1 KORINTNA 6:2 - Boy Lonana

² Agi ka wi ana suu vina hin kaɓakŋa kay suu hu duliyara ni asiya naɗi su? Lini kaɓakŋa kay suu hu duliyara ni agiya ni, agi ndak ka gi ii dla mayra duk ɦoŋogi ewra layɗi su?

1 KORINTNA 6:2 ပူးပေါင်းရင်းမြစ်များ

MATIYE 19:28

Yesu dasi ana, «An ka dagi gasira ha ɗaŋ. Falira Goŋ Sanna hin kak kay dlamba mulla hu bibiŋilla vi Bumba, kay tlesuu wilinara wanni, agi suu doogo yam mba' suu tuɗ unna, agi hin kak a ka ii ɓakŋa kay dee suu Israel suu doogo yam mbana may.

Boy Ma Ayra Ma LUK Ɓiirimma 22:30

Agi hin ti tina u an hu ŋgotta dewra hu Mul manda may. Agi hin kak hu dlamba mulla a kaɓakŋa maŋ dee suu Israel suu doogo yam mbana.»

DANYEL 7:22

ta ta sa ma maana mbay tuwa, ɓakŋa li jivira kay suu teteɗna vi Lo ma Kolo Dayna, lina ka mbaa suu sunda hin ti mulla.

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.

WIRA ŊGAYRA 3:21

Suu col eŋ su kay ndaŋgarana an hin yowosi egenu kak u asi kay dlam manda mulla, ko an ti lay kak eg Buna kay dlam mamba mulla.

DANYEL 7:18

May suu sunda vi Lo ma Kolo Dayna hin vasi mul masira, asi hin kak ti mulla a fafaɗta ka daɓpi.»

2 KORINTNA 4:18

Ami tin hurumi ni ka kay va sa wam u irimbi, ni kay va ma sa ka wam u irimbina. Va ma sana wam u irimma ka kak ŋgolɗi, va sa ka wam u irimbina kak din din ni namu.

1 KORINTNA 6:4

Lini dlara vi sana ka duk tam u wayamma kay tlesuu hu duliyara ko wanni na ni, agi yowogini suu ka duk suu vina suu gorina a kaɓakŋa.

SOOLLA 49:14

Gola ni daɓpa vi suu laɓana, suu tin saa masira kay tasi holna, u suu may suu min njaɗta fiyekka.

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

ZAKARI 14:5

Agi hin pii ki hu ɦuɗugum ndaɗta, kay ana ɦuɗugum ɦinira hin tew ha ki hu Azal. Agi hin pii ko agi pii ki hu cokira ndaŋgara dlak hu li ma Oziyas a mulna hu Yudara na. Olo, Yawe, Loonna, hin mbay u suu mam suu teteɗna umu.

ROMMA 6:16

Agi wi kagi ana agi ɦal tagi wa a li sunda vi saa ni hum umu, agi hin mbuɗ ni mborɓiina vi sa ma agi hum uma, li u cora a tuɗuŋ hu miɗna kala, ɗowba u hum vunna a tuɗuŋ hu ɗegeera fok Lona.

1 KORINTNA 1:20

Na ɗaŋi suu neeyna hin dini ana mege? Ni suu wi dlara hin dini ana mege? Suu ciwayra hu duliyara tanina hin dini ana mege? Lona di ana nera vi suu hu duliyara ni laɓara.

1 KORINTNA 1:21

Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma.