1 KORINTNA 4:7 - Boy Lonana

⁷ Sa ma tiniŋ a ŋgolla kay ndarayaŋŋa ni gege? Tlesuu koŋŋa halaŋ Lona ɦaŋsina ni ka nambi su? Aŋ ŋga taŋ kay tlesuu koŋŋa ko aŋ fasi ka ɦawaɗira na ni nana ge?

1 KORINTNA 4:7 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 3:27

Jaŋ hoŋ dira ana, «Va Lona ɦam kaɗina, sa ndak ka a fam kay tambi.

1 PIYER 4:10

Gegelay li ko ɦala vi Lonara zeɗ zeɗta egemba na, njun u suu hiŋŋa u ɦala nam faɗ ko Lonara.

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

ROMMA 12:6

Lona ɓorowoygi dlara egeygi zeɗ zeɗ aygi ndak kay li sunda u ɦalla nam ɦaygira ɦawa u oo mamba ndaɗta, lini sana Lona ɦam yal ma di boyna wa ni nam ndak di u viimba nam vira.

Boy Ma Ayra Ma JAŊ Ɓiirimma 1:16

Aygi halaŋ fi tlesuu col ay komma ni u ɦiz mamba oora ha ŋgoo dagan na gak gak olo.

VUN ŊGOLNA 2:6

Kay Yawe ɦal yalna ay ni namu, yal ma wira u gasira cuk ay ki ni funumu.

Boy Ma Ayra Ma LUK Ɓiirimma 19:13

Nam a tuɗta wanni yi suu mam suu sunda doogo egem bel. Nam ɦasi gursura ka mbumbu dew dew, dasi ana, Agi mbuɗum irim kaa an hin hoŋ ay tuwa.

1 KORINTNA 15:10

U oora vi Lona an mbuɗ wi tan ana ni anu, oora nam ɦandara ka va ma lalas ɦawaɗi. Ni na ɗow an li sunda susi halaŋ, ni ka an kay tanɗi, a gasira ni oora vi Lona ta ka u anda.

1 KORINTNA 7:7

A gasira an min gin ni ana suuna halaŋ lini ko an na, na may Lona ɦal dlara maŋ suuna ni zeɗ zeɗ, sa ɦiŋŋa nam ɦam mamba hiŋga may, ma hiŋŋa nam ɦam mamba iriɗ ki na may.

ROMMA 12:3

U ɦalla Lona ɦanda ki u jivi mamba an min di ha ni magi agi halaŋ. Vagi saara daŋ hurugi ŋgol su dlara agi ndaki kaɗtaɗi, ni na ɗow ana saa ni hoŋ yamba kaŋga u jivira gege dukugi ni lini hu vira Lona ɦambara.

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

EZEKIYEL 29:3

Aŋ tuɗ ɓakasi ki ana, Bu Suuna, Yawe, di ay ana, Aŋ Faraw, mul ma Egiptena, an hin mbay kaŋu. Aŋ dragoŋ ma ŋgolna ma buuri duk mbo lum ma Nilna. Aŋŋi sa ma di ana mbo lum ma Nilna ni manna, an may ni li tanni kay tanuna.

1 KORINTNA 5:6

Boy ma agi ŋga tagi kam kaɗi, agi wagi vun ŋgolna di ana, «Kuffa ewra cukuɗ duk futta yarsira wanni ndaɗ buuɗ ki halaŋ.»

1 KORINTNA 3:5

A ndaɗta ɗaŋŋi Apollos ni gege? Pol ni ge mayge? Ami ni suu sun Lona ɦawaa, mbuɗ ana agi vi Boy Lonana ni umiya. Ami halaŋ sana gege lini sun mamba Lona yam kaɗta,