawe ka min kelew ma ka tlam u voɗombina ɗi. Nek mayra tli jivi u voɗoɗta ni irim jivi ɦay.

DLAŊ LEVIRA 19:15

«Kaagi ɓakŋa ni u ɗegeera, njun u sa ma maŋinaɗi, aŋ ka njun u sa ŋgolna ana nam ŋgoloraɗi lay, kaasi ɓakŋa ni u voɗom a asi ni gorseŋŋara halaŋ.

KALKIRA 23:1

Aŋ ka di ŋgeŋ kay saɗi, aŋ kaboy kay sa bay uɗ ɦawa na gorɗi.

SUNDA 24:25

Pol gijaŋ boyna a ɓak kay a sana kak iiri ɗegeera, kay doora doo tara, kay ɓakŋa vi Lona ma hin mbana. Feliks tam mbuɗ ndaana, nam di ana, «Aŋ tuɗ cecemi vaŋ tuwa, buu ma daŋŋa an hin yaŋ ay tu olo.»

DLAŊ LEVIRA 18:20

«Aŋ ka buu u cara vi ndaraŋŋaɗi, dla ndaɗta mbuɗuŋ ki njenjee.

GA 8ATAMBARA 22:22

Lini agi hum kay sana ana nam buu u cara ki ɗumira ni, suu asina miɗ ki ni jak. Sa ma buu u ca ndaɗtana may, ca ndaɗta lay, agi bulum dla cora ki duk suu Israelna.

VUN ŊGOLNA 7:27

Tuɗ varaɗ ni ko ndal aŋ tuɗ ni vi suu miɗinara na. Kalaŋŋi hu li ma ndufunna hu lina vi suu miɗina.

EZEKIYEL 18:11

Na may bum li dlara na ka na dewɗi. Nam goona may ni ti kolo kay ɦinira lay, taɓ u boyogi suu vi ndaryammana lay.

Boy Ma Ayra Ma LUK Ɓiirimma 21:8

Yesu di ana, «Gologi tagi jiviya, viɗigi ii tagiɗi. Kayme suuna hin mba u sen ŋgolo. Gegelay hin di ana nammi Sa Suɗta, lina ndak wa, ni agi tuɗugi usiɗi.

SUNDA 20:32

«Cecemmi an hinigi ko Lona u boy mam ma oora. Nam ndaki kay a njunugiya, a ɦagi jivira nam ŋgaaɗ kay suu mamsina ko jona na, ni kay suu mbuɗi teteɗna halaŋ.

1 KORINTNA 5:11

An min dagi anaba taɓagi u sa di kay tam ana nammi sa ma vina, hin li dla cora, ŋgiziɗ tlena vi suuna, cen lo ɦawana, ŋgul suuna, ma guruɗ u summa, ma kulna, taɓagi u nambi, ti fu u nambi lay.

1 KORINTNA 6:18

Piirigi ki kay dlara zoŋga, cora daŋga sana laɗ halaŋga, ki buru eg sana, sa ma ɦal tam kay li zoŋga, li co ndaɗta ni eg mbalatam gaw.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

GALATENA 6:7

Ganagi yam tagiɗi sana ka ndak a pan Lonaɗi, sana hin feɗ ni va ma nam zaaramma.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

1 JAŊ 3:7

Goryonu hin sa a ganagi yagiɗi, sa ma li dlara ɗegeera ni nam tamba ni ɗegee may. Ko Yesu Kristu ɗegeera na may.