1 KORINTNA 5:1 - Boy Lonana

¹ Suuna ɓak kagi na tew tew ana dlara ka dukugiya, dlara zoŋga ndaɗta suu bay vina lay ndak ka li naɗi, asi di ana sa maa dukugi dew ni vi caŋ bumba ki umu.

1 KORINTNA 5:1 ပူးပေါင်းရင်းမြစ်များ

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

WIRA ŊGAYRA 2:21

An hiniɗ lina a ndaɗ mbuɗ huruɗ kay cooɗta, ndaɗ ka min a mbuɗ huruɗ kay dlara zoŋgaɗi.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

EFESNA 5:3

Agi suu vi Lonana, njaf cora ko boy zoŋga, bay ɗegeera, ŋgiziɗ tlena vi saa, ni halaŋ mba li dukugiɗi.

DLAŊ LEVIRA 18:8

«Aŋ buu u caŋ buŋgaɗi, kay aŋ wi ki ni siilira vi buŋga.

GALATENA 5:19

Aygi wi sunda vi sa warna tak ki ni, boy zoŋga, bay ɗegeera, u dla cora.

1 TESALONIKŊA 4:7

Lona yaygi ka kay dlara njenjeraɗi, aygi kakŋi hu teteɗta.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

1 KORINTNA 6:18

Piirigi ki kay dlara zoŋga, cora daŋga sana laɗ halaŋga, ki buru eg sana, sa ma ɦal tam kay li zoŋga, li co ndaɗta ni eg mbalatam gaw.

1 KORINTNA 6:13

Agi di olo ana tina ni kay hayra, hayra ni kay tina may. Na may nam Lona hin ɓalakasi ki jak, Lona li mbalata sana ni ka kay dlara zoŋgi, mbalata sana ni maŋ Bu Suuna. Bu Suuna ni kay mbalata sana may.

1 KORINTNA 6:9

Agi wagi ki kagi ana, suu hurusi cona ka fi Mul Lonaraɗi. Ganyam tagi kiɗi, suu li dla cora u suu cen lo ma ɦawana, u suu li zoŋga, suu buu u ndarayasi suu njufina,

1 KORINTNA 5:11

An min dagi anaba taɓagi u sa di kay tam ana nammi sa ma vina, hin li dla cora, ŋgiziɗ tlena vi suuna, cen lo ɦawana, ŋgul suuna, ma guruɗ u summa, ma kulna, taɓagi u nambi, ti fu u nambi lay.

SUNDA 15:29

Komogi tliw ma sana li ɓivunna maŋ fulina u nammaɗi, ci busunaɗi, kom va ma sana muruɗum muruɗi ɗi, gologi tagi jivi kay boy zoŋga. Lagi tagi jiviya, hin dlara halaŋga ndaɗta kiyo.»

SUNDA 15:20

Ɓiirigisina magaara, asi kom tliw ma njenje ma sana li ɓivunna maŋ fulina u nammaɗi, doo tasi kay dlara zoŋga, asi kom tliw tlesuu muruɗusi muruɗina ɗi, ci busunaɗi lay.

JEREMI 2:33

Ndak wi yal ma gi ii dlara may, gasi ndak tuɗ taɓ tak ki u suu ci maɗna wa.

2 KORINTNA 7:12

An ɓiirigi magaara ha ni ka kay sa ma li cora dukugi naɗi, ka kay ma cora li ay egemmaɗi lay, ni kay humugi gagi kay Lona, ni njunda agi njun umira.

1 KORINTNA 1:11

Gorsenna an hum fun suu vi Kloena ana honira ka dukugiya.

AMOS 2:7

Kay ana asi min a ko gugumma kay suu maŋŋina, asi li ii suu lalamma kay bege masira, ko ndaɗta na goona u bum tuɗ ha ni vi goora dewra a ɓeŋen sen ma teteɗna kira.

EZEKIYEL 16:47

Lini ndak li dlara ko asi na njunusi vunusira ndakak ka tuɗi lay. Dlaakka jak su ki ni kay masira na ɗow.

GA 8ATAMBARA 27:20

«Sa ma buu u caŋ bumbana sa namma ba ki wa, kay nam ɓalak ki ni dlara vi bumba. Suu halaŋŋa hoŋ dira ana, Amin.

EZEKIYEL 22:10

Suu daŋŋa buu u boyogi suu vi somoyosina. Suu daŋŋa ɦeɓ boyogina buu u asi hu li ma tasi tasina.

1 DLAŊ MULINARA 5:1

Rubenni goŋ Israel ma vuɗ jewna. Nammi ma vuɗ jewna may hu li ma nam ɓeŋ li ma buu ma vi bumma kina, ŋgol mamba ɦaɗ ki maŋ Yosef ma goŋ Israelna. Nam mbuɗ ki ni ko sa ma viɗ ŋgol mamba kina na.

2 SAMUEL 20:3

David tuɗ ki vo varam hu Yerusalem. Mulna yow banayam boyogi suu doogo suu nam hinisi a gol u zinana hin cukusi ki hu zira goloɗ jivira. Nam ɦasi tlesuu tira may, ka tuɗ egesiɗi. Asi ki gira daŋgayna ta ta hu buu masi ma miɗna, ko ndal suu donora suu njufusi ki miɗɗina na.

2 SAMUEL 16:22

Asi min mbutluɓma maŋ Absalom kolo kay yam zira dudurna. Absalom tuɗ eg banayaŋ bum suu boyogina ii suu Israelna halaŋ.

1 SAMUEL 2:24

Seŋegiya goryonu, dlara an humuɗ suu vi Yawena ɓakaɗ kagira ka jiviɗi.

DLAŊ LEVIRA 20:11

«Hu li ma sana buu u caŋ bumbana nam wi ki ni siilira vi bumba. Suu asina casi ki jak, busuɗusi hoŋŋi kasiya.

URA TIN AYRA 49:4

Aŋŋi ko yo ma ka bilna na, aŋ hin ka fi vaɗi. Kay aŋ ful kay lay ma vi buŋŋa. Aŋ mbuɗun liin ma buuna ki njenjee.

URA TIN AYRA 37:2

Ni u dlara kay goryoŋ Yakobma, Yosef basaɗam tew ki doogo yam kiɗisiya ni nam taa yoorina u gorsemma. Nam tuɗ tew tew ni u goryoŋ Bila u Zilpana boyogi suu vi bumma. Yosef mba cuɗ dlara gorsemma laɗ cora ki maŋ bum halaŋ.

URA TIN AYRA 35:22

Hu li ma Israel ka cuki hu mbas ndaɗtana ni, Ruben buu u caŋ bumba Bila, Israel hum boy namma. Goryoŋ Yakob suu njufiina halaŋŋi doogo yam mba'.

2 KORINTNA 2:5

Lini sana fi dlara yoora wani mbuɗum yoora ni ka anɗi, ni agi halaŋ kay ka a kalaɗ ki saɓakiɗira ni suu ɦiw dukugiya.